|
|
 Re: من نفس البوست كتب عاطف (Re: بدر الدين اسحاق احمد)
|
01:23 ص Feb 4,2015
سودانيز أون لاين
عبدالعزيز حسين عبدالرحيم
أبوظبي
مكتبتي في سودانيزاونلاين
بدرالدين حبابك
يا بدر أنا عاطف دا مصدقوا لأنه بصراحة راجل محترم ومصداقيتو عالية قد يكون قاصد البيت الأول من الناحية الغربية جنب البوابة الرئيسية الشمالية الشرقية وبيت احمد وادي كان من الناحية الشرقية والمسافة اظن اقل من اربعمائة وأظن هو شاف محمود بكشر من انعكاس شمس الصباح المشرقة على وشو وأعتقد أنه مبتسم زي مثلا الصورة دي
قد يعتقد الناس البعيدين انه مبتسم او برضه القريبين لكن في الحقيقة هو مكشر بعفل انعكاس الشمس وزي ما وضحت لي للأخ عاطف أنه في ناس عيونهم حساسة للضوء
لكن يا بدر الحمد لله أنك جيت أنا مشيت لقوقل ماب لقيت في تعديل في مباني السجن وبالضبط في مباني جديدة في مكان المشنقة وأظنها شالوها
المباني المعلمات بي الأصفر ديل في ساحة التنفيذ هل هي مباني جديدة وياريت لو تحدد مكان التنفيذ بالضبط لانه ما قدرت بصراحة ما قدرت احدده بالضبط من الصورة القديمة
كان يوم ما بتنسي يا بدر الايام أنا قاعد اذاكر للجمهوريين يا عبدالله عثمان دا كرهنا البورد نقة نقة يعبد ويسبح في محمودو دا
أبوروضة أنت ما بتبقى جمهوري غايتو يا الشيوعيين حيرتونا وكت مأمنين بي محمود وحاسبنو مع الشهداء ومؤمنين بي رسالتو وبالفكرة الجمهورية ما تبقوا جمهوريين عديييل
غايتو الشيوعيين عارفنهم كجينهم للكيزان يخليهم يتضامنو مع الجمهوريين ويمجدوا محمد لكن البغيظ هو نفاق مدعي الفهم والاستنارة البمجدوا في محمود ويدقوا كاروشة للجمهوريين رغم أنه الفكرة الجمهورية فكرة متخلفة وجاهلة وبتاع بس نظام انا ولد مستنير وفاهم
-----
ياسر الشريف ياخ مرحب بيك وبي حوارك بصراحة فرحان جداً أنك تجي تتكلم معاي حا اتحاور معاك وحا أسلك عن حاجات كتيرة ياريت تجاوبني بصراحة عليك الله بعيد من التقية البتسووا فيها دي والكضاب بعرفوا حا يكضب قبل ما يكضب والنفاق بشم ريحتو كويس فكون معاي صريح ومباشر وتبعد لينا من الالفاظ الكبيرة والفضفاضة وشغل الخواطر والشعر
| Quote: أيضا الابتسام هو رثاء لقوم جهلوا فسهل تضليلهم |
سجمنا كان كدا أنا كنت واقف وبعاين ومعاي مئات يعني قصدك محمود كان بضحك فينا وفي جهلنا وضلالنا ؟؟ طيب ما كان يرشدنا ويمرقنا من ضلالنا ما تقول لي منعوه لأنه لو كان على الحقيقة وشغلانتو من ربه كان ربنا نصرو
| Quote: والابتسام سخرية من قوم يظنون أنهم بالقتل سوف يجتثون فكر الأستاذ |
هو كان ظاني أنهم ما حا يتجثو الفكرة وبالفعل اجتثوا الفكرة وعاشوا حتى الان ومنهم من مات غير نادم وحمد لهم الشعب فعلهم بل العالم الاسلامي كله حمد لهم أعدامهم لمحمود
