|
|
 Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... (Re: Magdi Is'hag)
|
رتبت في اليوم داك مقابله مع ناديه لوحدها .......................إستأذنت الوالده بضرورة مقابلتها لوحدها
جلست معها لمدة ثلاث ساعات. بطيئه مرات كثيره أوشكت أن أنهي المقابله فتقدا للأمل في حديثها
...الساعة الأولى كلها كانت صمت ودموع وردود مقتضبه من شاكلة
......مافي شئ بيتعمل ......
أنا أنتهيت...... أنا ما عندي مستقبل ....
ما عندي زول في الدنيا.....
ما في معنى من الكلام......
...بس خليني أموت.......المت بريحني من العذاب ده......
وبعد جهد جهيد....وإستعمالي كل وسائل التطمين وبناء جسور للثقه بدأت الحكي عن العذاب و ورحلة الألم كما وصفته
.... كانت تدرس في تانيه عام في مدرسه في نفس الحي الساكنين فيهو ....
مشوار المشي والرجوع من المدرسه كان أمتع شئ في خلال اليوم ...............حوالي 10 دقايق.بتمشيه هي وبنات جيرانها التلات في نص ساعه...................كميه من الضحك والنكت والتعليقات متزودين بي كميه من التسالي والنبق
في يوم
وقفهم شاب قال ليهم( لو تسمحوا) ..........لابس هدوم الثانوي العالي ...........ما بتعرفه كويس لكن ساكن معاهم في نفس الحي بيقابلوه في كل يوم جاي و ماش المدرسه في نفس مواعيدهم ...ما حصل بيناتهم كلام قبل كده.........سالهم وغير منتظر ردهم وسماحهم لهم بمخاطبتهم.....(ناس سنه أولى طلعوا)(عشان أختي بتقرأ معاكم)......ردوا رد سريع وهم ماشين......(أي طلعوا....)..لم يعطوه كثير إنتباه وواصلوا في مسيرتهم وضحكهم
بقى كل ما يصادفهم بيبتسم ليهم ويسلم عليهم...
أحيانا يردون بإبتسامه ومرات بكلمه
.........بعد كم إسبوع لمن قابلوه بدل اإبتسامه فوجئوا عندما أعترض مسارهم وبخجل واضح وقفهم وقال ليهم جبت ليكم معاي كتب ألغاز شايفكم بتقروها.....
.شلنا الكتب ورجعناها ليهو بعد كم يوم ........إستغربنا من سلوكه لكن كنا مبسوطين بي حكاية الكتب وأصبحنا نتوقع ظهوره في الشارع.......
وإستمر يجيب لينا الكتب والمجلات وبقينا لمن نلا قيهو نتكلم معاه عادي......
لمن يوم بعد شهرين كده......أداني مجله ولقيت فيها جواب كله كلام حب وقلوب مرسومه وبيقول فيهو............. أنه بيحبني....
رجفت شديد وخفت من الجواب ومن الكلام المكتوب.............لكن كنت سعيده شديده فرحت بي إنه في زول بيحبني...قلبى بقى يدق شديد........... ياربي
ده الحب القريت عنه وشفته في المسلسلات.....
كلمت صاحباتي فرحوا معاي شديد .....
وبقى ده سرنا الكبير.....وموضوعنا الأساسي في المدرسه وفي سكة المدرسه....بقى عادي لمن نلاقيهو يمشي معانا نتونس ونحكي وقريب من شارع بيوتنا بيفارقنا.........
إتبادلنا الكتب والمجلات .........والهدايا الصغيره أقلام وسلسة مفاتيح............الجوابات كتبنا لي بعض كلمات من الأغاني وكنا سعيدين بي شكل علاقتنا .......
..مره كتب لي قصيده.....قصيده عني أنا...حفظتها وبقيت أردده كل يوم................ فيها (ناديه يا أسطوره ..يانسمه عمت أنحاء المعموره....)
...ما حصل تقابلنا لوحدنا.......... وكلها مشيهو معانا في سكة المدرسه وصاحباتي معانا ....
.عايشين معاي كل البرنامج بيقروا معاي الجوابات وبيساعدوني نكتب الردود ...............................وإستمرينا على الحاله دي حوالي تلاته شهور...........................
|
|
 
|
|
|
|
|
| العنوان |
الكاتب |
Date |
| ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-17-14, 09:49 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-17-14, 09:56 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-17-14, 09:59 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-17-14, 10:12 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-17-14, 11:04 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-18-14, 09:30 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | باسط المكي | 07-18-14, 09:56 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-18-14, 10:14 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-19-14, 10:15 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-20-14, 09:11 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | عمر سعد | 07-21-14, 12:43 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-21-14, 10:26 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-21-14, 10:37 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-22-14, 09:22 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-22-14, 11:35 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-23-14, 09:17 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-23-14, 09:28 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-23-14, 09:35 PM |
| Re: ...قلوب لم تعرف الفرح..دموع وجراح قاومت الزمن ...فتغلغلت في ذاكرة عيادة نفسيه.... | Magdi Is'hag | 07-23-14, 09:41 PM |
|
| |
فيس بوك
تويتر
انستقرام
يوتيوب
بنتيريست