|
|
 Re: الحكومة تعلن فك احتكار الدقيق و خطط لرفع ا (Re: Frankly)
|
يا كمال الكلام دا معناه انو تجار الدقيق ح يشتروا الدولار اللازم لايستيراد القمح بسعر السوق الاسود؟ او السوق الموازي؟ يعني ناس المطاحن يشتروا دولار بعشرة جنيه و يبيعوا شوال الدقيق بكم؟ و العيش يكون سعرو كم؟ الحكومة بتقول للناس انها ح ترفع الدعم و هو فى الحقيقة انو الحكومة ما قاعدة تدعم اي حاجة بل هى عايشة كعبء ثقيل على رقاب الناس. دا ما كلام سياسية دا كلام اقتصاد. الدليل على دا هو انو سعر الجنيه السوداني "اي قيمته الشرائية الحقيقية" هى القيمة المقابلة لسعر الدولار فى السوق الاسود. الجنيه تقريبا يساوي 0.1 من الدولار، لكن الحكومة من خيالها ساكت قالت الدولار بـ 6.1 جنية "سعر البنك". الفرق ما بين سعر البنك و السعر السوق هو الفارق الذى يسبب التضخم الحكومي الذى يعادل %40. التضخم حاصل لانو الحكومة بتطبع قروش ساكت و بالتالي بتاكل من مدخرات الناس و دخولهم. يعني مثلا اذا عندك الف جنيه و ختيتها فى الدولاب، لمدة شهر بتلقى قيمتها نقصت، لانو الحكومة بتطبع قروش ساكت و تفكها فى السوق مما يخلق فائض فى الكتلة النقدية و بالتالي تقل قوتها الشرائية. يعنى الحكومة اكلت معاك فى قريشاتك العندك ديل. الحكومة ما قاعد تدعم بل بتقاسم الناس فى قليلتهم. الحكومة بتدعم القمح بيد و بتسرق بيد اخري مدخرات الناس و دخولهم.
|
|
 
|
|
|
|
abubakr salih
فيس بوك
تويتر
انستقرام
يوتيوب
بنتيريست