|
|
 Re: المتشعوذ (Re: درديري كباشي)
|
في يوم الزيارة
تقول العروسة الجديدة الدلوعة في حملها البكر لزوجها .. شوف هنا يا خلودي ياتجيب لي ماما زيارة يا تشغل لي شغالة أنا ما بقدر على البيبي الجديد وشغل البيت .. وبعدين يستحيل أهمل الننو وأتفرغ لخدمتك .هو فكر سريعا ودلك فكه بيده وحسبها قال ( لو جبت شغالة مع البنت المدلعة دي راح تعتمد عليها أعتماد كلي وانا أتدبس في راتبها للأبد ..أحسن شي أجيب ليها أمها .. وألأم أكيد شهر شهرين راح تمل من الغربة وقفلة الشقق وتقول رجعوني لأهلي أنا زهجت ) ..
قال : شوفي هنا يا سحورتي أحسن نجيب لك ماما .على الأقل تونسنا وتحكي لينا أخبار البلد ..
- الله يخليك لي يا خلودي يا حبيبي فعلا أنا مشتاقة لماما شديد .
لكن ما لم يقله له أحد أنه أمها أمرأة شريرة موقفة الحارة وألأقارب والجيران على رجل واحدة متسببه ومتلككه تعمل مشكلة لاتفه سبب .. صوتها عالي ولسانها طويل جدا . وصاحبنا أختار بنتها من شريط فيديو البنت جميلة تعلق بها وقال لآهله ( بس دي ما في غيرها .. لم يستمع لرجاءات أهله ) تزوج على طريقة ( عرس الغائب المعهودة ) في حياة المغتربين .. وأرسلت لها عروسه في الغربة ومضت الحياة طبيعية وجميلة حتى مرحلة الحمل والحوار أعلاه .
خرجت الزيارة وربما فرح بها الأهل والجيران أكثر من صاحبة النصيب وتمنوا لو تم تمديدها سنتين على الأقل يشموا نفس .
شهر وتهل أم الحسناء على مطار الرياض ذهبا استقبلاها أي هو وزوجته .. فرحا بها .. وفي طريق بات يشرح لها عن معالم البلد الجميل حتى وصلوا الشقة .. ومن الباب بدأ الصراع عفوا الصداع..(أجي يا بتي شقتك مالها ضيقة كدا الواحد كان امتغى ساي علا يفتقها ليكم ) .. عبارة عابرة عداها ... ( سجمي دا شنو هسع دا فرش عروس عايزة تولد ولدها الآول .. غيري الكرور دا ..) ياماما نحن لينا شهور بنجهز فيه .( كان بتجهزوا ما بعرفوا حالتك عايشة في الرياض . منال الولدت في السودان فرشها أسمح من فرشك العواليق دا . ستاير اليابا والتابا ) صاحبنا العريس الذي أول مرة يشاهد نسيبته لم تعره أي اهتماما .. لكنها كأنها وصلت خرطوم ( كمبرويسر) في بطنه . ظل ينتفخ وينتفخ . ويلعن في شيطانه الذي زين له الزيارة عن الشغالة ولازال الفلم مستمر .
( نعلهم الطقاطيق ديل هم العايزين تقدموا فيهم حاجة للضيوف ؟؟ .. بس خلوني الانجم الليلة من بكرة ننزل السوق . قبل ما يجوا الناس والأهل يسلموا علي لازم أغير بيتكم الفضيحة دا .. خالد من بكرة شوف لي نقاش يضرب الآوض ديل .أخي على حيطكم المسيلات ديل.. )
خالد أنتقل من مرحلة الخلعة لمرحلة التقطيب .. وكل ما تقع عيناه على عيني زوجته تتحاشى النظر له لانه عرفته بدأ يغلي ..وهذا من أول يوم ما بالك الحكاية ستستمر شهور ..
وجد فرصة أقترب من زوجته وهمس لها ( ما في حل غير نخلي الدكتور يباصرك بولادة طبيعية ..) كيف يعني يباصرني هو قال لازم قيصرية .. نسوي شنو القروش الخاتنها للعملية أمك دي راح تكملها في يوم واحد .
- قعد تقولوا في شنو تتهامسوا ما عاجبكم كلامي .؟
- لا لا لا ياحاجة العفو كلامك فوق راسنا من فوق ..
- أها دخلوا شنطي ديل جوة آخد لي دش وأجيكم عشان نقعد الكلام دا كويس .
وعادا للحوار
- ممكن انا أبيع دهبي .
- تبيعي دهبك للكلام الفارغ دا .. الدهب للحاجات المهمة هسع أفرض الولد أحتاج يمسكوه في الحضانة عارفة الحضانة تساوي كم في اليوم الواحد ؟
- فال الله ولا فالك .
- شنو فال وما فال ما تخلينا واقعيين الدهب والقروش نكملهم في ستاير وبوهية وترابيز أها لامن يجينا طارئ نقبل وين تاني . كدي حاولي أقنعيها وفهميها ..
- أقنع منو أمي دي ؟؟؟.. هاه أنت ما عارف حاجة ساي ..
- أنا العرفته في الساعة الواحدة دي لو عرفته ربعه قبل ما أعرسك ما كان جيت جمب بيتكم ذاته .
- تقصد شنو ؟
- لا خلاص الكلام دا خليه أهي جات مارقه ..
