|
Re: جنوب السودان هاجس أوباما الأول في رحلته ا� (Re: الشامي الحبر عبدالوهاب)
|
Quote: هذه حقيقة ولكنه البترول في أي بقعة ظهر أوجد مشاكلاً وصراعا دوليا كان ضحيته الشعوب الغلبانة أمريكا كانت ترى في فصل الجنوب فرصة الا يستغل السودان عائدات البترول لتغذية التطرف. من غير أن تضع في الإعتبار عوامل أخرى |
كلامك صح يا الشامي مرات كتيرة البترول بيكون نقمة أكثر ما إنه نعمة لكن عاين حوالينك في دول كتيرة طلع بترولها من زمن بعيد وإستغلت عوائده في تنمية دولها وأسرها المالكة (زي السعودية ودول الخليج) وحققت في ذلك قدر لا بأس به من النجاح
لكن البترول بيبقي مشكلة جد لمن ينط في السلطة عسكري ويحكم ديكتاتوريا ويستغل الموارد في بناء اجهزة القمع وشراء الولاءات (زي عراق صدام وليبيا القذافي)
في جنوب السودان البترول كعامل مؤثر في الصراع أثره محسوس ما في ذلك شك في قادة في الجنوب أستثمروا قروش البترول في الصرف علي أتباعهم (مرات كتيرة من قبيلتهم أو قبائل متحالفة معهم) وحين أنقطع العائد أثر المشاكل مع الشمال بعيد إستقلال الجنوب الكهربة زادت والتوتر حصل
لكن برضو هناك عوامل اخري في صراع القوي في الجنوب أهمهم في وجهة نظري صراع القادة (مشار ضد سالفا كير) المستند بالضرورة وبالقوة علي قواعد قبلية
كان ممكن لهذا الصراع أن يندلع حتي ولو يكن هناك بترول في الجنوب بل وأن صراعا مثل هذا إندلع في تسعينات القرن الماضي قبل إستقلال الجنوب رغم أن الجميع هناك كانوا في حرب مع السلطة المركزية في الخرطوم
أمريكا جابت سيرة الحنوب ليه؟؟؟؟؟؟؟؟؟؟؟؟؟؟؟؟ من قبيل الشفقة علي شعب الجنوب؟؟؟ ربما هل في بالها (ولو إستراتيجيا) الصراع علي موارد النفط هناك في ظل المنافسة العالمية علي موارد أفريقيا مع الصينين (ولاعبين إقليمين تتزايد أهميتهم تباعا كتركيا الهند والبرازيل) ربما ولا كلام برتوكولات ومجاملات ؟؟؟؟ ربما المهم طالم الجنوبيين بيقتلوا في أبناء جلدتهم وما عندهم إيديولجيات عابرة للحدود والقارات زي داعش وبوكو حرام والشباب الصومالي فأمريكا حتنطش شوية وطنيشة أمريكا حتفتح الباب لناس السودان ويوغندا وما مستبعد إثيوبيا
ربك يتستر علي الجنوبيين
سعي قادة جنوب السودان ومنذ الإستقلال لبناء دولة state ولم يجتهدوا كثيرا في بناء دولة-أمة Nation-State وفي غياب الأمة أو حتي مشروع الأمة فإن العصبيات والعشائر والقبائل تنافست لتملأ الفراغ وتلك قصة قديمة في أفريقيا تكررت في يوغندا وأنجولا ونيجيريا (في الحتات الحصل فيها إهتمام ببناء الأمة علي حساب القبيلة زي تنزانيا والسنغال فإن تقدما حقيقيا علي تم)
فبدلا من السعي لإيجاد سلطة مركزية قوية قابضة علي السلطة والثروة الأحسن السعي لتوزيع عادل للسلطة والثروة وتقاسمهم عبر الولايات والمحليات ولكل الكيانات صغيرة كانت أم كبيرة وفي ذلك السعي تكون الفدرالية الخيار الأكثر عملية
|
|
|
|
|
|
|
العنوان |
الكاتب |
Date |
جنوب السودان هاجس أوباما الأول في رحلته الأفريقية | الشامي الحبر عبدالوهاب | 07-27-15, 01:02 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-27-15, 01:20 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-27-15, 02:37 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-27-15, 04:29 PM |
Re: جنوب السودان هاجس أوباما الأول في رحلته ا� | Nasr | 07-27-15, 11:17 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-28-15, 07:04 AM |
Re: جنوب السودان هاجس أوباما الأول في رحلته ا� | علي عبدالوهاب عثمان | 07-28-15, 01:00 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-28-15, 03:03 PM |
Re: جنوب السودان هاجس أوباما الأول في رحلته ا� | علي عبدالوهاب عثمان | 07-28-15, 03:39 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 07-28-15, 10:19 PM |
Re: جنوب السودان هاجس أوباما الأول في رحلته ا� | Nasr | 07-28-15, 11:40 PM |
Re: جنوب السودان هاجس أوباما الأول في رحلته ا� | اْسامة اْباّرو | 07-29-15, 04:28 AM |
Re: جنوب السودان هاجس أوباما الأول في رحلته ا� | الطيب رحمه قريمان | 07-29-15, 06:21 AM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 08-05-15, 09:18 PM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 08-06-15, 04:54 AM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 08-06-15, 04:46 AM |
Re: جنوب السودان هاجس أوباما الأول في رحلته ا� | الشامي الحبر عبدالوهاب | 08-06-15, 04:20 AM |
|
|
|