السودانيين في الخليج وخاصة في (السعودية) لماذا يتركوا زوجاتهم خلفهم في السودان؟

Quote: تحياتي أختنا هدير أشهد بإنك انسانة بريئة وقلبك طيب وعلى نياتك .. الحكومة هي من دفعت الناس دفعاً إلى الهجرة، فكيف توفر لهم عمل؟ .. إنت ما سمعت بالصالح العام الطال وظائف الآلاف من أبناء السودان؟ ديل ياهم ذاتم الهاجروا وواجهوا مثل هذه المشاكل .. ويا ها نفسها من جففت تجارة وأعمال الذين ضدها وأغلقت دكايكنهم وأكشاكهم وأغرقتهم في الديون بسبب تجارة المحاصيل والسيارات وما مشاكل ناس الكرين عننا ببعيدة .. يا بت الحلال أنا لاقيت ناس في الغربة هنا كانوا من أغنى تجار السودان في تجارة المحاصيل والسيارات وفي النهاية هربوا من السودان بسبب سياسات الحكومة القائمة على إفقار من هم ضدها .. حكومة بتاعة إيه يا بت الناس؟

عشم!
خاصة إنو أصبحنا الآن دولة مصدرة للبترول! كما وانو الإنقاذيين بعد نيفاشا
(مجبرين) خلو السعر الشديد داك وأصبحو أكثر مرونة وليونة. لذا كان العشم!!!!

وما تنسى راو وخطرفات التحول الديمقراطي المعلنة. وحاليآ كمية من الأجناس المجاورة
وغير المجاورة أصبحت تجي تعمل عندنا. بني جلدتنا مش أولى بفرص العمل دي؟!! .. ولا ما كدا؟؟

وفي حديثي قلت يا ريت حكومتنا الرشيدة تحل حالات بعينها وتلم شمل أسر مشتتة .. وينو
الراعي المسؤول عن رعيتو دا؟؟!!!!!!!!

بعدين أوتحدثني عن عمايل الإنقاذ يا أخي؟؟!!

أنا والدي وخالي وعمي وزوج أختي و .....، كلهم نزلوهم للصالح العام .. لا هم
سياسيين لا عندهم شغلة بسياسة أصلآ! تصدق رغمآ عن ذلك رفضو الخروج من السودان!!!
دا غير الأعدموهم والتجار الحاربوهم في رزقهم. يا ودالناس ما تفتح علينا الجروح الله يرضى عليك

Yes I know
They Don´t Care About Us
!
But
!