سر الحياة الأعظم..

Quote: ويبدو أن الرجل، وغدا تمر الذكرى السادسة لرحيله - لم يسأل أو يتسآءل قط بعدها .... يقول لى تبقى محلو ... دة واحد ما عندو تانى ... ويحكى الرجل ... الدندراوية دعوه لمحاضرة .. كلمتو .. وافق .. الدندراوية رغم انهم فرقة صوفية الا انهم ناس أزهر ومدينة منورة ... اتفقنا على الساعة سبعة ... يوم المحاضرة الأستاذ جا لابس ردا ابيض وقميص ابيض وبرنيظة وشايل بنبقة (عصا صغيرة) .. دة فى حد ذاتو، المظهر دة، مواجهة لناس دين وقفاطين و.. و...!! أنا (والرجل يحكى عن نفسه) كنت خايف أرجف من دة ... الساعة سبعة قربت .. المحاضرة ما بدت ... نبهتهم مرتين تلاتة .. بعد داك الأستاذ قال لى خليهم .. هم دايرين العشاء يجى يشوفونى بصلى ولا ما بصلى ... فعلا العشاء اذن ... صلوا ونحن قاعدين فى محلنا ... بعد العشاء جوا ... الأستاذ بدأ فى مواجهة حارة (وأنا أرجف) .. قال ليهم أنا حاضرت فى أندية ما فيها أى مظاهر دين لكن وجدت فيها الدين ... المواعيد دين .. اتفقنا على سبعة (يواصل وأرجف) .. واحد سأل عن الحضارة الغربية .. الأستاذ طق مدّ يدو على غماز النور طفاهو .. ولعو تانى ... مالا الحضارة الغربية؟ الحضارة الغربية ياهو النور القاعد فوقو دة .... دى اول مرة أشوف الباقر الفضل ... كان متحزم وشايل ليهو عكاز ... واحد اظنو حاول يهرج أمين صديق قرصو فى وركو (كان جو مواجهة) قرصو (أقعد يا أضينة) ... أنا بقدم الدين بصورة يستوا فيها جبريل وابليس فى البلاغة والتبليغ ... دى دعوة حارة من منجمها .. داير مواجهتها تكون فى المستوى دة ... دة واحد ما عندو تانى ... أنا ممكن أكون كبير أخوانو .. لكن مكانو؟؟ دى لا!! ==== ستة سنوات قد مرت، لا أدعى أننى اعرف "حرقة الحشا" ولكن قد يكون ذاك ما حدث للوالد حميدان عبدالله غداة فقده لإبنه وأخينا هارون حميدان، كان الرجل على كبر، ولم تكن الحركة ساهلة وقتها، ما إن انطوى الفراش، الا ولاذ الرجل بـ "براد الحشايا"، سافر، فى رمزية لها اعتبارها، ليعزى بنفسه الأستاذ سعيد فى الفقد الواحد الكبير: وأسأل حالى وحالى حروف جهيره وعند المساء أنادى وقرب الظهيره لماذا يغيب المثال الجميل وبحر الدميره...؟ وكل الضياء...! وروح السماء...! وحادى المسيره لماذا تغنى الطيور مساء وأفقد نفسى ... " وضل الهجيره " وكيف تكون الحياة بغير جمال ونفسى أسيره وكيف تهل الشموس علينا وتحيا الكلاب الضريره أسآئل نفسى لماذا يغيب المثال ورب العشيره...؟ حيا الله الربع دكتور أحمد