|
Re: خطوط عرض اليقين (Re: أبوذر بابكر)
|
*تعرف يا أستاذنا.. عندنا جارنا في الحلة، عمك كبير كدا وتركيزو بدا يقل..يوم عندو واحد من معارفو الهامشيين عزمو لعرس ولدو..جارنا لما مشي للدعوة لمح ليهو واحد برضو من معارفو الهامشيين..أها قام قال بدل أقعد كدا براي أحسن أمشي أتونس معاهو لغاية زمن العقد يجي..لما مشى وسلم عليه طوالي جارنا سأله:إنت الجماعة ديل ببقوا ليك وللّا شنو؟ عمك داك قاليهو:والله ماببقوا لي لكن شكلنا كدا ح نبقا نسايب بعد شوية، أنا أبو العروس.. جارنا لما حكى لي النكتة دي،قالي هسة أنا بدل شلاقتي دي ،لوكنت صبرت لغاية زمن العقد يجي،ماكنت طلعت من الحرج دا.. *هسة يا أستاذنا أنا بدل شلاقتي دي لو كنت خشيت مكتبتك الحديقة دي،ماكنت طلعت من الحرج دا.. *مقدر لك تبسطك وتواضعك في الردعلي.. *الحنين لماضي معين،شعور يصيب الذين عاشوا ذلك الماضي..الغريبة رغم أني ماعشت ماضي المنبر دا،لكن لما أقرأ في إرشيفه بصيبني شعور الحنين للماضي.. تحياتي وشكرا
|
|
|
|
|
|
|
|
|