انتو ماشين لى مصر البعيدة ديك ليه ,, فى يوم كنت مدعوا لتناول افطار رمضان عند قريبى بالأزهرى ,, ومعى ابن اختى الذى يعمل بالجيش ,, ركبنا عربة امجاد واراد السائق ان يدخل فى شارع القصر وكانت هناك طفلة صغيرة من جنوب السودان ,, ترافق اخاها الأصغر ويريدان عبور الشارع والطفلة مترددة فى عبور الشارع لازدحامه بالعربات وكانت تقف امام الأمجاد التى كنت فيها وابن اختى مع عدد من الركاب ,, صاح فيها السائق وكان شابا: ماتقطعى ياحيوانة. غاظنى تصرفه ,, فقلت له: لماذا تصفها بالحيوانة وهى انسانة مثلك? اجابنى: دى انسانة ديل حيوانات ديل قلت له: ليه? عشان جنوبية يعنى? التفت الى الوراء يخاطبنى : انت دخلك شنو ,, ايوه حيوانة قلت له انت انسان جاهل ونوعك ده هو زاتو الجايب المشاكل للبلد اخذ يسوق بسرعة جنونية ويشتم ,, انت زاتك حيوان اها عاوز تعمل شنو ,, تدخل بعض الركاب كبار السن وطلبوا منه ان ينتبه الى الطريق وان يهدئ السرعة ,, كان يجيبهم بانه يدرك ماذا يفعل مواصلا شتيمته ,, حاول ابن اختى ان يسكته بالتى هى احسن ,, اخذ ابن اختى نصيبه من الشتم ,,قال احد الرجال كبار السن يا ابنى نزلنى هنا قبل ماتعمل حادث ,, قال السائق والله الليلة زول ينزل مافى الا اوصل كل زول قدام بيتو. انا روحى حرقتنى ,, لم اشعر الا وانا اسبح فوق الركاب لأصل الى رقبته,, منعنى الركاب ,, اخذ يهدد ويقول انا بقارى حر والله مانخاف الا من الخلقنى ,, اخرج سكينا كان يربطها فى وسطه ,, ويوجه تهديده لى وابن اختى استفز كلامه ابن اختى فوجدت اننى لابد ان اكون عاقلا ساعدنى بعض الركاب على فض النزاع الذى انحصر بينه وبين ابن اختى ,, نزلنا وحمدت الله على السلامة.
عدل لتعديل بكارى الى بقارى
(عدل بواسطة عبدالعزيز الفاضلابى on 06-25-2009, 10:52 PM)
|
|