هذا يوم واحد من شهرين قضاهم خالد مع هذه النسيبة .. حقيقة هي غيرت واقع شكل بيته وحتى لبسه لشئ أجمل وارقى . والحمد لله عدت فترة الولادة وقاربت الشهرين على النهاية .. اعتاد كل صباح وهو خارجا لعمله يلقي نظره على النتيجة يعد الأيام ويفرك يديه طربا .. والنسيبة كانت تلمح هذه الحركة .. وبذكائها وخبثها قرأت افكاره وقالت له بينها وبين نفسها ( دا بعدك ) .. قبل نهاية الزيارة باسبوع تفاجأ بزوجته تقدم له جواز أمها .. دا شنو .. .
- أمي قالت ليك مدد ليها زيارتها شهر تاني .
- لي أمدد ليها الزيارة عايزة تمتحن شهادة عربية كمان ؟
- براحة براحة ما تسمعك قالت حمودي لسع صغير وانا ما بقدر عليه براي .
- عمركم سمعتوا بأم ولدت جنا وما قدرت تربية حتى لو كان عمرها عشرة سنوات .
- نحن ما بنقدر نقول ليها الكلام دا كمان ..
تأفف وأخذ الجواز على مضض نحو مكاتب الترحيل حيث تجدد الزيارة ..
في مكتب الترحيل يبدو أن العسكري أستلطفه وبدأ يهازر معه بهزار من نوع ( ايش لون كسرة بالتقلية طيبة هذه الأكلة ؟) ختم له الزيارة وقدم له الجواز يعد ان تبادلا الضحكات والهزار .. وفي نهاية اليوم عاد الى البيت وجد زوجته مع أمها قدم لهما الجواز وانصرف قبل ما يصل الباب سمع زوجته .
- شوفي يا ماما خالد دا ساي أنتي ظالماه يمين بدل ما يمدد ليك الزيارة شهر واحد ممدها ليك ثلاثة شهور .
هو توقف وقال : قلتي شنو؟؟ .. خطف منها الجواز ..
فلت - بالله شوف العسكري الحيوان دا .. رفع رأسه وجد أم النسب ترمقه بنظرة نارية يتقد منها الشرر .حاول يصلح طبزته .( أنا أقول له مدد ليها الزيارة ستة شهور يعملها ثلاثة شهور بس ؟)
هههههههههههه
|
|
 
|
|
|
|
|
| العنوان |
الكاتب |
Date |
| المتشعوذ ( وحكايات مجنونة ) | درديري كباشي | 09-29-15, 03:10 PM |
| Re: المتشعوذ | درديري كباشي | 09-29-15, 04:23 PM |
| Re: المتشعوذ | محمد البشرى الخضر | 09-29-15, 04:58 PM |
| Re: المتشعوذ | Dahab Telbo | 09-29-15, 07:31 PM |
| Re: المتشعوذ | درديري كباشي | 09-30-15, 07:46 AM |
| Re: المتشعوذ | درديري كباشي | 09-29-15, 07:39 PM |
| Re: المتشعوذ | درديري كباشي | 10-01-15, 08:54 AM |
| Re: المتشعوذ | درديري كباشي | 10-01-15, 10:17 AM |
| Re: المتشعوذ | محمد البشرى الخضر | 10-01-15, 10:58 AM |
 Re: المتشعوذ | درديري كباشي | 10-01-15, 11:06 AM |
| Re: المتشعوذ | محمد البشرى الخضر | 10-01-15, 11:23 AM |
| Re: المتشعوذ | مرتضى احمد عبد القادر | 10-01-15, 02:09 PM |
| Re: المتشعوذ | درديري كباشي | 10-02-15, 09:32 AM |
| Re: المتشعوذ | درديري كباشي | 10-02-15, 09:35 AM |
| Re: المتشعوذ | درديري كباشي | 10-02-15, 09:36 AM |
| Re: المتشعوذ | درديري كباشي | 10-02-15, 10:55 AM |
| Re: المتشعوذ | درديري كباشي | 10-02-15, 02:17 PM |
| Re: المتشعوذ | درديري كباشي | 10-03-15, 05:56 AM |
| Re: المتشعوذ | درديري كباشي | 10-03-15, 04:56 PM |
| Re: المتشعوذ | درديري كباشي | 10-04-15, 03:03 PM |
| Re: المتشعوذ | درديري كباشي | 10-06-15, 02:59 PM |
| Re: المتشعوذ | درديري كباشي | 10-07-15, 09:34 AM |
| Re: المتشعوذ | درديري كباشي | 10-07-15, 04:35 PM |
| Re: المتشعوذ | درديري كباشي | 10-08-15, 09:38 AM |
| Re: المتشعوذ | درديري كباشي | 10-10-15, 09:42 AM |
| Re: المتشعوذ | درديري كباشي | 10-15-15, 02:56 PM |
| Re: المتشعوذ | مامون عبدالله نور | 10-15-15, 06:49 PM |
| Re: المتشعوذ | درديري كباشي | 10-18-15, 04:35 PM |
| Re: المتشعوذ | درديري كباشي | 10-18-15, 04:36 PM |
| Re: المتشعوذ | ابو جهينة | 10-19-15, 09:45 AM |
| Re: المتشعوذ | ابو جهينة | 10-19-15, 09:45 AM |
| Re: المتشعوذ | درديري كباشي | 10-19-15, 02:14 PM |
| Re: المتشعوذ | درديري كباشي | 10-22-15, 10:30 AM |
| Re: المتشعوذ | درديري كباشي | 10-24-15, 02:21 PM |
|
| |
فيس بوك
تويتر
انستقرام
يوتيوب
بنتيريست