احتجاز طفله بقطر,وترحيل والدتها( المجني عليهاتتبرع بكليتها للجاني )

Quote: شكرا لكل من علق سلبي او ايجابي وكلام ابو احمد صح مية المية..اما العيون الفيها ريبة دي عيون نظرا ضعف من كتر البكا واما المدرسة .المدارس بتبدا من kg 1 ثم kg2 ثم الابتدائي من عمر ثلاثة الى ثلاثة ونص واما انو هو من الأخوان ففيها نظر .ثم صدر لي امر محكمة بنقل الكفالة موجود فوق شوفوهو كويس واعتقد انكم قريتو البلاغ المشطوب ضدي من طرفو.وللعلم اي كلمة مذكورة صحتها من كذبها مسؤوليتا علي انا ماعندي غرض بيهو انا تركت عقابو على الله انا همي طفلتي..وصحيح القصة زي الفلم الهندي لانكم ماعشتوها ولا عشتو معاناة طفلتي وهي نايمة في ارض قسم الشرطة من غير مخدة عشان الشرطية الحرمة مابتجي الا الصباح ماعشتو استهزاء الرجال القطريين بالشخص الارتبطت بيهو وماعشتو دخان السجاير ومرض بنتي بسببو ..الشي ده مابحس بألمو الا الأم الحقيقية… وللقال انو قانوني في قطر يديني إيميلو عشان ارسل لي الارقام والدعوى وحتى رقم الحجز.. ماتفتكترو عاجبني انشر الكلام ده ولا حتى لم قسم الشرطة طلب مني فتح بلاغ في طليقي بانو فاقد القوى العقلية لانو دي مامن مبادئي.. وانا مابسيء لدولة قطر لاني متاكده انو لو عرفو ماهيرضو ودي تجاوزات فردية لغرض الانتقام. موضوع حقق فيهو الانتربول وتوكل فيهو محامي قطري من اشهر العوائل اتوكل عني مجانا من غير ولا ريال ومن غير مايشوف وشي ولا عيوني المريبة دي جزاه الله خير. .وفي الاخير انا ماطالبة شي غير بنتي فقط لا غير والحقوق عند الله لا تضيع والظلم في الدنيا حقو واضح وعند الوقوف على الصراط يعرف الظالموم مآلهم