Quote: سلامات,,,,اشرف مصطفي,,,,,حى فعلا مميز,,,بدأت قصة حبي لع من قبل ولوجى لمدرستي الحبيبة,,,القديمة
بنات,,وكان تموينا الاسبوعي من بقالة الحاوي التى كان يؤمها ارقي الناس في الخرطوم,,,الخرطوم ست
الاسم ما الخرطوم الاتمددت لحدي سوبا,,,,وقبل ما تظهر اسواق النمر ومول عفراء وحاجات مستجدين النعمة
ديك,,,اجمل ما في العمارات الارقام الفردية للشوارع وهى ظاهرة تميز الحي علي كل احياء الخرطوم,,,
ولو عايز تعرف الزول المدعى تسمعو يحكى عن مكان في العمارات ش 18,,فتكاد ان تنفجر ضاحكا,,,العمارات
بالنسبة لي ,,,هى القديمة بنات ش 25,,وفيه بيت وزير الثقافة الراحل محمدتوفيق,,,زهير المقبول,,,
وبعده في ش 27منزل محمدعلي نديم زوج الاستاذة الرقيقة فاطمة شوقي وكيلة الخرطوم القديمةبنات سابقا
وفي 57منزل استاذى الرائع بروف صلاح عمران استاذ الباطنية في طب جامعة اعالى النيل والد اشرف واية
والاء واكرم وامل الجميلة,,,,في 45 حبيبتنا رباب محمدعلي عوض(بينا) بت استاذة بثينة واستاذمحمدعلي
عوض-بخت الرضا-واخت خالد-في امريكا حاليا-وحامد واشراقة ووصال,,,نرجع هناك في شارع 3جواااا بعد
السفارة اللبنانية منزل حسن علام جد صديقتي عزيزة حسن ساتى ووالد استاذة ثريا علام رحمها الله وكيلة
القديمة بنات سابقا,,,في واجهة شارع افريقيا وفي الناصية المقابلة لمشفي الاطبا بيت ناس زميلتنا
صفاءالسر الكريل-حاليا في امريكا-طبيبة الاسنان ودفعة القديمة واختها امانى السر,,,اما في ش 15 فغير
سوق 15 اللي ماكان بجوهو (الرجرجة والدهماء) علي قول سامح اخوى الله يطراهو بالخير ويرد غربتو سالم
غانم,,,في بيت ناس صحباتي هناء زميلة القديمة سابقا وهالة زميلة مرحلة الامتياز كريمات عوض بابكر
الكارس,,,وزمان كدا بعد السفارة السعودية وانت ماشة علي العمارات المتوسطة بنين كان بيت ناس
عبدالغفارعلي الصغير من مشاهير الرباطاب هناك,,,,ونصل الي مرتع صولاتنا وجولاتنا,,,سوق 45,,,
وايسكريم 45 الذي لايعلي عليه ولاحتى عشيري مافيش غيري,,,
لكن يااشرف زى ماكانت مقدمة برناج حكاية من حلتنا بتقول(الحلة تغيرت,,,والناس اتبدلت,,,البيت
الصغير سكنوهو مية نفر,,,والبيت الكبير ,,,سكنوهو نفرين بس),,,يمكن بسبب الهجرة اللي اجتاحت البلد
بعد حالة القرف العامة من 89 وانت ماشي يمكن بسبب ضغط الظروف,,,البيوت بقت اغلبا شركات ومدارس
خاصة ومستوصفات,,,وحالة من الصمت الحزين تعتري ذلك الحي الجميل الذي كان في احد الايام من واجهات
العاصمة الوجيهة.
ملحوظة عابرة,,,انا مولودة ومتربية في حي اركويت ,,,لكن زى قلت ليكم بحب الحي دا
د:سلافا العاقب احمد |
دكتورة سلافة ازيك ومرحب بيكي في العمارات
ده شرف عظيم جدا انك تكوني مننا ومعنا وانا بعرف الكثير من الاخوات في القديمة ودخلت معاهم في تحدي في الشطرنج عندما كنت امثل مدرستي ولعبت في القديمة بنات وفي معرض الخرطوم الدولي ضد ممثلين السودان في الخارج...الخ
حا جيكي بمهلة لكلامك الجميل لكن طالما بتعرفي ناس السر يوسف الكريل في شارع 37 الولدهم طارق صديقي
معناها بتعرفي دكتورة غادة حسن احمد سليمان واختها سوسن هم الاثنين بين كارديف وايرلندا الان ومن عائلة المفتي لانهم صاحبات اخوات طارق واطباء ايضا..
شكرا للمداخلة الطيبة
ولي عودة
|
|