|
Re: خطوط عرض اليقين (Re: عليش الريدة)
|
يا العليش تقلبو عيش
دى نديهة واحدة من اهلنا ناس الجزيرة ، فى زنقة ما، لى شيخنا العليش من اقطاب اهلنا العركيين
برجع ليك ليها بعد نشوف حكاية الأسئلة والأجوبة
كيفنك ياخ
السؤال باب المعرفة والإجابة نورها
ومرات كتيرة الغرض من السؤال ما بكون معرفة الإجابة و بس لكن بكون فى مرمى و هدف تانى ابعد و اعمق
زى سؤال الخالق ربنا لرسول بنى إسرائيل النبى موسى بن عمرام لما كان بالوادى المقدس و آنس النار ومشى عليها فى جبل حوريب بعد الخروج الكبير
وما تلك بيمناك ؟
أكيد ربنا كان عارف الإجابة طبعا ولا تخفى عليه
لكن موسى برضو أجاب وبالتفصيل كمان
والسؤال كان عن العصا طبعا، وكان عندها دور جوهرى بعد رجوع موسى لفرعون لأنها بقت واحدة من الآيات الداعمة لموسى وقصته مع سحرة فرعون معروفة طبعا، والبطلة فيها كانت العصا السأل منها
اذن الأسئلة دى حاجة عجيبة جدا و مهمة جدا و متعبة فى نفس الوقت
ارجع ليك لقصة شيخنا العليش
بحكو انه ايام الاستعمار البريطانى للبلد، وفى واحدة من حلال الجزيرة كان فى صنف معين من انتاج الحواشات ممنوع الناس تشيله للبيوت، واعتقد انه كان سيقان القطن و واحدة من اهلنا ملت القفه حقتها وشايلاها فى رأسها وجايه من الحواشات، صادفت مفتش الغيط الإنجليزى وسألها شايله شنو
قالت ليه شايله لى عيش
طوالى قال ليها نزلى القفه عشان يفتشها
لو عرف الشى الممنوع الشايلاه كان حيكون فى عقاب طبعا
قال ليك المره طوالى ندهت الشيخ العليش
يا سيدى العليش تقلبو عيش
الخواجه هبش القفه كان لقاهو عيش
هههههههههه
|
|
|
|
|
|
|
|
|