الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: إنتخابات حرة نزيهة و حتي الاطفال عندهم حق (Re: محمد علي عثمان)
|
استطلاع وسط عينة من الشعب حول تجاوبهم مع الانتخابات April 13, 2015 (نيويورك تايمز) دعوة عمر البشير إلى مصر إستهتار بالعدالة(حريات) سألت (حريات) عدداً من المواطنين من فئات مختلفة عن رأيهم فى الانتخابات المزمعة اليوم الاثنين ، ورغم اختيارهم عشوائياً الا انهم جميعاً اتفقوا على عدم الاهتمام بها . وقال (ن.أ) سائق ركشة ساخراً : ما كلنا حنصوت دى حاجة معروفة مادايرة كلام ..أنا ماسجلت لكن هسى بكون مسجل اكيد (يضحك) ماسمعت بى نكتة الزول الما رشح الشجرة جابو خوفوه رجع يغيرها قالو ليهو غيرناها ليك ماتعمل كده تانى (ضحك ضحكة أطول). ومجموعة طالبات فى جامعة خاصة ، قالت احداهن : طبعا ماسجلنا وﻻ حنصوت ، بس الفرق شنو ، ماف زول حيمشى غير الناس البيدفعوا ليهم ، لكن فى النهاية الفائز معروف). وأضافت اخرى وهى تسكن داخلية : فى الداخلية جابوا عشاء رهيب وقالوا بكرة بيسوقوا الناس بى عربات مكيفة وبيفطروهم ويدوك حق الاسكراتش ، فى بنات حيمشوا بس انا ناس البيت حذرونى ما حا امشى ، دى مشاكل ساى). وقالت طالبة أخرى: بكرة ماحيكون فى مواصلات قالوا الحكومة أجرت 1500 عربية يعنى لو ما اجازة اجازة (تضحك). وقالت طالبة رابعة : أنا من جبال النوبة بتمر اسابيع مابسمع من اهلى اى خبر الشبكة بتكون واقعة ومرات كتيرة اسمع خبر الموت بعد ايام ومرات بنقطع مصاريف اﻻ الاخوات يساعدونى وتشير بيدها لزميلاتها …معقولة دى حالة بلد تعمل انتخابات ؟! المهم هسى المشاكل تقيف…بعدين هو قاعد لمتين ؟!). قاطعتها أخرى: نفسى أعرف حيطلق منو البشير ده حلف طلاق انه ماحيترشح تانى واهو اترشح طيب حيطلق منو فاطمة ! وﻻ وداد …!!). وقال بائع طرح وأدوات تجميل وهو ينفض بضيق الغبار عن بضاعته : نصوت شنو هو انحنا متين صوتنا . ده كلام فارغ). وقالت بائعة كسرة : مابمشى …البودينى شنو أخلى معيشة وليداتى ، زمان كان فى ناس بيجو الحلة ينضمو المرة دى زول جانا مافى …يقولو شنو بالله ، اى شى ماعملوهو ، وقت عايزين الناس يجوهم وتانى مابنشوفم ، الكهربا دخلناها بى حقنا والموية برضو من زمان دفعنا ليها..الله الغانى منهم) . وقالت (م.ب) – موظفة – : الانتخابات دى قصة معروفة ما اظن فى زول عاقل ممكن يفكر يشارك). (س.أ ) أستاذة جامعية : حالة البلد محزنة والحكومة لو عاقلة كانت توفر قروش المسرحية دى لى نضافة الخرطوم او ايواء المشردين والله القروش دى كانت عملت حاجات كتيرة ). (ن م أ) طالب بجامعة السودان أصر على ذكر اسمه ولكن (حريات) فضلت حجب اسمه ، وقال: الانتخابات دى كذبة وحتطول عمر النظام والصاح الناس تقاطعها عديل ، مستقبل أجيال انتهى عشان مجموعة من الناس ليه ؟! مستقبل البلد كلو انتهى ، الشباب هاجروا وأدمنوا ، وديل ما شايفين الخراب ده ..مافى زول ما اتضرر من النظام ده خلي الحرب العديل. فى بيت فيهو معيشة اسبوع ؟!…ضقنا وغير الشارع مافى حل يموتوا ناس ويعيشوا الباقين اصلا الناس ميته ميته). (أ.أ.) بائع خضروات بموقف مواصلات : الانتخابات دى مافى زول جايب خبرا ، والله الناس تعبانة ، البجى يشترى ياداب يفاصلك ويشيل خدارو يمشى مافى زول بيتكلم عنها …انا مع شغلى ده امشى وين ما عندى طريقة). وختمت (حريات) استطلاعها مع مجموعة طبيبات ردت احداهن :هى الانتخابات بكرة بالله.. واجابتها الاخرى انتى وين بدت الليلة . وعندما أوضحت لهن ان الانتخابات لم تبدأ بعد وستبدأ غداً الاثنين ، علقت احداهن : بختهم الناس اجازة ساى ، وﻻ مافى اجازة ؟!).
|
|
|
|
|
|
|
|
|