|
|
 Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي (Re: عمر الفاروق عبد الله الشيخ)
|
ول ابا عبد الكريم..حبابك يا صديقي
كتر خيرك على المرور والمطايبة..
الملحمة اول مرة اسمعها كاملة..ايام الثانوي العالي في طيبة الذكر تلو حجر الطير..اوتلو شرق كما كان يحلو للظربطية تسميتها ، تميزا لها عن تلو غرب (مدرسة كادقلي الثانوية بنات الحكومية)..وقتها كان عمي واحد من شباب اهلنا البعثين عليهم السلام..و اسمو الحركي كان الفحيل..وكنت بمرق من الداخلية وبقضي معاهو ليالي الخميس ، من باب التغيير وكده..ياخي الجماعة ديل وكت داك يتخيل لي عندهم عشرة بيوت..كل يوم خميس في بيت..وتجي الشلة ..طبعا الواحد كان فاكر الموضوع لمة اصحاب ساكت..لكن بعد زمن اكتشفت انو كان اجتماعات رسمية..اها كنت عندهم بقرا مجلة الدستور..وكتب ناس البعث الكتيرة ديك..ومن ضمن البهارات..الإستماع لأغاني كده عجيب خلاص..واهمها الملحمة..طبعا الواحد هسع بيتذكر الحاجات طشاش طشاش..لكن شوف عيني لمن الجماعة ديل يقوم منهم خمس انفار يشغلوا الملحمة ويستمعوا ليها باستغراق..بعد يومين تلقي الطلبة مفرنبين..مظاهرات وجوطة ما تديك الدرب..!!
وكنت من لحظتها..بتوقف في حكاية (كان القرشي شهيدنا الأول)..وبسال:هل كان الموضوع فيهو اكتر من شهيد ولا شنو ؟..وكانت اجابتهم بالطبع..لكن انت ركز مع القرشي..ولمن تكبر ح تفهم..واهو كبرنا وبرضك فهمنا..!!
حكاية التيراب/العقاب..اوكما قالت فصاحة اهلك هناك في البعيد..نحن يا صديقي..حابسين الدمعة بالصنقاع..لكن برضك عرفنا ليهم ختيلة صغنونة..لأنو الجماهير هنا مولودة في كندا الحديق..وشارع لإتجاه واحد..اها نحن لمن نقوم نخرم نلعن سيدنا السودان..الموضوع بيكون بالعربي..لأن هم بتاعين انجليزي والقصة ما بتقع ليهم..!!
لكن برضك عندهم اسئلتهم الخاصة..ودايما بنحكي ليهم الحاجات السمحة والفيها مفارقة طريفة..وبتجاوبوا معانا..لكن اول ما يمشوا مناسبة سودانية ..يمرقوا بانطباعات عجيبة ..لأنو اهلنا السودانيين زي ما عارفهم طوالي بيخذلونا..!
اها البنيات كل ما اقول ليهن ارح نمشى مناسبة سودانية يقولن ليك..ما ماشين..الصغيرة عمرها حداشر سنة..بقت تسبق الحوادث وتشبكني ليك اسئلة وانطباعات عجيبة..ليه انتو السودانيين لمن تجوا الحفلة ما قاعدين تستمعوا للفنان أو المتحدث؟..ليه انتو لمن تجوا الحفلة بتكونوا دايرين تتكلموا كلكم وفي لحظة واحدة وباصوات عالية؟..ليه انتو السودانين بتجوا متاخرين في الحفلة (حجوة الزمن السوداني العجيب)؟..وهكذا..!!
لكن المهم قدرنا باصرنا شوية عن طريق المزيكا..والبنيات عندهم غرام عجيب مع شرحبيل احمد والنور الجيلاني..وعبد الله البعيو..أي والله البعيو..وعندهم تبريرات مقنعة للغاية..شرحبيل لأنو المزيكا بتاعتو مختلفة عن باقي السودانيين..النور الجيلاني.. الإستايل..التواصل..ومعاني الكلمات..خصوصا ناس مسافر جوبا ، فيفيان ، ميري..البرنيطة..الشعر الراستا..اما البعيو..فهو عندهم اكتر فنان سوداني حسوا فيهو القدرة على التواصل مع الجمهور في الحفلة..وزول عندهم قاعد يطرب روحو قبال ما يفكر يطرب الجماهير..!
اما الملحمة..فياخي الحيكومة ذاتها مجلية بعض الشئ..باقي ليك العقاب يكون عامل شنو؟..
لينا الله ورقاد الحبل يا صديقي..
تحياتي لأم عاصم..والوليدات جملة..وقول ليها الهوايل راقدة متل الهم في القلب..بس الله يقدرنا على الصبر والمدارجة..
كبر
|
|
  
|
|
|
|
|
| العنوان |
الكاتب |
Date |
| لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلينا السنوسي..واخرين..!! | Kabar | 10-29-14, 10:07 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 10-29-14, 10:09 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 10-29-14, 10:22 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 10-29-14, 10:28 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 10-29-14, 10:29 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 10-29-14, 10:31 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | عبدالكريم الاحمر | 10-29-14, 11:54 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | dardiri satti | 10-30-14, 05:56 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | عبد العزيز محمد عمر | 10-30-14, 06:09 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Haytham Ghaly | 10-30-14, 06:16 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | عمر الفاروق عبد الله الشيخ | 10-30-14, 08:49 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 07:51 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 07:53 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 07:55 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 07:59 AM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 09:21 PM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 09:23 PM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 09:26 PM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 09:29 PM |
| Re: لملحمة:عن اكتشاف ذاكرة، عن دموع المدام من دموع الباشكاتب خليل اسماعيل ،امبلي | Kabar | 11-01-14, 09:32 PM |
|
| |
Kabar
فيس بوك
تويتر
انستقرام
يوتيوب
بنتيريست