| Quote: عبد العزيز قال أنه كان صبي في عمر 14 سنة عندما حضر تنفيذ حكم القتل على الأستاذ محمود وأيضا حضر تنفيذ القتل على الواثق صباح الخير.. بالله لو كان هناك مسئولين محترمين مش كان حقو يمنعوا الأطفال من حضور مثل هذه الأشياء؟؟ لكن كل الوقت كان ولا يزال وقت لوثة وهوس |
ما طفل في نهاية الصبا وزمان ناس الاربعتاشر ديل كان بشيلو قدح المونة ويشتغلوا صبات ما زي شفع هسع شفوت ومفتحين بعدين بصراحة سبب حضوري لأعدام محمود كان غير حضوري لأعدام الواثق لأنه كان في فتنة فتنا بيها وسمعنا انه الزول دا نبي وحا تحصل معجزة قبل اعدامه بصراحة انا فتنت وكنت قايل أنه حا يحصل حاجة ولمن دخلت اعتقدت انه ربنا حا ينصرو لو كان نبي زي ما بقولوا واتخيلت انه المشنقة تتفكك وتتكوم كمعجزة تدل على نبوته لكن طلع اي كلام واتحلس
طيب يا سيد ياسر تعال نسألك هل محمود دا نبي ؟؟؟
ما تقول لي مجدد المجددين برجعوا للقران كلام الله وسنة نبيه وبيزيلوا الشعوذة والشرك والاوهام البتتغطى زي تنضيف الحديد من الصداء زي محمد بن عبدالوهاب كان الحجاز اتملى شرك ودجل وشعوذة وقباب وبدأ الناس يعتقدوا في القبور ويرتكبوا كثير من الشركيات وجاء جدد ليهم دينهم محمود ما جديد بل جاب كلام مجوبك ولخبطة ماعندها اي معنى ولا بتفيد الدين الحبة واساسها نفسه
هل محمود دا عندو اتصال أو وحي او اي حاجة غير الإيمان بوجود الله وأنه بسمعنا وبشوفنا وعارف سرايرنا وهل كلفوا الله عز وجل بي شيئ واختصاه بيه دون البشر
طيب زول مسلم سني بصلي ويصوم ويفعل كل ما يأمره دينه ويترك ماينهاه عنه هل محتاج يبقى جمهوري وحا يتغير شنو لو بقى جمهوري ؟؟؟ الجمهوريين دينهم او اعتقادهم يتختلف شنو عن أعتقادات المسلمين ؟؟ الدنيا دار عمل وتحصيل اجر للأخرة الزول لو بقى جمهوري حا يحصل اجر اكتر وكيف ولا مافي فايدة؟؟
مخرجات الفكرة ومحمود زاتو شنو وأستفاد السودان منها شنو والعالم الاسلام والمسلمين عموما شنو ؟؟؟
|
|
 
|
|
|
|
|
| العنوان |
الكاتب |
Date |
| شهادة مخالفة لكل الافادات التي وردت بشأن لحظة استشهاد محمود محمد طه | فرح الطاهر ابو روضة | 02-01-15, 04:28 PM |
| من نفس البوست كتب عاطف | فرح الطاهر ابو روضة | 02-01-15, 05:14 PM |
| Re: من نفس البوست كتب عاطف | Abureesh | 02-01-15, 07:22 PM |
| Re: من نفس البوست كتب عاطف | Dr. Ahmed Amin | 02-01-15, 07:32 PM |
| Re: من نفس البوست كتب عاطف | فرح الطاهر ابو روضة | 02-03-15, 09:01 AM |
| Re: من نفس البوست كتب عاطف | امجد الجميعابى | 02-01-15, 09:00 PM |
| Re: من نفس البوست كتب عاطف | عبدالعزيز حسين عبدالرحيم | 02-03-15, 07:21 AM |
| Re: من نفس البوست كتب عاطف | هشام عباس | 02-03-15, 07:45 AM |
