|
Re: فيديو السفارة (Re: عادل البراري)
|
حبيبنا عادل ... وضيوفه الكرام تحية وسلام لو رجعته لي مداخلتي قد ذكرت بان الرجل علي خلق ولكل فعل ردة فعل وفي النهاية كلنا بشر لو ملاحظ في الفيديو المعتمد علي الدبلجة النصية ليس هنالك سوي هرجله ما عدا صوت احد الموجودين قال ليهم يا جماعه الصباح مشكله وحسي مشكله وياهو لمت السودانيين في السفارة دفر واساءات وعدم احترام البعض والقوانيين ....اذكر حاجة طريفه: ايام قرارت عدم تجديد الزيارات من السلطات السعوديه في رمضان سابقا بحجة الناس بتجيب اهاليها زيارة وحج كان معاي الوالد والوالده ما قعدو شهر طلعت القرارت والاشاعات بالغرامات والتسفير في حالة عدم تسفير الزائر، أها قلته نلحق روحنا والجوازات قالو هنا زحمه شديده صحيت مع صلاة الفجر وتوجهت للجوازات بالله لقيت ليك الصف سينما في فلم هندي بطولة اميتاب ((ابوطويله)) اجانب اشكال والوان بالاضافة للسودانين خاراج الجوازات والابواب مقفله لحين افتتاح ابواب الجوازات من غرائب الصف كل اجنبي كان هندي او اردني وغيرهم شايل الاوراق وواقف في الصف ما عدا السودانيين تلقي الواحد قدامو حجر بمكان فاضي وفي ناس خاتين علبة المناديل الفاين ياخ علبة المناديل الفاين عرفناها الحجر جابو من وين في بلد الظلط ما تعرف ، سالت لي سوداني الحجارة شنو البقول ليك واحد موصيني احجز ليهو والبفك ليك مكنه اقول ليك سيدو مشي اعمل بولندا وجاي مشيت وقفت في اخر الصف بعد الابواب فتحت رسلو لينا عسكري إنظمنا عشان ندخل جوه الجوازات العسكري اندهش من حكاية الحجاره وبعدين كيف الناس تشيل الحجارة وعلبة الفاين وقارورة المياه تدخل بيها جوه جاب ليهو ورقه وقلم اسجل اي زول قدامو حجر واحد سالني من الخاتين حجاره ... اسمع يا زول العسكري دا بسجل ليه في الناس القدامهم حجارة ؟؟؟ قلت ليهو كان انتو عملتو ليهم الجوازات ثورة الحجارة امكن عايزين اعملو ليكم مخالفة او ارحلوكم مع اهلكم .... بالله عليك امان الله في ناس العسكري ما وصلهم شاتو الحجاره الواحد فيهم تقول نيمار بتاع البرازيل الما لحقو شاتو الحجارة العسكري طلعهم علي جمبه وقال ليهم يا سوادنه ايش فيكم لميتو زبالة الرياض كلها عايزين تردمو بيها الجوازات يلا أي زول اسمو في الورقه اتكل علي الله وامشي اشوف اشغالو وما اشوفو هنا لمدة يومين بلا فوضي معاكم ولا قسما عظما اشيل منو اقامتو واقصها بالمقص !!! ياخ الناس دي جرت هواء... بعد ما مشو العسكري شرط الورقه ودخلنا الجوازات. بعدين تعال شوف بعد فتحو الباب السودانيين ما التزمو بالصف من فتحت الباب خربو الصف وجرو قدام الناس اتذكرته طوالي استاد مدني لو جاي الهلال ولي المريخ دفسيبه عجيبه وتعال شوف الواقف في الصف شايل ليهو فصفص ياكل فيهو والبقول ليك احجز لي هنا ماشي ابصق السفه ما فضل ليهم الي ايجبو ستات التسالى والشاي وبتاعين القصب سكر ... برضو تقول لي التنظيم والتعامل برقي لطلب الخدمات. امشي شوف صراف احد البنوك في غبيرا وفي حي تاني زي السليمانيه او العليا الصراف من الوسخ والورق المجدع زي ادبخانة السوق وانت واقف تلقي واحد حاجز ليك باب الزجاج بي يدو وثلاثة معاك جوه الصراف لا احترام لي خصوصيه لا غيرو والامثال كثيره. تحيايت وتقديري ،،،،،
