|
|
 Re: المتشعوذ (Re: درديري كباشي)
|
برج التيس
اعتاد صاحب الشركة الضخمة ان يجمع العاملين معه في حفل سنوي في استراحة كبيرة كيوم مفتوح تقدم فيه برامج ترفيهية ووجبتي الغداء والعشاء .. وتقوي الترابط بين العاملين وتزيد الالفة بينهم كما هو متبع في معظم الشركات في الخليج..
وهذه الشركة التي تضم مختلف الجنسيات عربية كانت او اسيوية او افريقية ..
في القاعة الفخمة التي يتجمع بها كل العاملين قبل وجبة الغداء .. والناس جلوس في حلقة واحدة على الارض في فرشات السجاد الوثير ..
يتوسط الحلقة احد الشوام يقدم الفقرات الترفيهية والمسابقات ..
في احدى اركان القاعة يجلس ثلاثة من سودانيين يدور بينهم حديث مهم يخصهم وحدهم غير مكترثين لبرنامج المسابقة وما يقوله مزيع الوسط ..
لو اقتربت منهم لتسمع الحوار الذي يشغلهم عن باقي الناس لسمعت.
- وأنت اشتريت وين يا حمد؟
- حمد آزول ها انا لقيت لي قطعة في الصالحة ومشيت عليها والله يا علي الصالحة دي قالوا فيها همبريبا يرد الروح .
- علي : آزول البوديك تشتري في آخر الدنيا شنو مالك بعدت من الناس ما تجي جمب اخوانك
- حمد اخواني وين قصدك في الوادي الاخضر .. ياخي الصالحة دي قالوا حا يبنوا حداها المطار الجديد
- وانت المطار بتدور بو شنو بلا الازعاج وطاياراتنا الكل يوم واقعات ديل
- آزول ها ان بقيت مسافر بس تلفح شنطتك وعلى الطيارة عديل ركشة ساكت توصلك ان بقيت ماك جايي تتمشى.
- علي : هو انت بقيت مسافر برة البلد بس بقت على التاكسي مصطفى انت ما تدخل في الموضوع دا انت اشتريت وين في اللول ..
- مصطفى : انا بعرفوا مرة رحت السفارة قالولي لي في اراضي في الوادي الاخضر اشتريت وختيت الورق في جيبي وانا لا يوم الليلة ماني عارف الوادي الاخضر دا وين في بحري ولا الخرطوم ولا امدرمان .
- في هذه الاثناء الشامي الذي يقدم البرنامج في الوسط طرح مسابقة وقال : يا اخون هذه المسابئه بتتوأف على برج كل واحد فيكم .. هيك كل واحد يؤلي أسمه مع أسم برجه ..
وبدأ المايك يلف على الحضور مثال تامر العقرب .. حسام الحوت سامي الجوزاء خالد الميزان .. وصل المايك قرب اصدقائنا الذين كانوا مندمجين حول موضوع الاراضي ولم يسمعوا حتى السؤال عندما وصل المايك عند جار حمد سمعه قال : غسان الجدي .وناول المايك لحمد الذي تردد عماذا يقول وبناء على اجابة جاره افتكر ان الامر متعلق بوجبة الغداء وكذلك زملاؤه مصطفى وعلي كلمة الجدي توهتهم .. لازال مترددا حاول مصطفى دعمه قائلا : قلهم التيس قلهم التيس ..
حمد : آزول ها انا لحم التيوس دا ما بدورو تب مرة عملي صفير ( يرقان) طيب قلهم سواكني .
حمد : ياخي التيس ..
المزيع : شو هاد برجك التيس ؟؟
حمد : ايوا ويكون مندي كمان ..
انفجر الحضور بالضحك .. وتدخل مصطفى محاولا معالجة الامر ياخي ما قتلك قلهم سواكني تيوس ما عندهم الناس ديل ..
المزيع : انا راح اعتبرك تأصد الجدي متل رفيئك غسان يا حمد .. ها يا مصطفى شو برجاك انت ؟؟
مصطفى : انا غايتو عجالي ..لو في يعني ..
المزيع : شو هاد عجالي ؟؟
مصطفى : عجل عجل ما عندكم عجول كمان ؟؟ اوعى تقول لي نعيمي نحن باقي ناس كلسترول وضغط ساي ما بينفع معانا النعيمي دا دهنه كثير تب .
المزيع : تؤصد برجاك الثور ؟؟
مصطفى : يعني هو ما ثور كبير متوسط كدا عجل عجل ..
المزيع : ماشي مصطفى برج العجل اقصد الثور ..وانت يا علي شو برجاك ..
