نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مقال عن لبني في صحف اليوم (Re: Deng)
|
Quote: كلامك ده كلام كوز عديل كده. كوز همه هو أن يحافظ
النظام على سمعة طيبة في الخارج.
أنت لم تتحدث عن عدم عدالة القوانين نفسها ولكنك تدلفع عنها.
أنت هنا غير مهتم بلبنى أو بغيرها من النساء الذين يتم
جلدهن في السودان ولكن همك الاول هو أن الحكومة يجب أن
تظهر للعالم بمظهر كويس وحتى إذا كان ذلك على حساب
الشعب السوداني. |
جارنا دينق ازيك
مبروك الزواج ياخ
كلامك ده اعوج تب بالمناسبة
انا ما عايز ابرر اي حاجة
بالرغم من ان المقال ده مر بمراحل كتيرة
وكان في البدء حاد وناقد جدا
لكن طبعا كان في التزام بالميثاق الصحفي بين الحكومة والصحافة
لرفع الرقابة عن الصحف..واكيد سمعت بيه
وبالمناسبة بعد الالتزام الحصل ده
تاني ما حا تلقي موضوع ناقد اكتر من ده في الصحف
خصوصا عن لبني والامور الحساسة
حتي لبني ستضطر الالتزام بالموضوعية في كتاباتها
انا مقالاتي عموما كلها ناقدة
لاي موضع للخلل سواء من الحكومة او غيرها
ما بيهمني تطلق علي كوز ولا زير
انتو اقعدوا في كوز ما كوز لمن الحكومة تقعد 20 سنة تاني
المقال اعلاه اعتقد انه موضوعي جدا
لا يصب في صالح الحكومة كما ذكرت
وانما يصب لصالح البلد
وطبعا انتقدت القوانين والمتسلطين من رجال الشرطة
عايزني اعمل شنو يعني؟؟
اشتم الحكومة عشان مقالي يمشي الخور
ويقاضوا الجريدة ويوقفوها عن العمل ويسجنوا رئيسها؟؟؟
انت ما شايف المقال ده في جريدة السوداني؟؟؟
وبعد ده انتقدت الحكومة؟؟؟
وحتي كتاباتي في الصحف الحكومية انتقد فيها الحكومة
بعدين يا دينق دائما التنظير مخالف للواقع الانت عايشه
انت تنظر من بره ما زي شخص يكتب في الصحف بموضوعية وحذر
انا هدفي الفساد ينتهي وأسيق مقالي بشفافية وموضوعية
اكون بذلك ضربت عصفورين بحجر
مقالي اتنشر والحكومة تنظر في مواضع التقصير وتعالجها
لكن النضال ده انا خليتو ليكم
انتو ناضلوا وشتموا واهتكوا اعراض الناس
وطالما انت تعتز برأيك انا كمان اعتز برأيي
ولا شنو؟؟؟
واخيرا لو قريت المقال تاني
حا تجد ان كل ما ذكرت عبارة عن حقائق حدثت بالفعل
وانا سقتها في شكل مقال واضفت مواضع الضعف في تلك القضية
والنقد الموضوعي وبمهنية دون شخصنة الامور او التزوير في الحقائق
|
|
 
|
|
|
|
|
| العنوان |
الكاتب |
Date |
 مقال عن لبني في صحف اليوم | ASHRAF MUSTAFA | 09-23-09, 01:28 PM |
| Re: مقال عن لبني في صحف اليوم | Deng | 09-23-09, 02:07 PM |
| Re: مقال عن لبني في صحف اليوم | محمد عمر الفكي | 09-23-09, 02:29 PM |
| Re: مقال عن لبني في صحف اليوم | Deng | 09-23-09, 03:12 PM |
| Re: مقال عن لبني في صحف اليوم | ASHRAF MUSTAFA | 09-23-09, 03:17 PM |
 Re: مقال عن لبني في صحف اليوم | ASHRAF MUSTAFA | 09-23-09, 03:15 PM |
| Re: مقال عن لبني في صحف اليوم | ASHRAF MUSTAFA | 09-23-09, 03:11 PM |
| Re: مقال عن لبني في صحف اليوم | ASHRAF MUSTAFA | 09-23-09, 07:27 PM |
| Re: مقال عن لبني في صحف اليوم | ASHRAF MUSTAFA | 09-24-09, 07:33 AM |
 Re: مقال عن لبني في صحف اليوم | AnwarKing | 09-24-09, 11:35 AM |
|
| |
ASHRAF MUSTAFA
فيس بوك
تويتر
انستقرام
يوتيوب
بنتيريست