إلى الجالسين للحوار الوطنى حاملى هم الوطن الكرام... ربنا يوفقكم

مرحبا Guest
اخر زيارك لك: 05-02-2024, 08:59 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
10-13-2015, 08:40 PM

مامون المعتصم أحمد
<aمامون المعتصم أحمد
تاريخ التسجيل: 04-29-2010
مجموع المشاركات: 1812

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: إلى الجالسين للحوار الوطنى حاملى هم الوطن (Re: Nasr)

    Author: Nasr


    شكرا لراعي البوست أنه لجأ للحوار




    أولاً : البوست دا ما عندو راعى إلا الله جل و علا

    تانياً : لو قصدك على أنا فـأنا صاحب البوست ... و بما أنى

    لست من المقيمين في السعودية فأفضل كلمة صاحب و ليس راعى ..






    Quote: عاوز أذكرك إنو الحاكم المنتخب القلت عنو إنت جا بى إنقلاب برضو ..
    سموهو إنتفاضة او أي شى تانى إلا أنو كان إنقلاب على رئيس سابق..


    الرئيس السابق "نميري" هو عسكري خائن
    تمرد علي الشرعية وأغتصب السلطة قهرا وسرقة
    في إنقلاب مايو 1969
    إغتصبها من صاحبها الشرعي وهو الشعب السوداني
    لا يمكن أن تسمي نميري رئيسا
    لا طريق إلي حكم الشعب إلا برضائه
    وعن طريق إنتخابات حرة نزيهة
    ليس كل من يقفر في الدبابة
    نقبل به رئيسا




    النميرى رحمة الله عليه هو إبن الشعب الحقيقى و أرجع حكم الشعب

    للشعب بعد أن قلعو ممن كانوا يمثلون صفوة في البلد .. و يأمرون

    و ينهون في أي حاجة ... و رجعو للشعب من طلايع مايو إلى

    قوانين الشريعة كان كل شى بمباركة الشعب .. رغم إنى ما كنت

    بريدو لكن الحقيقة إنو كل الشعب السودانى إلا المبستفين في الإنقلاب

    كان بيحبو ... و كونو حضرتك جايىى بعد السنين دى كلها عشان

    تحكم عليهو ... أقول ليك حكمك مردود عليك لأنو في زمن نميرى

    نعم كانت في مثالب و برضو في منافع للبلد و منافعو كانت أكتر من

    مثالبو للحقيقة و التاريخ حاجات كتيرة مشرقة تمت في زمنو

    اسال الله له الرحمة و المغفرة و لكل طاقم حكمو المشوا لى

    دار البقاء و أساله الصحة و السعادة للأحياء ..


    نديك مثل من الشقيقة مصر
    مرسي رئيس إنتخبه الشعب المصري
    بعد ثورته علي ديكتاتورية حسني مبارك والدولة العميقة
    مع إختلافنا معه، نقبل به رئيسا
    الجنرال السيسي سطا علي السلطة
    بإنقلاب عسكر ي، لا نقبل به رئيسا





    خلينى من شقيقتك مصر ، من خيبة إلى خيبة اكبر

    و ركز معاى على السودان الحلو دا ..






    ولذلك ولأن النميري كان مغتصب سلطة
    وفاسدا وظالما، ثار عليه الشعب السوداني
    في مارس أبريل 1985
    ورغم إنه نميري كان قد أعلن قوانين سبتمبر
    والتي أسماها الشريعة الإسلامية
    إلا أن الشعب السوداني ثار عليه وعلي شريعته الظالمة





