خبايا مشروع أبولو وخدعة الوصول للقمر - الجزء 2

Quote: دا تقرير عن العينات الصخرية بالارقام والمواضع بتاعتها وطريقة جمعها +++ بالنسبة للمراجع الفوق وبالذات المرجع التاني هو خاص بالعينات وقام كتير من المتشككين وكتير منهم علماء جيلوجيا يعني عارفين الصخور الارضية خصائصها شنو ومافي عالم واحد مرموق قال انها صخور ارضية +++ افترضنا انها نيازك سقطت على الارض برضو حتكون مختلفة من الصخور الواردة في الكتلوج اعلاه ( الرابط الثاني ) ودا لاسباب تركيبية وعوامل خاصة بجو الارض واشياء كثيرة جدا بعرفوها ناس الجيلوجيا بالتحديد +++ الصخور الجات في العينات كلها جلبت بواسطة آلات حفر دقيقة صممت للغرض دا بالتحديد وموجودة حاليا بمعرض ناسا واي زول ممكن يشوفها يعني ما سر عسكري +++ على كل المسألة دي انت الوحيد المتشكك فيها وما عندك دليل علمي نهائي كلها مجرد ظنون

عشان ما نضيع الزمن!

مشكور جداً على المصادر، بس انت أوردت وثائق من حوالي 1000 صفحة مصورة، كل المطلوب سطر واحد يقول أن هنالك صخور جلبت من عمق (6 أمتار) في أي مكان محدد على الانترنت أو من داخل الوثائق التي جلبتها، فمن الصعب البحث عن المعلومة في هذا البحر، أتمنى أن تتفضل وتشير للصفحة أو على الأقل اكتب السطر الذي وردت فيه المعلومة هنا وأنا سأبحث بطريقتي، يمكنك الاعتماد على قولي أن هذا لم يحدث في كل تاريخ ناسا حتى تاريخه، لكن آمل أن تنجح في العثور على معلومة مناسبة. فقط لتأكيد كلامك. أنا القدامك دا لا عالم ولا بفهم في الجيولوجيا، ممكن أؤكد ليك إنو أي صخور جاية من الفضاء لن تشبه صخور الأرض في أي وجه، دا بداهة ولا يحتاج لتشكيك، مش اتفقنا إنها نيازك، إذن المرمقة العلمية غير مطلوبة هنا. أنت لا تحتاج للافتراض، هذا نشاط يومي يحدث من قبل أن يكون هناك مشروع اسمه أبولو وفي الواقع من يوم اكتشاف القطبين، دا فون براون في انتاركتيكا ودي صورة أوضح، في الوسط بشعر أشقر، هو فون براون، متخصص صواريخ والمشرف على كل المشروع، لكن الصاروخ أطلق من أمريكا فما الداعي لوجوده في انتاركتيكا؟ ودا جانب من نشاط جمع النيازك في انتاركتيكا، حملات شبه مستقرة هناك، طلاب وغيرهم، شغل أسهل من شغل الدهب، شفت كيف يعني أنا حاتم دا أقدر أمشي انتاركتيكا وأعمل مخيم هناك، والجماعة ناس الفلك يدوني تقارير بخصوص اقرب رشة بتاعة نيازك جاية الأرض، تاني يوم أمشي للموقع وأجمع ليك نص طن حجار في شهر بالطريقة دي ونجي نفرزها هنا في محل دافيء ونصفي منها 100 إلى 200 كيلو نيازك وكلها حتطلع بنفس خصائص الصخور الواردة في الكتلوج اعلاه ( الرابط الثاني )، انت قايل الموضوع صعب؟ بالنسبة لآلات الحفر الدقيقة، هي فعلاً صممت لهذا الغرض لكنها لا تختلف عن عن أي آلة مخصصة للفلاحة المنزلية، هاك دا الكوريق بتاع ناسا ودي ياها هنا شغال زي المغرفة ودا الشاكوش في ظنك (الآلات الدقيقة) الفوق دي بتحفر 6 أمتار في باطن القمر؟ هم ذاتهم ناس ناسا شليقين الوداهم يلعبوا الغولف هناك شنو؟ شوف بالله صمموا مضرب غولف مخصوص للعب هناك دا آلان شيبارد ماسك المضرب ودا اللعب ولا بلاش أهي دي عينة من الآلات الدقيقة. _______ انت عندك حماس كويس للنقاش بس أظن فاتك الجزء الأول، أنا والله افتكرتك اطلعت عليه وجيت تناقش الكمبيوتر هنا، على أي حال أرجع للجزء الأول الملخص في الجدول الفوق في أول مداخلة أو اضغط هنا للانتقال مباشرة. خبايا مشروع أبولو وخدعة الوصول للقمرخبايا مشروع أبولو وخدعة الوصول للقمر الموضوع مش مجرد ظنون يا أخ عوض هنالك آخرون. ياريت تطلع على الفات وتجي أنا قاعد.