|
Re: النادي السوداني دبي ، كمسؤول وناطق رسمي بخصوص الحفل الكارثة (Re: عبدالدين سلامه)
|
مرحب يا عبدالدين
تمام أنك لسه مهتم بالبوست
كلمة حفل تعويضي بتعني لي أي زول أنه الحفل تعويض للناس الفقدو قروشهم واتنصب عليهم وهو كتار جداً والاستاذ محمد الأمين بكون متضايق وحزين من أجلهم اكتر وتعويضهم هو البسره ولانه هو أنسان ما مادي وما جا عشان مال محمد الأمين جا هنا عشان عارف في ناس بحبوه
بالنسبة لعيسى أدم أنا ما هاجمتو
لكن شايفك أنت قاعد تكشكر ليه وتثني عليه وتدخله في اي حتة وتنعتو بالالقاب هو وعلي أسماعيل في شكل تكتل أثني وتحيز عنصري وكل كلامك بمشي في الاتجاه دا وانا بقول ليك كلامي دا عدييل مش عشان تجي تنفي الكلام دا او تجي تهاجمني بس دا عشان الحاصل وعشان تنتبه وتعرف انت قاعد تسوي شنو وأنه زي الكلام دا خطير والبلد دي ما مكانو دبي دي مافي كردفان ولا نهر النيل ولا دارفور ولا في دنقلا ولا نحنا في امريكا ولا لندن دي بلد فيها مئات الجنسيات وبطلوا تكتلاتكم الاثنية والعنصرية دي هنا فقط بتجمعنا السودانية واننا سودانين دايرين تتمازيو بي اثنياتكم وتتعنصروا امشوا اتمايزو جوه بيوتكم
ثم عيسى أدم أنا ما بميزو من أي سوداني بل يقل عنهم عارف ليه عيسى أدم مثلا زيه وزي على أبوزيد البكرموه السودانين الليله على ابوزيد اتبوا رئاسة قسم في بلدية أبوظبي وعيسى ادم مدير مركز تجاري الفرق بينهم العطاء علي أبوزيد قدم للسودانين كل ما يستطيع بذل ماله ووقته وجهدة واحاسيسة ومشاعرة وكل ما يملك من اجل السودانين علي أبوزيد ما بمرض زول إلا يزوره علي أبوزيد ما بحتاج إنسان إلا يمن عليه على أبوزيد ما بموت زول إلا تلقاه جنب المغسل في المستشفي او تلقى عربيتو ورى الاسعاف في الطريق للمدفن وما انعقد زواج إلا كان جنب المأذون وما مات زول في السودان وعنده قريب هنا إلا ما جا عزى فيه علي أبوزيد بذل للنادي السوداني ووقف عليه حتى صار الصرح الأنت شايفه اليوم علي أبوزيد أسم في ابوظبي لو ذكرتو لي أي سوداني لذكره بخير الذكر والله لو محمد الامين دا دا جا هنا ابوظبي لكان هرع ليه علي أبوزيد وابناءه وعشيرته اول زول على أبوزيد قدم كتير للناس وخدم الناس بكل ما استطاع
شنو هو عيسى أدم وشنو هو عطاءه قدم شنو للسودانين وللسودان عشان اميزه دون بقية البشر شنو يعني شغال في وظيفة كبيرة وعنده قروش طظ الله كريم والمال من الله فقط الزول الكريم المعطاء الممكن نميزو ونرفع في قيمتة بي احترامه وحبه من غير البشر وفي ناس ما محتاجين المال بقدر ما هم محتاجين حاجات تانية قد يكون كلمة طيبة أو مواساة او حتى سلام عنده قيمة اكبر من القروش عيسى أدم ما قاعد يقدم حاجة ولا بسوي حاجة فقط انتو عاملين ليه دعاية ساي بدون اي شيئ فما تعمل لينا جوطه بلا عيسى ادم بلا بامية أنتو ما عارفين حاجة ساي والله في سودانين هنا في البلد دي بتبأو مناصب أعلى من عيسى ادم بي كتير مافي زول شغال بيهم ولا بديهم اكتر من قيمتهم عشان ما قاعدين يقدموا للناس حاجة وما تعملوا للحنابر قنابر
يا عبدالدين أنت مالي الناس جوطه هنا وبتتكلم بي القاب وحاجات كبيرة زي مسؤول في النادي السوداني بدبي وأمين أمانة وشنو كدا ما تعرف بمنتهى الجخ والفشخرة الناس حا يفتكروا النادي السوداني دا حاجة كبيرة لكن في الحقيقة هو دمل قبيح في جسد الحسناء دبي وبؤرة قبيحة مبنى قديم ومتهالك من السبعينات يؤمه الرمتالة والعجايز للعب الكوتشينة يشع بؤس وكأبة ويحط من قدرنا نحنا السودانين مكان مظلم قبيح وسط النوداي الفخمة والجميلة من حولو أنا افتكرت لمن استفزك بذكر حقيقة النادي أنه حا يكون عندكم كإدارة خطط وافكار على وشك تنفيذها تجي تذكرها لي لكن لقيتك برضه فاكيها في نفسك وما عندك غير النقة وما مسكت المنصب دا إلا عشان تجي تفكها فينا وتخت ليك كم لقب في أسمك المنصب دا ما تشريف بقدر ما هو تكليف لو انت عاوز تتبوبر بي المنصب داخير تختاه وتمشي تفتش ليك مكان تاني وخلي المكان لي زول داير يسوي ودبي دي فيها ناس كتار سوايين وما حداثين
ثم النادي ما مكان لي لعب الكوتشينة ومن حق الناس لعب الكوتشينة لكن يحترموا مشاعر الناس ويمشوا مكان بعيد وقصي ويخلوا الناس تاخد راحتها يعني عشرة اشخاص يحتلو طوال سنين قاعة تسع لي خمسمية شخص ويتسببوا في حرمان المبدعين والاسر والعوائل من الابتهاج ومن النادي انه يتطور أو يؤدي دوره في نشر الثقافة والوعي والابداع مشكلة الناس البلعبوا كوتشينه انهم بحتلوا المكان البلعبوا فيه ويتسببوا في نفور غيرهم يعني العشرة اشخاص ديل اتسببوا في نفور الالاف من السودانين في دبي من الحضور للنادي او المساهمة فيه في النادي السوداني في أبوظبي ناس الكوتشينة بعيدين من الناس وما محتلين القاعات عشان كدا الناس بتجي والاسر والعوائل والاطفال بجو والناس بتاخد راحتها لكن في ناديكم ناس الكوتشينة محتلين القاعات ومتسببين في هروب الناس من النادي