    النميرى رجع السلطة للشعب و فتح المجال لأبناء العامة من الشعب

    أن يتقلدوا مناصب ما كانوا بيحلموا بيها بعيداً عن سطوة الصفوة

    المتحكمة في مصير البلد في الزمن داك .. و انا شاهد عيان

    و واعى و شايف شنو الكان بيحصل ... ما سمعت من شيوعيين

    مزورين للتاريخ و بلاعين ذمم .. و لامن الكيزان القاعد تقول

    عليهم ديل ... شوف عين و سمع أضان .. بس نميرى آخر

    إسبوعين هو ناس أبوساق إتعنتروا و إتكبروا على الشعب

    و النميرى نازع المولى رداء الكبرياء و نساهو الشيطان إنو

    الحكم دا حق الله يديهو العاوز يديهو ليهو و ينزعو من العاوز

    ينزعو منو ... و بقى في خطاباتو للشعب في التلفزيون يقول

    الناس تكب بنزين يوم و تفط يوم و تاكل اللحم يوم و تفط يوم

    و تانى قال الناس تركب حمير و تمشى كدارى لأنو البنزين

    دا على حسابو هو .. و تانى قال البياكل تلاتة وجبات ياكل إتنين

    و البياكل إتنين ياكل واحدة و البياكل واحدة ياكل بلح ... يعنى

    داير يشارك المولى في تقسيم الأرزاق و ناسو بى هناك يهددوا

    البنزل الشارع نعفصوا زى الصراصير و ندقو دق العيش

    و كتيبة جعفر و شنو وشنو ... يعنى دايرين يشاركوا المولى

    في سلطانو ... و يقول ليك النميرى لو طلعت مظاهرات أنا

    أفرتقها في دقيقة بى بورى العربية ... دا كلو في التلفزيون

    الوكت داك إنت كنت حى في الدنيا دى ؟؟ و للاَّ كنت صغير ؟؟

    عشان كدا رب القدرة لما أراد يوريهو قدرتو ... فوَّر عليهو الناس

    العُزَّل ... و جهاز الأمن و كتيبة جعفر ربنا ميلهم لصالح الناس ديل

    و نميرى راح فيها بدون أي طلقة رصاص .. يعنى أبيض ...





    بل ويقول كثير من الأخوان المسلمين أنهم خرجوا في المظاهرات علي النميري
    (الترابي والذي كان مستشارا للنميري، قال عنه أنه الطاغوت)





    يا سيد ، بعد الإمور جاطت و المعلم الكبير نميرى الله يرحمو

    فات بالسلامة .. كل الناس الكانو لابدين ظهروا حتى الشيوعيين

    و البعثيين .. و الأخوان المسلمين زيهم و زى التانيين ... برضو

    عملوا أحزابهم .. و ناس حزب البهجة برضو .. المهم 34 حزب

    ما الأخوان براهم ... الترابى بى طريقتو يقول البقولو أنا ما عندى

    سلطان عليهو و لا من مريديهو .. لكن برضو ما هو براهو

    الشيوعيين و البعثيين كان بيقولوا عليهو كدا برضو ..



    بل ودخلت جماعة صادق عبد الله (الجناح الآخر والذي ما زال يحتفظ بإسم الأخوان المسلمون)
    في التجمع الذي كونته الأحزاب والنقابات
    والتي أسقطت الديكتاتور النميري
    تجمع الأحزاب والنقابات هو الذي كون مجلس وزراء الإنتفاضة 1985/1986
    الجيش السوداني بقيادة سوار الدهب
    قال انه تدخل لخلع النميري وليسلم السلطة لصاحبها الشعب السوداني





    شوف يا سيد ، ناس الأحزاب و النقابات ديل كلهم نهازين فرص

    الإنتفاضة دى بدت من المنطقة الصناعية القديمة في الخرطوم

    و أنا شاهد عيان عليها ... يوم الإتنين الموافق 1/4/1985

    الساعة 11 صباحاً العمال ما لقوا رغيف للفطور و الزمن داك

    صفوف الرغيف من الفجر و الرغيف السوس فيهو أكتر من الدقيق

    و العربات تبيت قدام الطرمبات 4 و 5 يوم ما في نقطة بترول

    و الكهرباء إلا في وسط الخرطوم و الموية ما في و الحمام بالجردل

    و جماعة الإتحاد الإشتراكى يهرشوا في الناس و النميرى في أمريكا

    العمال طوالى قعدوا يكوركوا صايع صايع و شعبك ضايع .. و هم

    كلهم في حالة غليان سريع سريع إتجمعوا و طلعوا شارع الحرية

    لى غاية الساعة 2 ضهر الموضوع وصل القسم الجنوبى و العلالة

    قامت لا في أحزاب لا نقابات و جاطت زيادة يوم التلاتاء و الأربعاء

    بعد ما ماتوا كم واحد من البسطاء و إترقنت زيادة .. المهم لى يوم السبت

    6/4/1985 ربنا فرجها و إستلم الجيش الإمور .. بعد داك جوا جماعتك

    ناس الكتكو ديل عملوا أسـيادا و ساطوها سواطتهم المعلومة للجميع لامن

    جووها ناس البشير النذير و أصحابو الميامين ... رجعوها تانى للشعب

    لى يوم الليلة و لله الحمد ...






    وذلك بإشرافه علي إنتخابات عامة وحرة تجري بعد فترة إنتقالية
    وهذا الذي كان
    رجع الوضع الطبيعي وهو السلطة للشعب يمارسها عبر نوابه المنتخبين
    وذهب الوضع الشاذ واللاقانوني وهو الإنقلاب العسكري علي سلطة الشعب
    وشارك الأخوان المسلمون (تحت مسمي الجبهة القومية الإسلامية)
    في الإنتخابات الحرة النزيهة في العام 1986
    ولكنهم، ورغم أنهم رفعوا شعار الإسلام هو الحل
    لم يوفقوا في الحصول علي تأييد أغلبية الشعب






    يا اخوى محل ما اترشحوا فازوا إلا في كم دايرة .. أما دواير

    الخريجين ... كانت حقتهم بى جدارة .. دا لو كلامك على

    الإسـلاميين .. و بعدما مسكها الصادق المهدى قام على منازعة المولى

    في حكمو ... زى النميرى قبل الإنتفاضة و أســوأ منو .. قال داير

    يدى قوانين الشريعة بالنوك آوت .... و كان الجزاء أن يمشى هو

    بالأبر كت ... دى شغل ربانى .. يهب لمن يشاء و يقلع ممن يشاء

    أرجع للروابط القبيل ديك تانى و أسمع سمح ..


    ليستطيعوا تنفيذ برنامجهم (برضا الشعب وليس غصبا عنهم)
    طبعا لم يرضوا بالنتيجة
    ولأنهم تعودوا علي السلطة الديكتاتورية وخيرها
    إبان حلفهم المشؤوم مع الديكتاتور النميري
    والذي نمت فيه شحوم أكتافهم بفعائل بنك فيصل
    وباقي البنوك الإسلامية



    نتيجة شنو ؟؟؟ إنت باين عليك المستنيرين بتاعين البلمونى

    مغيبنك برضو .. الناس ديل كانوا في السلطة ... و خلوها براهم

    بقوا معارضة .. بنك فيصل قاعد إدى الناس قروش ساكت و للا هو

    حقهم ... فهم ماعندكم ... تاريخ ما تعرفوا ؟؟ دى راجع فيها الفهمك

    المعلومة دى و قول ليهو .. خاف الله و راجع نفسك ..



    لأنهم تعودوا علي مال سحت الديكتاتوريات
    فقد قرروا الإستيلاء علي السلطة غصبا وقهرا وبالدبابات
    والراجمات والجنود وبقهر وتعذيب وقتل المعارضين لهم



    كلام تنظير فارغ طبعاً و لا يحتاج لى رد ..



    نكتفي بهذا القدر من تصحيح مفهومك للرؤساء
    من هم ومن يكونون




    هسع إنت صححت ياتو معلومة ؟؟ و ياتو رئيس القلتو؟؟

    بتاعين شقيقتك مصر و العياذ بالله ؟؟؟؟

    الرؤساء الحكموا السودان هم كالتالى :

    1- الأزهرى ... رحمة الله عليه ... إنجازاتو .. إعلان الإستقلال

    قبل الموعد بإسبوعين و رفع العلم ... و المرة التانية مع مجلس السيادة

    ناس طيبين بس كانوا قاعدين ساكت ..

    2- عبدالله خليل .. رحمة الله عليه ... أحسن إنجاز تسليم الحكومة

    لى ناس الفريق عبود .. رحمة الله عليه ..

    3- الفريق عبود.. رحمة الله عليه .. في زمنو بدت نهضة السودان

    و المشاريع الإعاشية و السكنية ... بس ما كان يتنازل من الحكم

    لكن مشيئة المولى غالبة ...

    4 - المشير النميرى ... رحمة الله عليه و مغفرته ... في زمنو كانت النهضة

    أكبر و أظهر ... و عمل الشريعة في البلد ..

    5- المشير سوار الدهب .... الزول البركة .. في زمنو كانت الدنيا رخاء شديد

    و أي حاجة متوفرة ... و خلى ليهم فاصوليا كتيرة في الخزنة ... إتلحست

    بعد جوا الأحزاب ..

    6- مجلس راس الدولة ... كانوا قاعدين ساكت .. الله يرحم الماتوا منهم

    و يدى العايشين الصحة و العافية ...

    7- المشير البشير ... عسكرياً و إنتخابياً ... ربنا يديهو العافية و يمد في

    أيامو ... في زمنو النهضة زادت و الشعب تبوأ مراكز السلطة

    ... و فصل الجنوب ... نحن إرتحنا و ناس الجنوب إرتاحوا ..

    و آهى الإمور ماشة زى ما ربنا عاوز لغاية الليلة ...






    وبرجع أواصل معاك في الحوار
    فما أثرت من نقاط هنا





    لو حوارك الجاييهو زى دا ... ما في فايدة .. كلام زول سمع

    ما شاف و لا الراى رايو ... أملا كيسك براك و تعال ...

    عشان المحرش ما بيكاتل ...

    و إن شاء الله أكان أنا ما مت بترجاك ...

    (عدل بواسطة مامون المعتصم أحمد on 10-13-2015, 08:50 PM)
                  

العنوان الكاتب Date
إلى الجالسين للحوار الوطنى حاملى هم الوطن الكرام... ربنا يوفقكم مامون المعتصم أحمد10-09-15, 08:22 PM
  Re: إلى الجالسين للحوار الوطنى حاملى هم الوطن مامون المعتصم أحمد10-10-15, 08:54 AM
    Re: إلى الجالسين للحوار الوطنى حاملى هم الوطن مامون المعتصم أحمد10-10-15, 04:49 PM
      Re: إلى الجالسين للحوار الوطنى حاملى هم الوطن Nasr10-10-15, 07:02 PM
        Re: إلى الجالسين للحوار الوطنى حاملى هم الوطن مامون المعتصم أحمد10-10-15, 07:54 PM
          Re: إلى الجالسين للحوار الوطنى حاملى هم الوطن Nasr10-11-15, 04:35 PM
            Re: إلى الجالسين للحوار الوطنى حاملى هم الوطن مامون المعتصم أحمد10-11-15, 09:33 PM
              Re: إلى الجالسين للحوار الوطنى حاملى هم الوطن مامون المعتصم أحمد10-11-15, 09:39 PM
                Re: إلى الجالسين للحوار الوطنى حاملى هم الوطن Nasr10-11-15, 10:19 PM
                  Re: إلى الجالسين للحوار الوطنى حاملى هم الوطن مامون المعتصم أحمد10-12-15, 11:30 AM
                    Re: إلى الجالسين للحوار الوطنى حاملى هم الوطن مامون المعتصم أحمد10-12-15, 11:40 AM
                      Re: إلى الجالسين للحوار الوطنى حاملى هم الوطن عزالدين عباس الفحل10-12-15, 11:49 AM
                        Re: إلى الجالسين للحوار الوطنى حاملى هم الوطن مامون المعتصم أحمد10-12-15, 12:17 PM
                      Re: إلى الجالسين للحوار الوطنى حاملى هم الوطن مامون المعتصم أحمد10-12-15, 11:55 AM
                        Re: إلى الجالسين للحوار الوطنى حاملى هم الوطن عزالدين عباس الفحل10-12-15, 11:58 AM
                          Re: إلى الجالسين للحوار الوطنى حاملى هم الوطن مامون المعتصم أحمد10-12-15, 12:42 PM
                            Re: إلى الجالسين للحوار الوطنى حاملى هم الوطن بهاء بكري10-12-15, 12:56 PM
                              Re: إلى الجالسين للحوار الوطنى حاملى هم الوطن Nasr10-12-15, 04:33 PM
                                Re: إلى الجالسين للحوار الوطنى حاملى هم الوطن مامون المعتصم أحمد10-12-15, 08:17 PM
                              Re: إلى الجالسين للحوار الوطنى حاملى هم الوطن مامون المعتصم أحمد10-12-15, 08:25 PM
                                Re: إلى الجالسين للحوار الوطنى حاملى هم الوطن Nasr10-13-15, 04:44 PM
                                  Re: إلى الجالسين للحوار الوطنى حاملى هم الوطن مامون المعتصم أحمد10-13-15, 08:40 PM
                                    Re: إلى الجالسين للحوار الوطنى حاملى هم الوطن Nasr10-14-15, 01:33 AM
                                      Re: إلى الجالسين للحوار الوطنى حاملى هم الوطن مامون المعتصم أحمد10-15-15, 07:22 PM
                                        Re: إلى الجالسين للحوار الوطنى حاملى هم الوطن مامون المعتصم أحمد10-19-15, 09:20 PM
                                          Re: إلى الجالسين للحوار الوطنى حاملى هم الوطن مامون المعتصم أحمد10-20-15, 05:30 PM
                                            Re: إلى الجالسين للحوار الوطنى حاملى هم الوطن ود الباوقة10-20-15, 05:34 PM
                                              Re: إلى الجالسين للحوار الوطنى حاملى هم الوطن مامون المعتصم أحمد10-22-15, 12:03 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de