|
|
 Re: صورة هاشم العطا (نسخة مراجعة) (Re: dardiri satti)
|
Quote:
982 مشاهد شكراً للقراءة. ولكن وبالنظر لكون الموضوع للآن غير مجمع على خطأه أو سلامته
فأتوقع مثلاً شكراً أو قوم لف أو انت فاضي أو أي حاجة. الاشتراك في المنابر هو في الأساس حوار
وتداخل ونحن نكتب كهواة لا تكسب من كتابة لأنه وبحمد الله الواحد عندو مهنة ولكن أصابعينو
بتاكلوا! |
لكن انت يا مصطفى ما صعبتها علينا شديد ..
منو الحيقدر يتكلم بعد سردك العجيب ده ؟؟
أنا أمبارح كتبت الكلام ده وكنت عايز أعمل ليه (أضف رد) لكن أحجمت في النهاية
وقلت مالي أقوم آخد 7/1 في الرمضان ده ...
ياريت تواصل مراجعاتك لرجال الصف التاني ... ونحن معاك قون - O - باك بس
--------------
المداخلة كما هي:
.. مصطفى .. يا سلام يا سلام .. يا
.
كم سيكون الحديث بعد هذا السرد "الاوريجنال"
صعبا على كل "مبيّتٍ" أو"محتالٍ" جينيريك ..
ذهبتُ إلى الكلام .. فلم أجده ..
.. فتذكرت فحمة "ياسين" على باب "حمّيد"
وهو يرسم لنا حضور "هاشم الأخدر"
راكضاً بشعلته إلى عتبات بيوتنا .. ولم يجدنا
-----------------------
جايي أغنِّيها وأقول:
طيبة ... زي قولة سلام
.. قالها تربالاً دغيش
لي مراكبيةً تجول ..
شالها كف الموج .. بشيش
لي بنياتاً بيردِنْ
تمّنْ أزيار السبيل
ومدّنْ إيدن كُورَه.. كُورَه
رشرشن قلب الشتول
أدّن الطيّانة دُورَه
وشويمن تالا المدارس
خدَّرن كل الفصول
................
طيبة جبّارة خواطر
وجنَّها الريح التطفِّر
.... للعصافير التكاجر
ما تعشعِش ... إلاَّ وين؟!!
... في الحراز اليومو ماطر
ولاَّ بين ... سمرة النخل
التقدِّم تالا باكر
وكت أكون صبحان مسافر
زادة ليّا معَ الزوادة
صنّة بسمعا في البنادر:
(ماب أقول لك ما تساهر ..
ساهر السهر البيفيد ..
ولاب أقول لك ... ما تظاهر
وإنت هسَّع كم شهيد؟!!..
.. ماب أوصِّيك .. وإنت شاعر
تبقى عشرة على القصيد ..
تدِّي يوم الليلي ... باكر
... أدّك الأطفال ... نشيد
إلاّ أقول لك: أوعى ... حاذر
أحذر أولاد الحرام ..
... المطاليق
الخوازيق ..
الضلام..
.. وأحذرالصنت قبالي)
....وقمتَ تمِّيتو الكلام
.................
داخلى فيِّ عديل ... وهيطة
..زي وهاطة النيل ....
.. وبرضو
... مارقي منِّي ... هديل مُوالف
زي ولِف تربال ... علَ- أرضو
... علّمتْ شفّع غناي
يبقوا آفة متين .. ويرضو
وناس سمح جَيبو ... ومجبّر
برّة داراتها... بيعرضو
... عرفتني على الفقارى
قالت: إخواني الكبار ..
.. المظاليم الحيارى
قلت: أخيّاني الصغار..
أمِّي قالت: أبوي مسافر..
.. بكرة نومتها بي مرارة
تصقع : (الحجر.. آ ... عمارة
أرفع الحجر ... آ ... عمارة!!)
ولمّا تاوقْ بالعِبارة
بي قدح مونتو وجسارتو
شفتو واقع من عمارة
القدح بي مونتو روّح
أمِّي ما لقت الجسارة
إلاّ وكتينّا الكبرنا
وأدّت البلد البشارة
ويا بلد ... جيت مبتليبها
جيت أغنّي .. المن عيونكن
...يبدا يومها ... وينتهيبها
التشيل الليل ... تذاكر
أو... تفاكر في حبيبها ..
.. ينقطع ضهر القصائد
عِنْ مريقتها ... من وشينا
حلّة .. قرية .. مدينة .. ميناء
تمشي فوق أترها ... الغناوي
.. الأناشيد .. التقاوي
بالمواويل .. والحكاوي ..
سكة الجوع .. الخرافة
وتنتحِن .. لَهَة المسافة
.. ينقطع ضهر القصائد
.. الأناشيد .. الغناوي
المواويل .. الحكاوي..
