|
|
 Re: شـــــــــــــــــوق (Re: بله محمد الفاضل)
|
البلال
عوافى ياخ
و شوق عرمرم
انت الشوق و الإشتهاء ديل تيمان ولا اخوان ساى ؟
بعدين شنو
غالبا بكونو تيمان، قول لى ليه
لأنه التيمان دائما متعبين و شقيين
الشوق ده سجال بين بروق التمنى ومراسيل الغيمات البخيلة
عينك للسماء مليان و محيّن مطر وانت مشتاق تبل رويحتك الناشفة
وتقعد تنقط و "تحندك" فيك لا من نشافك يستفحل و يبقى يباب
و تومه التانى، الإشتهاء، عبارة عن تفاؤل ساذج ماخد شكل حسن النية
وما عنده ولا عارف ليه اتجاه يهطل فيه و يتدفق
و واطاة الروح تتمحن و تقعد تعاين و تنتظر
المهم يا زول الإتنين متعبين وقاسين
غايتو اعمل حسابك
|
|
  
|
|
|
|
|
| |
أبوذر بابكر
فيس بوك
تويتر
انستقرام
يوتيوب
بنتيريست