Quote: البرنامج سمح بس علا يامختار الجزلي مابعرف يفلفل الضيف كويس ياخ لي طلب ـ في حلقات كده عملها مع واحد شايقي مشلَّخ (اختار اي وش يعجبك) اظنه طبيب بره السودان جيهة اوربا دي تقريبا ـ الحلقات دي دسمة ومليئة بالادب فلو عندك ياخ نزلها لينا وبنديك طمبور هدية.
يا عبد العزيز يا ود الفاضلاب الجميلة .. يا ناس غرب عطبره .. أزيك .. وأريت حالك زين .. بعدين كدى النسعلك إنت السنة دي ماك مدلي ..؟؟ بلهجة أهلك الشايقية .. وللا كيف ..؟؟ ... وشكراً مقدماً على الطمبور في الحقيقة يا فاضلابي عندى تسجيلات كثيرة من برامج الزمن الجميل ولكنها على أشرطة بتيماكس .. أيام شرايط الفيديو ، وتحتاج الى معالجة وبصارة يا أخي إنت زول جميل ، طالما بتسأل من كل ماهو جميل .. لك التحية ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة