هذه صورة للحمامات فى السفارة السودلنية بالرياض - المملكة العربية السعودية. أنا داير اعرف كلمة حضارة دى قاصدين بيها شنو؟ إحتضار يعنى.. إلا كدا.. قال المشروع الحضارى.. ياخ إنتو العربى البسيط فقير لكنه مسؤول اكتر منكم الف مرة. هذا عدم مسؤولية واضح من السفير حتى الغفير.. عدم إحترام للمواطن الذى يدفع رواتبهم ومخصصات اسرهم من التذاكر وغيرها.. أختشوا وخلوا عندكم حياء شويـة.. ديل القاعدين تبنوا شحومكم ولحومكم على حسابهم.. ربائب نعمتكم.. تبتزونهم بكل أنواع الجبايات، بأورنيك 15 وبدون.. السلطات الصحيـة السعودية لو شافت الصورة هذه فسوف ترفع تقرير لوزارة الخارجيـة السعــودية وربما قطعوا العلاقات مع السودان.. أمشوا انزلوا فى عطلاتكم الما عندها نهاية للسودان.. أمشوا السفارة السعودية وشوفوا حماماتها العامة كيف. وود الباوقة شابكنا سيدو يقدل فى الصين ويقدل فى شنو تانى ما عارف.. خليهو يصلح الحمامات دى بعدين يقدل.. الإختشوا ماتوا.. حكومة الجبهـة.. الله يشيلكم زى ما ختاكم يا رب. أطالب بإقالة هذا السفير واستدعائه للسودان ومحاسبته، فهذه ليست مشكلة موظفين صغار يمكن ان يضحى بهم.
يا اخوانا الصورة دى هى حمامات السفارة السودانية فى الرياض - المملكة العربية السعودية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة