انـور كـينج.....!!!!!!!!!!!!!!!!!!!!

Quote: ابو حسين العزيز تحياتي يا رجل والله انت راجل راقي جدا وحقاني انا شفت ليك مداخلات كتيرة وما بتقول الا الحق تعرف يا ابو حسين انو والله ما عايز اعادي الاخ انور ولا عندي عداوة معه عندي عمي قال لي زمان اصلك ما تنوم وقلبك حاقد علي زول وانا والله ما حاقد عليه ولا عايز اجرحه او اسيئه بس فجاة لقيت نفسي في وش المدفع وبدافع عن نفسي الراجل فتح بوست اساءة لي ورافض يقر بغلطه وده هجوم متعمد دخلني في صراع معه لم اكن اريده وفتحت بوست للرد عليه لاني عندي point عايز اوصلها له..ليس الا و و الله الذي لا اله الا هو...انا شاعر بمرارة شديدة لفتحي بوست لاتكلم عن شخص وشاعر بندم وشاعر اني غلطان وما بحب اغلط علي زول نهائي وقلبي لا يطاوعني حتي اضرب زول او اسيئ اليه او اجرحه وبزعل من كل قلبي اذا في زول واحد فقط في كل العالم زعلان مني او اذا زعلت زول قاصد او غير متعمد وانا شاعر انو بعمل في حاجة غلط وبعترف بغلطي وما بكابر وان الله طيب لا يقبل الا طيب لكن يا ابو حسين قلبي حار وراسي ناشف ودي مشكلة بعترف بيها انا زمان ما كنت بقدر اقعد في مكان واحد نصف ساعة واخلاقي كانت ضيقة وكنت حساس جدا وبزعل بسرعة ولو راكب في حافلة وزول عفصني كنت برميه بالشباك ووالله ووالله ووالله لا افاخر بذلك بل اتالم منه وما حصل مشيت بيت زول اكلت او شربت لحساسيتي الزائدة الا كنت بعزم الناس بره البيت وباكل معاهم واصدقائي قالوا لي انت والله لو مشيت اوربا حا يرجعوك في اسبوع لاخلاقك الضيقة لكن ربك رب الخير لطف بي وتعلمت الصبر...ودعيت ربنا يزيل مني ضيق الخلق وصبرت وكتمت احاسيسي ومشاعري وبدات اتغير وربنا ما يرجع الايام ديك ومنذ انضمامي لهذا المنبر لم اغلط او ابدا العدوان علي اي شخص وكنت اتجنب المشاكل حتي لا ارجع الي ايام الجاهلية وفتحت بوست ووريت الناس كيف بحب السودانيين وكيف بكون منفعل لمن اشوفهم خارج السودان واول مرة امشي السودان اجازة كان بعد 10 سنوات من الغربة ولما السفر قرب قربت تجيني زبحة قلبية من الانفعال وحب الوطن ونادرا في هذا المنبر او يكاد يكون معدوم تشوفني بتناطح مع زول في هذا المنبر ودرست الديبلوماسية وعلم النفس حتي اهدا وقرات الكثير الكثير من الكتب عن علم النفس وعن اشياء اخري وعشان ما ادي زول يغلط علي ويغير احاسيسي ويرجع لي المرض الكنت عاشه زمان ما قاعد اغلط علي زول ابدا لانه لو رجعت شريرا ما بقدر اتخلص من المرض تاني وكنت متمني من الاخ انور يكون اذكي من ذلك ويراعي احاسيس الناس ويعظهم بالتي هي احسن وبدا الغلط وانجرفت ورائه وانا غير واعي وانا والله مرات بعمل حماقات لا ادري بها واتبرمجت علي ان الناس طيبة وما عايز اتصدم واواصل في الطيبة ولم ادخل هذا المنبر الا لحبي لكل السودانيين واتمني الا يضطرني شخص لتغيير اسلوبي وافقد السيطرة علي نفسي وكما ذكرت لا اتوقع اعتذار من الاخ انور لانه قالها بوضوح وهانذا يا صديقي اجد نفسي افتح لك قلبي حتي تجد لي عذر لتغيري المفاجئ ولا حول ولا قوة الا بالله العلي العظيم واقول: اللهم اني لا اسئلك رد القضاء ولكن اسالك اللطف فيه