علي : انا آزول ها اللحوم الحمرا دي ممنوع منها لاني عندي القاوت ما عندكم جداد..؟؟
وينفجر الحضور بالضحك
مصطفى : ياخي فضحتنا وضحكت فينا الناس اسمه دجاج مش جداد .. او قول فراح الحلب ديل كلهم بيقولوا فراخ ..
علي : اقصد فراخ عندكم فراخ ..؟؟
المزيع : تؤصد برجك برج الفرخة ؟؟
علي : ايواا فرخة مشوية علي الفحم ..
المزيع عمرنا ما سمعنا ببرج الفرخة ..
علي : يعني مافي فراخ ؟؟ طيب في سمك ..
المزيع : تؤصد برجك الحوت ؟؟ ماشي اكتب علي برج الحوت ..
مصطفى محتجا : يازول ها انتو ما قلتونا الحكاية فيها سمك انا عايز اغير لسمك ؟؟
المزيع : شو تغير في حدى عم بغير برجه كمان ..؟؟
مصطفى : الا هو هنا الغدا اجباري يعني طبختوا خلاص ..
المزيع : غدا مين الجاب سيرة الغدا الحين ؟؟
علي : الا ؟؟ ومال انت بتسأل من شنو ؟؟
المزيع : ياعمي حنا عنا مسابقة مرتبطة بالابراج ..
وقبل ما يكمل الشرح يقوم الثلاثي المرح ( يتخارجوا ) ليكملوا حديث الاراضي في الخارج تشيعهم ضحكات الحضور ..
-
|
|
 
|
|
|
|
|
| العنوان |
الكاتب |
Date |
| المتشعوذ ( وحكايات مجنونة ) | درديري كباشي | 09-29-15, 03:10 PM |
| Re: المتشعوذ | درديري كباشي | 09-29-15, 04:23 PM |
| Re: المتشعوذ | محمد البشرى الخضر | 09-29-15, 04:58 PM |
| Re: المتشعوذ | Dahab Telbo | 09-29-15, 07:31 PM |
| Re: المتشعوذ | درديري كباشي | 09-30-15, 07:46 AM |
| Re: المتشعوذ | درديري كباشي | 09-29-15, 07:39 PM |
| Re: المتشعوذ | درديري كباشي | 10-01-15, 08:54 AM |
| Re: المتشعوذ | درديري كباشي | 10-01-15, 10:17 AM |
| Re: المتشعوذ | محمد البشرى الخضر | 10-01-15, 10:58 AM |
 Re: المتشعوذ | درديري كباشي | 10-01-15, 11:06 AM |
| Re: المتشعوذ | محمد البشرى الخضر | 10-01-15, 11:23 AM |
| Re: المتشعوذ | مرتضى احمد عبد القادر | 10-01-15, 02:09 PM |
| Re: المتشعوذ | درديري كباشي | 10-02-15, 09:32 AM |
| Re: المتشعوذ | درديري كباشي | 10-02-15, 09:35 AM |
| Re: المتشعوذ | درديري كباشي | 10-02-15, 09:36 AM |
| Re: المتشعوذ | درديري كباشي | 10-02-15, 10:55 AM |
| Re: المتشعوذ | درديري كباشي | 10-02-15, 02:17 PM |
| Re: المتشعوذ | درديري كباشي | 10-03-15, 05:56 AM |
| Re: المتشعوذ | درديري كباشي | 10-03-15, 04:56 PM |
| Re: المتشعوذ | درديري كباشي | 10-04-15, 03:03 PM |
| Re: المتشعوذ | درديري كباشي | 10-06-15, 02:59 PM |
| Re: المتشعوذ | درديري كباشي | 10-07-15, 09:34 AM |
| Re: المتشعوذ | درديري كباشي | 10-07-15, 04:35 PM |
| Re: المتشعوذ | درديري كباشي | 10-08-15, 09:38 AM |
| Re: المتشعوذ | درديري كباشي | 10-10-15, 09:42 AM |
| Re: المتشعوذ | درديري كباشي | 10-15-15, 02:56 PM |
| Re: المتشعوذ | مامون عبدالله نور | 10-15-15, 06:49 PM |
| Re: المتشعوذ | درديري كباشي | 10-18-15, 04:35 PM |
| Re: المتشعوذ | درديري كباشي | 10-18-15, 04:36 PM |
| Re: المتشعوذ | ابو جهينة | 10-19-15, 09:45 AM |
| Re: المتشعوذ | ابو جهينة | 10-19-15, 09:45 AM |
| Re: المتشعوذ | درديري كباشي | 10-19-15, 02:14 PM |
| Re: المتشعوذ | درديري كباشي | 10-22-15, 10:30 AM |
| Re: المتشعوذ | درديري كباشي | 10-24-15, 02:21 PM |
|
| |
فيس بوك
تويتر
انستقرام
يوتيوب
بنتيريست