الشيوعي السوداني وأحلام زلوط

Quote: اخر مداخلة لي فى البوست دا قبل انصرف لا اشغال تاني. و الله انا انصحكم بصدق يا شباب انكم تجوا تدخلوا الحزب الشيوعي. ناصر و عبد العظيم و غيرهم من شباب الاتحاديين. لانو الحزب الشيوعي دا ما حزب ابو زول. حزب مفتوح و متاح لك السودانيين. انت و مجهودك. بعدين حزب فيهو بذرة تنظيم حقيقي، اي مؤسسات منظمة هى التى تدير العمل. فيهو قصور كتير لكنه قابل للاصلاح. على العكس منه وضع الحزب الاتحادي، منذ السبعينات لم يعرف المؤسسية على الاطلاق. كان يديره الشريف حسين الهندي و بعد رحيله ال الامر لمحمد عثمان الميرغني و هو الان يورثه لابناءه عشان يجى زول نكرة زول ود الميرغني و يفصل اسماء معروفة من قيادات الحزب. ما بتقدروا تعمل حزب جديد بأسم الاتحادي لانو دائما بيكونوا فى ناس طمعانيين فى الجماهيرية الساهلة. ديل دائما بشدوكم لفريق الطائفية عشان تبقى تحت رحمة ناس جعفوري الضرب البوري. الموضوع دا منتهي. تعالوا ادخلو الحزب الشيوعي و نظروا، المافي شنو؟ على الاقل كان عندك نظرية اجتماعية و مجهودات فكرية بتلقى عند الشيوعيين من يناقشك فيها. لكن كان باريت ناس مولانا ديل بتمرق بقد القفة.