اسئلة للمهاجرين والمهاجرات من السودانيين والسودانيات ..**

Quote: عباس فرناس الاخ الفاضل عادل والاخوان والاخوات المشاركين ،، يظل موضوع الهجرة يختلف باختلاف الشخص والرؤية والالتزام الاجتماعى الاسري ،،، لكن وانا من الراغبين والباحثين عن الهجرة بالرغم من انني من المقيمين بدولة قطر ،،، والحمد الله في وضع اكثر من جيد جداً واقرب للممتاز ،،، لكن يظل هاجس أنك مواطن او انسان من الدرجة الثانية بالرغم أن تعامل الاخوة القطريين في قمة من الادب والذوق ألا من بعض الشذوذ وذلك حال الدنياء لا تقيم على حال ،،، رغبتي وعملى على الهجرة ياتي من عاملين اساسيين ،،، الاول الوضع الحالي في السودان لا يشجع على ان تفكر في العودة له طوعا ،، وهذا راي شخصي قد لا يتفق مع الكثيرين فيه ،، او يتفقون ولكن تبقي قناعة شخصية ،،، الخليج أذا طاب لنا الان فلن يطيب لنا غدا او بعد غد (اسه عليك الله يا عادل كان بكره لحقونا ناس البترول ديل نعمل شنو ) ،، فكان الخيار الهجرة لعدد من العوامل ،، امكانية توفير بيئة صالحة لتطوير الاسرة (الاولاد والبنات ، انا ، امهم ) من الناحية الاكاديمية والعلمية ،، ايجاد عمل خاص او بيئة استثمارية (مش ملايين عشان نكون واضحين) ، الامان الاسرى ،،، جواز جديد (مركز عليها شديد) ،، كذلك اهمية الحرية في التنقل واخيتارك لمهنتك او طريقة كسب الرزق ،،، انته التحدد عايز كم وكيف بمعنى انو الشغل لو ما عاجبك تغييروا ،،، وتفكر وتبحث عن غيروا ،،، اعلم وافهم انو الهجرة ليها سلبيات ذي ما الاغتراب ده ليه سلبيات لكن كيفية التعامل مع هذه السلبيات هنا الفرق ،، الهجرة لكى تكون ناجحة لابد من التخطيط لها جيدا ،، والهجرة التعامل معها يختلف عن كونك مغترب يعني انت مهاجر ،، لابد ان تكون لديه خطة واضحة وان تتعمل في هذا البلد على اساس انك من اصحاب البلد ،، يعني ما معقول تكون مهاجر ليك في بلد وتبنى ليك بيت في السودان ،،، وتكون قاعد في المهجر ساكن بالإيجار ،،، اهم حاجة انو تفكر على اساس انها بلدك ،،، كذلك التعامل في الامور المالية لابد من التخطيط الجديد يعني مما ممكن تكون انت شغال في وظيفة لاتوفر لك حياة مريحة وتتمسك بيها ،،، اما المسائل المتعلقة بالاسرة والأبناء ففي راي الشخصي ،، انها تتركز على التربية ،، لانه في كل مكان في الصالح والطالح ،،، اسه السودان في رقبتو تسمع منوا حاجات لمن راسك يلف ،،، مسالة البوي فرند ،،، والكلام ده ما يها في السودان وفي الخليج وفي العالم ده كلوا حاصلة بي هنا بالدس وهناك علنى ،، بالواضح ،،، موضوع الهجرة ده عايز فهم يا انا مشيت امريكيا ،،، قعدت فترة ،، شفت الحياة ما ساهلة زي ما الناس بتتصور لكن تتعب تحقق ،،، تنوم تتلوم ،،، بس باختصار ،،، اي حاجة ممكنة ،،، إلا من اباء ،،، وقعد في الضل ،،، (معليش احتمال الكلام ما مرتب لكن كتبتو ليكم زي ما جاء في راسي ،،،كان عجبكم الحمد الله وكان حاجة تاني ما تلومنى) أعجبني · رد · 13 أكتوبر، 2015 11:39 صباحاً Facebook Comments Plugin