|
Re: فلسفة الفلس (Re: مصطفى الجيلي)
|
عشان يا دكتور يكون الموضوع شامل بكل فلسفته وفسله هنالك أغنيات سودانية بل ملاحم سودانية غنية انحازت لهؤلاء الغلابا ودعمتهم وزرعت دعمهم في وجدان الشعب السوداني منها رائعة هلاوي التي رسمها بإتقان وقام بتلوينها الموهوب شريف شرحبيل ودوزنتها عقد الجلد بإيقاع ونغم يهز القلب . عارف الوجع فى الجوف شديد عارفك كمان ما بتقدرى اصبرى .. اصبرى
جاهلك شكى وجاهلك بكى وفى بيتك المرق اتكى والشيء البحير ومابحير مابيه يا حاجة الزكاة ...
طلع الصباح لو ليك مراد يا حاجة ما تطلع شمس والليلة عندك زى أمس لسه الرويدى مع الصباح من مدة ماجاب ليك خبر كان جوفو زى جوف العيال من مدة داير ليه حجر والله على الزمن الحجر المابى بالصبر اتكرى
سرحتى فى هموم العيال كيفن يعملوا مع الدروس وسرحتى فى حق الفطور باقى الامور البى القروش واحد زمن داير ردا واحد خلاص قلموا اتكسر زى التقول أكلوا الصبر يا حاجة آمنة اصبرى
مشيتى لى برج الحمام برجك صفحتين ما بزيد ومشيتى لى برج الحمام كان تلقى ليك جوزاً جديد يمكن بعد طلع الصباح يغشاكى زولاً يشترى هبشتى جاى فتشتى جاى كان تلقى سكر بس محال باقى الرطيل الفى الكرت يا حاجة سفوهوا العيال يا حليل زمان وسنين زمان يا حاجة لو تذكرى ... يمه
وسمعتى صوت جاك من بعيد وبعد قليل بابك ضرب وسمعتى صوت جاك من بعيد شالك تعب ... ختاك تعب يا حاجة ناس المويه جوك أصلو الشهر روح جرى يا حاجة آمنة اصبرى
بعد صراع وصراع طويل يا حاجة بينك والمحال ما لقيتى فى داك النهار شيتاً ويجو ياكلوا العيال حبة عدس ما بسوى شيئ وينو البصل وينو اللحم حبة عجين ما بسوى شيئ وينو الدقيق وينو الفحم من جاى لجاى هبشتى جاى فتشتى جاى كان تلقى شيئ لازمك كتير شان تقدرى لازمك كتير اتقدرى
لكن من الطرائف في أواخر التسعينات وكنت أعمل مديرا لمطبعة كباشي بكسلا كان عندي استريو في المكتب .. مع بداية طلة هذه الأغنية الرائعة .. كلما أنتهت أعدت تشغيلها .. وصادف أنه حال البلد وقف .. لا كروت أفراح لآ أفراح الناس نست العرس .. التجار دفتر الفواتير الواحد ثلاثة شهور لا يخلص .. العمال يهشون وينشون ولا يشتغلون.. حديث مرة كورة ومرة سياسة .. واحد من العمال الإرتريين جرئ وظريف جاني في المكتب .. وقال : - يا عمنا عليك الله وقف الغنية دي . - ليه يا عبده ؟ - جابت لينا الفقر هههههههههههههههههه
|
|
|
|
|
|
|
العنوان |
الكاتب |
Date |
فلسفة الفلس | درديري كباشي | 03-23-15, 08:22 AM |
Re: فلسفة الفلس | عادل عبدالعزيز عبد الرحيم | 03-23-15, 10:16 AM |
Re: فلسفة الفلس | عبدالحفيظ ابوسن | 03-23-15, 10:21 AM |
Re: فلسفة الفلس | درديري كباشي | 03-23-15, 10:30 AM |
Re: فلسفة الفلس | درديري كباشي | 03-23-15, 10:26 AM |
Re: فلسفة الفلس | ابو جهينة | 03-23-15, 10:20 AM |
Re: فلسفة الفلس | مني بت نفيسة | 03-23-15, 10:48 AM |
Re: فلسفة الفلس | درديري كباشي | 03-23-15, 10:50 AM |
Re: فلسفة الفلس | عبدالعزيز عثمان | 03-23-15, 10:51 AM |
Re: فلسفة الفلس | مني بت نفيسة | 03-23-15, 10:53 AM |
Re: فلسفة الفلس | درديري كباشي | 03-23-15, 11:10 AM |
Re: فلسفة الفلس | ابو جهينة | 03-23-15, 11:23 AM |
Re: فلسفة الفلس | عبدالحفيظ ابوسن | 03-23-15, 11:28 AM |
Re: فلسفة الفلس | درديري كباشي | 03-23-15, 02:50 PM |
Re: فلسفة الفلس | عبدالحفيظ ابوسن | 03-23-15, 03:39 PM |
Re: فلسفة الفلس | درديري كباشي | 03-23-15, 03:57 PM |
Re: فلسفة الفلس | عبدالحفيظ ابوسن | 03-23-15, 04:20 PM |
Re: فلسفة الفلس | درديري كباشي | 03-23-15, 04:55 PM |
Re: فلسفة الفلس | مصطفى الجيلي | 03-23-15, 04:59 PM |
Re: فلسفة الفلس | درديري كباشي | 03-23-15, 05:28 PM |
Re: فلسفة الفلس | مصطفى الجيلي | 03-23-15, 05:44 PM |
Re: فلسفة الفلس | درديري كباشي | 03-24-15, 06:09 AM |
Re: فلسفة الفلس | Hani Arabi Mohamed | 03-24-15, 06:19 AM |
Re: فلسفة الفلس | عثمان الأمام | 03-24-15, 07:06 AM |
Re: فلسفة الفلس | درديري كباشي | 03-24-15, 10:46 AM |
Re: فلسفة الفلس | درديري كباشي | 03-24-15, 04:51 PM |
Re: فلسفة الفلس | مصطفى الجيلي | 03-25-15, 06:14 AM |
Re: فلسفة الفلس | درديري كباشي | 03-25-15, 08:16 AM |
Re: فلسفة الفلس | أحمد محمد عمر | 03-25-15, 09:36 AM |
Re: فلسفة الفلس | أحمد محمد عمر | 03-25-15, 09:43 AM |
Re: فلسفة الفلس | درديري كباشي | 03-25-15, 10:33 AM |
|
|
|