بعدين أنت اتكلمت عن حفل بتكاليف وقيمة وتذاكر بطريقة كأنه من عطاياكم وبذلكم للناس وكأنكم دافعنه من جيوبك لا لا ياخ مافي زول متفضل على زول حفل بحضروه الناس بي حقهم وبي مالهم والجهد الانتو قايمين بيه لو انتو ما قمتو بيه في مليون غيركم بقوم بيه فمافي داعي تجي تجخوا وتتفشخروا لينا هنا وقبل كدا زي ما وريتك شاركنا في إقامة أكبر واجمل حفل لي ود اللمين وما اتبوبرنا ولا نسبنا لي نفسنا حاجة وجهدنا كان من اجل الاستاذ ومن اجل ان يسعد السودانين هنا
بعدين أنت عارف وكل الناس عارفين انه في ناس اخلاقها زبالة وفي ناس نفوسها واخلاقها ازبل من الزبالة ديل ديل هم البطبلوا للناس الزبالة ويضاروا ليهم زبالتهم دي تقولوا شنو في ناس زبالة بستغلوا فرحة الناس وابتهاجهم في الحفلات الزي دي ويصوروا الناس خلسه ويرسلوا صورهم لي أعداءهم عشان يفتروا ويبتزوهم والازبل منهم يدافع عنهم ويجي يكشكر ليهم ويصفهم بي صفات بعيدة عن حقيقتهم
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-11-14, 10:33 AM |
Re: النادي السوداني دبي ، كمسؤول وناطق رسمي بخصوص الحفل الكارثة | Hassan Makkawi | 12-11-14, 02:17 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-13-14, 09:41 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-13-14, 09:42 AM |
Re: النادي السوداني دبي ، كمسؤول وناطق رسمي بخصوص الحفل الكارثة | محمد البشرى الخضر | 12-13-14, 10:04 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-13-14, 10:42 AM |
Re: النادي السوداني دبي ، كمسؤول وناطق رسمي بخصوص الحفل الكارثة | محمد البشرى الخضر | 12-13-14, 12:32 PM |
Re: النادي السوداني دبي ، كمسؤول وناطق رسمي بخصوص الحفل الكارثة | أبوبكر عباس | 12-13-14, 01:53 PM |
Re: النادي السوداني دبي ، كمسؤول وناطق رسمي بخصوص الحفل الكارثة | معتصم الطاهر | 12-13-14, 03:34 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عمر علي حسن | 12-13-14, 04:21 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالكريم أحمد الامين | 12-14-14, 03:48 AM |
Re: النادي السوداني دبي ، كمسؤول وناطق رسمي بخصوص الحفل الكارثة | Abureesh | 12-14-14, 04:21 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 11:56 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 11:57 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 12:00 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 12:01 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 12:03 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-14-14, 12:08 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالكريم أحمد الامين | 12-15-14, 05:19 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-15-14, 09:46 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-15-14, 09:59 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالعزيز حسين عبدالرحيم | 12-16-14, 07:02 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-16-14, 11:35 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-16-14, 12:20 PM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالعزيز حسين عبدالرحيم | 12-17-14, 07:18 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-17-14, 09:35 AM |
Re: النادي السوداني دبي ، كمسؤول وناطق رسمي بخصوص الحفل الكارثة | أبوبكر عباس | 12-17-14, 09:53 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-17-14, 09:58 AM |
Re: النادي السوداني دبي ، كمسؤول وناطق رسمي بخصوص الحفل الكارثة | أحمد عزالدين | 12-17-14, 11:21 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالعزيز حسين عبدالرحيم | 12-18-14, 07:05 AM |
Re: النادي السوداني دبي ، كمسؤول وناطق رسمي بخصوص الحفل الكارثة | Osama Mirghani | 12-18-14, 09:45 AM |
Re: النادي السوداني دبي ، كمسؤول وناطق رسمي بخصوص الحفل الكارثة | خالد درق | 12-20-14, 08:12 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عثمان الأمام | 12-20-14, 08:44 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-20-14, 10:33 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-20-14, 10:34 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-20-14, 10:36 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-20-14, 10:37 AM |
Re: النادي السوداني دبي ، كمسؤول وناطق رسمي بخصوص الحفل الكارثة | عبدالدين سلامه | 12-20-14, 11:38 AM |
|
|
|