.. ينقطع ضهر المسافة
لمّا تقفرا .. بالمواكب
منصهر بالدم .. هُتــافـها
.. والمواكب.. ما بتجيبها
.. ينقطع ضهر المواكب
الأناشيد ... الغناوي
المواويل ... والحكاوي
... ينقطع ضهر الحبيبة
وما بتسيبها
جنّها وجن المهازل
--------- تتبرّج
من إذاعات هراءْ
وجرائد إمِّعة
والدواخل تتفرج
في طنين الرؤساء
اليكفّي العالم التابع
موتاً ودماراً وفناءْ
تكفت الرادي وتذيع
لا دواء
أيها المرضى ..
أيها الجوعى
لدى الزمن البُنُوكيِّ
العُتُّلي الذنيمْ
لا عليماً بك غيرنا
كصغار الشعراء
أنت تنتفخين برداً
أو شموساً محرقات
وعواء
أنت تمتلئين هذا العام
جوعاً أو خواء
أنتِ ترتعدين صيفاً
كبيوت الفقراء
أنتِ تحترقين
حتى أن يجئ
من يحيل النيل قسراً
نيلَ/ ماءْ
...........................
وينطلق ضهر القصائد
الأناشيد الغناوي
المواويل والحكاوي
بالحبيبة الخيرا زائد
ينطرح وجه الغلابة
يا إذاعات يا جرائد
والبلد فوق اللمليس
انطرح في خاطري باكر
وجيت أغنِّي لكم حبيبتي
إلاّ يا غبش:
العساكر نتَّفت عصب الكمنجة
وصادرت منِّي الدفاتر
دخلت فيِّ الطبنجة
فرَّ من رأس غلبي شاعر
وركَّ فوق كتفي الكلام
والعيون كانوا المحابر
هرَّبت شوقها الحرام
من شموساً في المقابر
من أسوداً في المقابر
لي بيوتاً في الظلام
هاشم الأخضر سلام
التحيات النواضر
نبدا بي مين الرسالة
ونبدا من وين يا رفيق
عازّة فوق قيف البداية
وإنت في آخر الطريق
وإحنا بيناتكم .. محاصر-
شوقنا بالريح والحريق
إحنا بيناتكم نصارع
زيّنا وزي الغريق
مرّة نمسك في المياه
مرّة في ضل الوطن
مرّة في عيدان حزينة
زنّتها الريح في البحر
فنّتها الريح من حراز
لما فطّاهو المطر
مرّة نمسك فينا آه
يا بحر مأساتنا ... آه
يا بحر مأساتنا ... فيض
يا بحر ... مأساتنا أوسع
أوسع ... أسّع ... ولاَّ ضيق؟؟
يا بحر بي غادي هاشم
هاشم التحراهو مين
هاشم الشكّعت فوقو
ريحك المزّع شراعو
موجك الصادربو شوقو
طوقو والزمن القضاهو
تالا هم باكر مسافر
ما رجف ساعة وداعو
هاشم السوِّيته فيهو
وسبتو يضرب بي كراعو
ما غرِق .. غرقت مراكبو
هاشم الأخضر ضراعو
ما يبِس ... يبست هدومو
ما حِرق .. شومش شعاعو
... وبقَّ كالحلم المصوبر
في الخواطر.... كوم أماني
... هاشم العشم المعتّق
في خوابي الجوف... أغاني
يا بحر ...تحراهو مين
يا بحر ...بي غادي زولاً
..... ماب ندلِّي الإيد بلاه
تلقا في إيد الرفاقة ...
..وإيدو بي جاي ....في الرسن
ماشي في خاطر الغلابة ...
البيفصح .... والرطن
...سار مقوِّنو الفتارى
وجايي ...
.... قاصدك يا وطن
... والجاء قاصدك كالزمن
.... ماب يصدنّو العواصف
لاب يهدّنو المحن ...
ويا محن ... هاشم ... قمحنا
...فأسنا ... كراسنا ... وقدحنا
هاشم ... المجروح جرحنا
هاشم ... الفرحان فرحنا
نلقى في زينّا ... وسمحنا
يوي ... وسي ... نغماً صَدَحنا
وفي تَرَحنا ... صَبُر مِلِحنا ...
... نلقى في كل المراتع
في المزارع ... والمصانع ..
.. إيديه راية ... وفجر فاقع
في المدارس ... والمسارح
في البيوت ... فِطْن الشوارع ..
.. في الكنائس ... والجوامع
نلقى في كل المواقع
في ناس بشوشة .. وزيتها طالع
هاشم .... القاصدنو نحنا
هاشم ... الأخدر ضراعو
ما وقع يا نيل في عينك؟!
