النادي السوداني دبي ، كمسؤول وناطق رسمي بخصوص الحفل الكارثة

Quote: فرق كبير بين النادي السوداني في أبوظبي والنادي السوداني في دبي مع أنه المفروض نادي دبي يكون أحسن بي كتير من نادي أبوظبي قبل فترة مشى معاي زميلين ليبي وعراقي لعزاء احد الاخوان في النادي السوداني وبعد العزاء قابلت عدد كبير من الاصدقاء والمعارف والنادي اجؤاه حميمية وناسو ظريف اصروا وعزمونا عشاء زملائي العراقي والليبي للأن مبسوطين وبحكوا للناس عن النادي السوداني وعجبهم جداً نادي أبوظبي ما يخلو من فعالية ثقافية أو غنائية او اجتماعية رغم وجود ناس الكوتشينة لكنهم بعيدين وما بتلاحظ وجودهم زاتو خاتنهم في كونتير في زقاق ورى الصالات ومرتاحين من ازعاجهم ومنظرهم الكئيب بتخيل لي أحسن مطعم سوداني في الإمارات هو مطعم النادي السوداني في أبوظبي جميل ومريح وبقدم اكل جيد بأسعار جيدة وخدماتهم ممتازة خصوصا البت الحبشية دي زول لطيفة وبتخدم الناس بتفاني وأدب وترحاب المطعم من الاشياء الجاذبة وكتير بمشي النادي عشان المطعم حتى العجايز ياخ في النادي السوداني بأبوظبي ناس ظريفين وبشوشين ووقورين وبجو النادي في كامل هندامهم وأناقتهم ومرحبين بالناس وما بقصروا في تقديم النصائح والتشجيع للشباب مفروض النادي في دبي يكون احسن من أبوظبي بي كتير وفعاليتو اكبر لأنه الزوار من المبدعين لي دبي اكتر من أبوظبي لسهولة الزيارة والاقامة والحركة وواجه ومعبر لكل السودانين المتحركين في كل انحاء العالم ما بتحسو بالغيرة لمن تجو النادي السوداني في أبوظبي وتخشوا صالاتو الفخمة والحميمية والترحاب البتلقوه فيه أغرب حاجة حسب ما عرفت أنه النادي السوداني في أبوظبي تابع للنادي السوداني في دبي معقول الفرع يكون احسن من الاصل [/QUOTE لكل مجتهد نصيب ، ونادي أبوظبي وإدارته وأعضاءه نماذج رائعة وواجهة مشرقة للجالية السودانية ، ونحن ننتمي لهم ونعتز بهم ونادي أبوظبي جزء لايتجزأ من نادي دبي ، وإدارته مبدعة بلا شك وفيها أشخاص أفزاز . أما نادي دبي ، فعدم علمك أو معرفتك بالأشخاص لاتعطيك حق إطلاق الحكم عليهم جزافا ، وماقلته فيه تجنّي غير مقبول لإدارة وأعضاء النادي السوداني بدبي ، وكل إناء بمافيه ينضح Quote: ما أنسى أشكر قريبي المبدع عبدالله الشقليني شكراً يا قريبي فأنت ومن معك جعلتم النادي السوداني في أبوظبي شعلة من الجمال والابداع والمحبة وبرضه أشكر صديقي العزيز صداح وراق لأنه شايف قام بمجهود وحرك نشاط النادي السوداني في دبي دايرين ليكم ناس زي صداح دا بعمل بصمت وفككم من الجعاعين واطردوا ناس الكوتشينة لأنهم بشوههو صورة النادي وينفروا الناس ------ أول مرة أعرف ، وأستغرب أن الأخ المهذب الخلوق عبدالله الشقليني قريبك ، وألا ترى أن هناك تناقضا بين ماذكرته من نشاط للنادي السوداني دبي ، وبين ماسبق لك ذكره عن النادي في بداية حديثك ؟؟ أرجع أقرأ ردك من جديد Quote: قبل كدا اتعملت حفلة لي محمد الأمين في المسرح الوطني بي أبوظبي وشاركنا في الدعاية ليها عام سعيد ويا بختنا ويا سعدنا الموسيقار محمد الأمين بيننا-أبو...مسرح الوطني 7/1/2011عام سعيد ويا بختنا ويا سعدنا الموسيقار محمد الأمين بيننا-أبو...مسرح الوطني 7/1/2011 وتم تكريم الاستاذ محمد الأمين أجمل واحسن تكريم وكانت من اجمل الحفلات بي أعتراف محمد الأمين نفسه القال أنها دي اجمل حفلها اقامها في حياتو وكان في عدد كبير من البورداب من الحضور زي ابوساندرا وحينها وجدتمونا جميعا ندعمكم ببثّ الطاقات الإيجابية ، ونتكلم عن ماتفعلوه موزون وعاقل الحديث ، وكان ذلك واحدا من عوامل النجاح Quote: ياودالبشرى اوعك كان مشيت يشيلك الطرب تقوم ترقص ولا تهز ولا تمشي تقيف في النور لأنه في ناس زبالة ممكن يصوروك قبل ما تصل بيتك يكون الفيديوهات والصور وصلن الرياض وجدة واتفتح ليك بوست بي أي فرية خليك لابد في الضلمة وخلي بالك من الكاميرات الله خلق الإنسان في أحسن تقويم ، وليس بين جاليتنا من يمكن أن نطلق عليه ( زباله ) ، بعدين ودالبشرى رجل محترم ، وليس عنده مايخفيه ، وحتى لو رقص فإنه لايخاف من تصوير ماقام به وبثه على كل وسائل تواصل العالم ، وانا أعرفه أكثر منك