|
Re: الخارجية تقر بإعتداء موظفي قنصلية جدة على (Re: اميرة السيد)
|
الأخ فرانكلي,
شكرا لك على إيراد الخبر, حقيقة نحن في السودان نحتاج لمراجعة أساليب تعامل كل موظفي الدولة والقطاع الخاص في طريقة التعامل مع المواطن. أما بالنسبة للسفارات السودانية, أؤكد بأني زرت سفارات دول كثيرة لكن لم أجد أسوء من السفارة السودانية في التعالم خاصة مع السودانيين, عدى أفراد قلة في بعض السفارات السودانية وجدتهم يتعاملون بمهية عالية. أما سفارتنا في الرياض وقنصليتنا في جدة فحدث ولا حرج, وللعلم سفارتنا في الرياض وقنصليتنا في جدة هي أكثر سفارات وقنصليات السودان جمعا في الأموال وهي تدعم سفارات سودانية كثيرة بالمال ومع ذلك نجدها الأسوء في أسلوب التعامل. ذهبت قبل فترة لإستخراج جواز ألكتروني لزوجتي وبعد تعبئة الأورنيك الخاص وتجهيز كل الأوراق قمت بتسليهم للموظف, وإستلمهم ولم يرد علي بكلمة. إنتظرت فترة طويلة من الزمن ولاحظت بأنه ينادي بعد الأرقام, ذهبت عنده وقلت له رقمي كذا, ولم يرد وعندما رددت له الكلام ثلاثة مرات, رد علي بصورة غاضبة جدا قال لي ما تنتظر لم ننادي عليك. ورديت عليه بقوة قلت ليهو ياخي اول شيئئ ما مفروض تصرخ فيني وما عندكم نظام أصلا, بكل غضب قال لي كيف ما عندنا نظام؟ قلت ليهو أنا هسي سلمتك الأوراق وما وريتني الخطوة التانية ومافي شيئ مكتوب ومعلق توضح خطوات الإجراءات ولا حتى في خدمة للإستفسار, طيب أعرف من وين؟ وبعدها سكت دون أن يرد. حقيقة تعاملهم فيهو نوع من الغطرسة والعنجهية وقلت أدب وناسين تماما بأنهم في خدمة المجتمع وأساسا بياخدوا مرتباتهم من المواطنين.
الشيئ التاني, سفارتنا في الرياض وقنصليتنا في جدة تدفع المواطنين ريال في كل أورنيك خاص بتجديد الجواز أو إستخراج الجواز أو أي شي آخر ومافي أي إيصال والمواطن ما عنده حق يتكلم أو يشتكي, وكمان بي قلت أدب غير طبيعي.
هذه خطوم جيدة من الخارجية السودانية ونتمنى أن تتواصل مثل هذه الإجراءات ولابد أن تكون العقوبات رادعة.
طيب كان في ناس في البورد ده بقولوا أسعد التاي ده كضب وناس السفارة ما علموا ليهو أي حاجة وكان عسكري مفصول وكلام كتير, الناس ديل مفروض يتعذروا للتاي وللشعب السوداني.
|
|
|
|
|
|