وإنت مابيغباك شراعو
هاشمنا ... والسمحين معاهْ
هاشم .... التسلم خطاهْ
ويسلم الدرب الخِطَاهْ
هاشم .. الكم لله أدّا
والبَرَادَى تدور غطاهْ
وشن غطاها بلا غطاهْ
هاشم ... الحَسُن ... العطا
هاشم ... الحَسَّ ... وعطا
هاشم الصاح ... يا خطا
هاشم .... الحَسَّن ... عطا
سافر قبلنا وقلنا ليه
يا ماشي للوطن الوسيع
يا ماشي .. شان كم زول يجوا
يا جايي ... لي كم زول مشوا
يا ماشي .. فيك كم زول مشوا؟
ولمّا توصل بهناك .. رسِّل سريع
وبلِّغ سلامنا ... الشوق فظيع
سلِّم على .. المحجوب
... وجوزيف .. والشفيع
سلِّم على حلمك ... محمد والمسيح
سلِّم على نفسك .. يا هاشم ود جميع
سلِّم على نفسك . .. يا هاشم والجميع
... مَنْ فات يوقِّينا الخطر
مَنْ قولب الحر والصقيع ...
بيناتو ... شان يطلع مطر
.. أو يحضن العالم ربيع
الناس بترحل ... قولوا ليه
شان حقه يفضِّل ما يضيع
الناس بترحل كل يوم
والحق معاهو على العموم
الناس بترحل ومابتضيع
والحق بيفضل ومابيضيع
الحق حيرجع يا بلد
حقِّك حيرجع ليك وبيك
قوليها وإحنا معانا حق:
(... نتلاقى فوق قيف الفجر
بين التيقظ والهجيع ..
.....
الحق حيفضل.... وما بيضيع ...)
|
|
  
|
|
|
|
|
| العنوان |
الكاتب |
Date |
| صورة هاشم العطا (نسخة مراجعة) | mustafa mudathir | 07-18-14, 03:51 AM |
| Re: صورة هاشم العطا (نسخة مراجعة) | mustafa mudathir | 07-18-14, 01:38 PM |
| Re: صورة هاشم العطا (نسخة مراجعة) | سيف اليزل الماحي | 07-18-14, 02:13 PM |
| Re: صورة هاشم العطا (نسخة مراجعة) | محمد حيدر المشرف | 07-18-14, 06:36 PM |
| Re: صورة هاشم العطا (نسخة مراجعة) | فيصل محمد خليل | 07-18-14, 08:10 PM |
| Re: صورة هاشم العطا (نسخة مراجعة) | dardiri satti | 07-18-14, 08:47 PM |
| Re: صورة هاشم العطا (نسخة مراجعة) | dardiri satti | 07-18-14, 08:48 PM |
| Re: صورة هاشم العطا (نسخة مراجعة) | الصادق اسماعيل | 07-18-14, 09:53 PM |
| Re: صورة هاشم العطا (نسخة مراجعة) | Saber Abdelhadi | 07-18-14, 10:07 PM |
| Re: صورة هاشم العطا (نسخة مراجعة) | osama elkhawad | 07-19-14, 07:16 PM |
| Re: صورة هاشم العطا (نسخة مراجعة) | dardiri satti | 07-19-14, 09:05 PM |
| Re: صورة هاشم العطا (نسخة مراجعة) | mustafa mudathir | 07-22-14, 01:22 PM |
| Re: صورة هاشم العطا (نسخة مراجعة) | osama elkhawad | 07-22-14, 07:53 PM |
| Re: صورة هاشم العطا (نسخة مراجعة) | dardiri satti | 07-22-14, 10:31 PM |
| Re: صورة هاشم العطا (نسخة مراجعة) | osama elkhawad | 07-23-14, 01:46 AM |
| Re: صورة هاشم العطا (نسخة مراجعة) | dardiri satti | 07-23-14, 02:54 AM |
| Re: صورة هاشم العطا (نسخة مراجعة) | dardiri satti | 07-23-14, 02:54 AM |
| Re: صورة هاشم العطا (نسخة مراجعة) | osama elkhawad | 07-23-14, 05:25 AM |
| Re: صورة هاشم العطا (نسخة مراجعة) | عبدالله الشقليني | 07-23-14, 07:53 AM |
| Re: صورة هاشم العطا (نسخة مراجعة) | mustafa mudathir | 07-24-14, 04:21 AM |
| Re: صورة هاشم العطا (نسخة مراجعة) | mustafa mudathir | 07-27-14, 07:51 AM |
|
| |
Saber Abdelhadi
فيس بوك
تويتر
انستقرام
يوتيوب
بنتيريست