|
Re: في القطر؛ كانت لنا... ذكريات... (Re: عز الدين ادريس محمد)
|
قريتنا برزخ بين النيل، لما حبا يميل، ويعرض ويكتر الامي، وبين السكة حديد، تدَّلى لا وراء يلاقيك البحر، تسْدُر لي قدام تلاقيك السكة، وبعدا الصحراء، والسراب يمتد، ويتمدد.... نحن اقرب للسكة، منها للزراعات، القطر دا شكل عوالمنا باكرا في طفولتنا البعيدة، قبيل الدخول للمدرسة امكن، وفي مراحلها الاولى مؤكد، ما كان يصفر قطر الركاب في الجيلي، حتى تتحرك جموعنا نحن النددة( القسيم والطسيم، وكوري، ومزمل، والدسري، وحضرتي) وفللي يا السكة جوك اطفالك الجوعى، وهؤلاء الركاب مروقين وشبعانين، وذادهم زائد، وزوادتهم مكربة، مكربة علي الشدرة ام نمل، كنا نتقسم لمسافات، بعضنا يعبر شرق السكة وبعضنا يبقى بالجهة الغربية، واكترنا جريا ونشاطا يحرس الكلاب، وينهرها بعيدا، ياخ بعض الركاب يقذفون لنا، مرات؛دجاج عديل كدة، وسندوتشات، ولان السوداني حيث ما وُجد فهو انساني، فقد كان ركاب القطار يربطون ما يرمونه لنا، في اكياس محكمة الاغلاق، حتى لا تختلط بالتراب، وتفسد، يجينا الكيس مربوط وطازج، ونقعد في ضل الشدر، وناكل وننبسط ونقش خشومنا، وننتظر قطرن تاني، مرات في اليوم الواحد هنالك قطرين، ولاحقا؛ حفظنا مواعيد ان هنالك قطر حلفا ياتي يوم الاحد والاربعاء وقطر كريمة ومشترك بورسودان، كان القطر طويلا وابيضا وسريعا، وفيها ناس مروقين ومبسوطين، وطيبين، فنشأت بينا والركاب مودة، وبادلناهم حبا بحب، انهم يطعموننا، نحن ذاتنا يانا الغنا فينا حميد ومصطفى سيد احمد: (انتي ياحضن الصحارى شفع العرب الفتارى البفنو الشايلا إيدهم ويجرو كايسين القطارة ﻻ سراب الصحرى موية ﻻ حجار سلوم موايد) ........................... مرة جاء عمال من مناطق اخرى، وعملوا في حلتنا، وفي العصريات كان الناس تمشي ترفه في السكة، البنات يجيبن الرملة والاولاد يدخنوا السجائر، والكل يشم هواءا نقيا وطبيعيا، كان في شدر، وفي الخريف الارض تخضر لدرجة اننا نسوق غنمنا ونرعى جنب السكة، والخور كان مخضرا، وربيعيا ورمليا، لاحقا كنا نشرب اللبن في الخور دا ذاتو، ونَسَّرَقْ ندخل بيوتنا، ولامن شاف ولامن سمع، كنا نسمي الفرح دا الفطيط، لان احد اقراننا، ما ان يكتح اوله، حتى عندما ياتي دوره يقول فطوني، كنا نضحك وسمينا القصة كلها الفطيط، الراحة والهناء لروح صديقنا هرول في الاعالي، ولشلة الفطيط وقد فرقت بيننا السبل، اقول هل من عودة هل؟ المهم العمال الجونا من بعاد ديل، اخذوا حجارة صماء، وعندما جاء القطر، بدوا في حصب اصدقاءنا الركاب، الشكلة دورت معاهم، ليه بس؛ هم سووا ليكم شنو؟ لاحقا منعهم ناس الحلة من الذهاب للسكة خير شر، مما عجل بمغادرتهم، بركة الفاتو، ياخ ديل بفلعوا اصحابنا الركاب بالحجارة، الله لا كسبهم....