|
|
|
|
|
|
|
العنوان |
الكاتب |
Date |
فيديو السفارة | عادل البراري | 03-03-15, 02:34 PM |
Re: فيديو السفارة | عادل البراري | 03-03-15, 02:39 PM |
Re: فيديو السفارة | عباس الدسيس | 03-03-15, 03:01 PM |
Re: فيديو السفارة | عادل البراري | 03-03-15, 03:17 PM |
Re: فيديو السفارة | مرتضي عبد الجليل | 03-03-15, 03:40 PM |
Re: فيديو السفارة | عباس الدسيس | 03-03-15, 03:44 PM |
Re: فيديو السفارة | عباس الدسيس | 03-03-15, 03:55 PM |
Re: فيديو السفارة | عادل البراري | 03-03-15, 04:19 PM |
Re: فيديو السفارة | عادل البراري | 03-03-15, 04:25 PM |
Re: فيديو السفارة | ahmed haneen | 03-04-15, 06:52 AM |
Re: فيديو السفارة | مبيوع | 03-03-15, 04:39 PM |
Re: فيديو السفارة | الهادي ابوبكر | 03-03-15, 05:46 PM |
Re: فيديو السفارة | علاء سيداحمد | 03-03-15, 06:41 PM |
Re: فيديو السفارة | عادل البراري | 03-03-15, 09:11 PM |
Re: فيديو السفارة | عادل البراري | 03-03-15, 09:26 PM |
Re: فيديو السفارة | عادل البراري | 03-03-15, 09:35 PM |
Re: فيديو السفارة | عادل البراري | 03-03-15, 09:44 PM |
Re: فيديو السفارة | عباس الدسيس | 03-04-15, 06:08 AM |
Re: فيديو السفارة | Kamal Karrar | 03-04-15, 06:24 AM |
Re: فيديو السفارة | عباس الدسيس | 03-04-15, 06:21 AM |
Re: فيديو السفارة | عثمان الأمام | 03-04-15, 06:39 AM |
Re: فيديو السفارة | اساسي | 03-04-15, 06:51 AM |
Re: فيديو السفارة | يوسف الطيب احمد إدريس | 03-04-15, 09:06 AM |
Re: فيديو السفارة | مبيوع | 03-04-15, 09:36 AM |
Re: فيديو السفارة | عادل البراري | 03-04-15, 10:08 AM |
Re: فيديو السفارة | عادل البراري | 03-04-15, 10:12 AM |
Re: فيديو السفارة | محمد البشرى الخضر | 03-04-15, 10:21 AM |
Re: فيديو السفارة | عادل البراري | 03-04-15, 10:27 AM |
Re: فيديو السفارة | عادل البراري | 03-04-15, 10:33 AM |
Re: فيديو السفارة | عادل البراري | 03-04-15, 10:36 AM |
Re: فيديو السفارة | عادل البراري | 03-04-15, 10:39 AM |
Re: فيديو السفارة | عادل البراري | 03-04-15, 11:13 AM |
Re: فيديو السفارة | مني بت نفيسة | 03-04-15, 10:42 AM |
Re: فيديو السفارة | wadalzain | 03-04-15, 11:53 AM |
Re: فيديو السفارة | يوسف الطيب احمد إدريس | 03-04-15, 12:53 PM |
Re: فيديو السفارة | عباس الدسيس | 03-04-15, 12:53 PM |
Re: فيديو السفارة | عادل البراري | 03-04-15, 01:17 PM |
Re: فيديو السفارة | عادل البراري | 03-04-15, 02:27 PM |
Re: فيديو السفارة | عباس الدسيس | 03-04-15, 02:33 PM |
Re: فيديو السفارة | عصام علي أحمد | 03-04-15, 03:01 PM |
Re: فيديو السفارة | عادل البراري | 03-04-15, 07:34 PM |
Re: فيديو السفارة | محمد هاشم ابوزيد | 03-04-15, 08:13 PM |
Re: فيديو السفارة | محمد أبوالعزائم أبوالريش | 03-04-15, 09:11 PM |
Re: فيديو السفارة | عادل البراري | 03-04-15, 11:13 PM |
Re: فيديو السفارة | MOHAMMED ELSHEIKH | 03-05-15, 06:20 AM |
Re: فيديو السفارة | عادل البراري | 03-05-15, 04:42 PM |
|
|
|