| Re: من نفس البوست كتب عاطف | فرح الطاهر ابو روضة | 02-03-15, 09:07 AM |
| Re: من نفس البوست كتب عاطف | عبد الحي علي موسى | 02-03-15, 07:56 AM |
| Re: من نفس البوست كتب عاطف | فرح الطاهر ابو روضة | 02-03-15, 09:23 AM |
 Re: من نفس البوست كتب عاطف | Yasir Elsharif | 02-03-15, 08:01 AM |
| Re: من نفس البوست كتب عاطف | فرح الطاهر ابو روضة | 02-03-15, 09:15 AM |
| Re: من نفس البوست كتب عاطف | Yasir Elsharif | 02-03-15, 10:44 AM |
| Re: من نفس البوست كتب عاطف | بدر الدين اسحاق احمد | 02-04-15, 05:49 AM |
| Re: من نفس البوست كتب عاطف | فرح الطاهر ابو روضة | 02-04-15, 08:22 AM |
| Re: من نفس البوست كتب عاطف | عبدالعزيز حسين عبدالرحيم | 02-04-15, 08:23 AM |
| Re: من نفس البوست كتب عاطف | Yasir Elsharif | 02-04-15, 08:58 AM |
| Re: من نفس البوست كتب عاطف | فرح الطاهر ابو روضة | 02-04-15, 08:18 AM |
| Re: من نفس البوست كتب عاطف | د.أحمد الحسين | 02-04-15, 09:56 AM |
| Re: من نفس البوست كتب عاطف | امجد الجميعابى | 02-04-15, 10:10 AM |
| Re: من نفس البوست كتب عاطف | محمد حمزة الحسين | 02-05-15, 07:37 AM |
| Re: شهادة مخالفة لكل الافادات التي وردت بشأن لحظة استشهاد محمود محمد طه | محمد المسلمي | 02-04-15, 10:12 AM |
| Re: شهادة مخالفة لكل الافادات التي وردت بشأن لحظة استشهاد محمود محمد طه | عبد الحي علي موسى | 02-04-15, 10:16 AM |
| Re: شهادة مخالفة لكل الافادات التي وردت بشأن لحظة استشهاد محمود محمد طه | عاطف عمر | 02-04-15, 12:51 PM |
| Re: شهادة مخالفة لكل الافادات التي وردت بشأن لحظة استشهاد محمود محمد طه | عبدالعزيز حسين عبدالرحيم | 02-05-15, 07:04 AM |
| Re: شهادة مخالفة لكل الافادات التي وردت بشأن لحظة استشهاد محمود محمد طه | فرح الطاهر ابو روضة | 02-05-15, 07:36 AM |
 قبيلة الرياضيين .. النفوذ المتعاظم ( لوبي كرة القدم ) .. | بدر الدين اسحاق احمد | 02-05-15, 06:00 AM |
| Re: قبيلة الرياضيين .. النفوذ المتعاظم ( لوبي كرة القدم ) .. | د.أحمد الحسين | 02-05-15, 07:32 AM |
| Re: قبيلة الرياضيين .. النفوذ المتعاظم ( لوبي كرة القدم ) .. | د.أحمد الحسين | 02-05-15, 07:36 AM |
| Re: قبيلة الرياضيين .. النفوذ المتعاظم ( لوبي كرة القدم ) .. | فرح الطاهر ابو روضة | 02-06-15, 04:31 PM |
| Re: قبيلة الرياضيين .. النفوذ المتعاظم ( لوبي كرة القدم ) .. | عمار عبدالله عبدالرحمن | 02-06-15, 06:10 PM |
| Re: قبيلة الرياضيين .. النفوذ المتعاظم ( لوبي كرة القدم ) .. | Khalid Elmahdi | 02-06-15, 09:41 PM |
|
| |
فيس بوك
تويتر
انستقرام
يوتيوب
بنتيريست