|
|
|
|
|
|
|
العنوان |
الكاتب |
Date |
في القطر؛ كانت لنا... ذكريات... | عبدالمنعم الطيب حسن | 11-12-14, 07:14 AM |
Re: في القطر؛ كانت لنا... ذكريات... | عز الدين ادريس محمد | 11-12-14, 09:22 AM |
Re: في القطر؛ كانت لنا... ذكريات... | عبدالمنعم الطيب حسن | 11-12-14, 08:28 PM |
Re: في القطر؛ كانت لنا... ذكريات... | معتصم سليمان | 11-12-14, 08:59 PM |
Re: في القطر؛ كانت لنا... ذكريات... | عبدالمنعم الطيب حسن | 11-13-14, 06:50 AM |
Re: في القطر؛ كانت لنا... ذكريات... | عبدالمنعم الطيب حسن | 11-13-14, 09:20 PM |
Re: في القطر؛ كانت لنا... ذكريات... | سليمان القرشي | 11-13-14, 10:07 PM |
Re: في القطر؛ كانت لنا... ذكريات... | معاوية المدير | 11-13-14, 11:49 PM |
Re: في القطر؛ كانت لنا... ذكريات... | سليمان القرشي | 11-14-14, 08:49 AM |
Re: في القطر؛ كانت لنا... ذكريات... | عبدالمنعم الطيب حسن | 11-14-14, 04:25 PM |
Re: في القطر؛ كانت لنا... ذكريات... | عبدالمنعم الطيب حسن | 11-14-14, 10:17 PM |
Re: في القطر؛ كانت لنا... ذكريات... | معاوية المدير | 11-15-14, 00:12 AM |
Re: في القطر؛ كانت لنا... ذكريات... | عبدالمنعم الطيب حسن | 11-15-14, 06:55 PM |
Re: في القطر؛ كانت لنا... ذكريات... | عبدالمنعم الطيب حسن | 11-16-14, 08:24 PM |
Re: في القطر؛ كانت لنا... ذكريات... | عبدالمنعم الطيب حسن | 11-17-14, 07:38 PM |
Re: في القطر؛ كانت لنا... ذكريات... | محمد الهادي | 11-18-14, 12:51 PM |
Re: في القطر؛ كانت لنا... ذكريات... | عادل البراري | 11-18-14, 01:25 PM |
Re: في القطر؛ كانت لنا... ذكريات... | عبدالمنعم الطيب حسن | 11-18-14, 08:44 PM |
Re: في القطر؛ كانت لنا... ذكريات... | عبدالمنعم الطيب حسن | 11-19-14, 06:26 AM |
Re: في القطر؛ كانت لنا... ذكريات... | عمر مصطفى مضوي | 11-19-14, 11:12 AM |
Re: في القطر؛ كانت لنا... ذكريات... | عبدالمنعم الطيب حسن | 11-19-14, 09:03 PM |
Re: في القطر؛ كانت لنا... ذكريات... | محمد الهادي | 11-19-14, 09:57 PM |
Re: في القطر؛ كانت لنا... ذكريات... | عبدالمنعم الطيب حسن | 11-20-14, 08:15 PM |
Re: في القطر؛ كانت لنا... ذكريات... | معاوية المدير | 11-20-14, 08:35 PM |
Re: في القطر؛ كانت لنا... ذكريات... | يوسف الطيب احمد إدريس | 11-20-14, 08:57 PM |
Re: في القطر؛ كانت لنا... ذكريات... | معاوية المدير | 11-20-14, 09:26 PM |
Re: في القطر؛ كانت لنا... ذكريات... | عبدالمنعم الطيب حسن | 11-22-14, 10:40 AM |
Re: في القطر؛ كانت لنا... ذكريات... | عبدالمنعم الطيب حسن | 11-22-14, 08:05 PM |
Re: في القطر؛ كانت لنا... ذكريات... | يوسف الطيب احمد إدريس | 11-23-14, 03:54 PM |
Re: في القطر؛ كانت لنا... ذكريات... | عبدالمنعم الطيب حسن | 11-25-14, 08:02 PM |
|
|
|