الخادمة السودانية في المملكة العربية اصبحت امر واقع وشوف عين ...

Quote: يا سلااام ياخ انت احمد التيجانى صاحبى الزماااان داك ؟ مشتاقين والله . ما عارفه انت المافى ولا انا .. الموضوع يا عزيز ما محتاج خبرات دوليه ولا معرفة شعوب ولا شوف عين ولا وقوف شخصى على مالات الاحوال نحن بنتكلم بافتراض ان كل ما قلتموه انتم صحيح ومش من افتراض ان البتقولوا فيهو دا لا ما حاصل حااااصل وفى انتهاكات فظيعة وكل شى لكن النقطة الاولى خلونا نضرب فى الفيل ما ضله المشكله فى العمل كخادمة ولا المشكلة الانتهاكات ؟؟ كلنا متفقين ان المشكله الانتهاكات طيب الكلام مفروض يكون عن الانتهاكات وكيفية عدم حدوثها لمعالجة اوضاع المهنة دى وترقيتها ... وذلك اضعف الايمان لانو مافى زول بى يدو فرضها .. صحيح ؟؟؟ دى نمرة واحد نمرة اتنين وبافتراض ان كل ما قيل صحيح وان الانتهاكات هى الاصل وممارسة المهنه بدونها هو الاستثناء كما تفضلتو منو من حقو يقرر لشخص بالغ رشيد انه يعمل شنو وما يعمل شنو ؟؟ حتى لو كان هذا المنع بدعوى الحماية والفضيلة والشرف ؟؟ منو ؟؟؟ القانون فى اى مكان فى الدنيا بيساوى فى الحقوق بين الرجل والمراة ومنها حق العمل اى شخص يكمل 18 سنه قراره فى يده .. مافى زول بقدر يقرر بدله بحجة انه بعرف اكتر منه وهو بحميه صاح ؟؟ يبقى قصة ما بنرضى وما بنرضى وفى زول برضى لى اختو والكلام الميت دا ما عنده فرصة ولا مجال مرا راجل اى زول بقرر لى نفسه وفقا للقانون .. فطالما اى شخص بالغ رشيد بقرر لى نفسه ... قصص الشهامة والمرؤة دى ما عندها مجال او كمان انتو عايزين ترجعونا للقرون الوسطى عهود ما قبل القانون وتقولوا لا المراة ما عندها حق تقرر بنفسها تشتغل شنو وما تشتغل شنو ؟ وذلك بدعوى الفضيله والشرف التى هى بيد الرجال القوامون عليها او حتى بحناجر النساء ضحايا نفس العقلية ومستلمنها وبرددوها بالوكالة وما قضية والى الخرطوم بمنع النساء من مزاولة بعض الاعمال فى الخرطوم ببعيدة عن الاذهان ..