يسعدني مشاركتم في هذا الموقع الجميل ... وبما انني متابع ومهتم بشعر الهمباته ووثقت الكثير منه من خالي "محمد ود كرنكه من ديم القراي شمال مدينة شندي" الذي عاصر طه الضرير واشترك معه في كثير من صولاته وجولاته وله قصص ساوردها قريبا انشاء الله. وفي مجلة النافذة الالكترونية http://al-nafitha.com/vb/ التي اسستها مع مجموعة من الأصدقاء عام 1994 في كندا اهتمت المجلة بشعر الهمباته بل جددت شعرهم وشجعت هذا النمط الخاص من الشعر ...فنشا جيل جديد من همباتة السايبر اسبيس"Hambata on line" وجاروا شعراء الهمباته المعروفين... وخصوصية هذا الجيل الجديد من الهمباته الذين يكتبون في النافذه انهم يعيشون في المهجر لكنهم يجارون تاريخ المسادير والمجادعات الشعرية وكأنهم في داخل السودان او في ارض البطانه ... ولتوثيق اشعارهم:
ابدأ بالشاعر الهباني.
والهباني هو اسمه الحركي وساوضح اسمه الحقيقي لاحقا بعد سماحه لي بذلك واسم جمله "اب عرضين"... كتب الهباني لحبيبته السودانيه والتي تسكن ولاية فرجينيا الأمريكيه واسمها الحركي "اسمايل" وكان وقتها يعيش في مدينة مكه بالسعودية العربية فقال:-
حجبوك ولا مالك يا الحنينه قسيتى ؟ إبقـا غنـج بـنـات ولا روقـتـى حليـتـى كلما أخش أقول ألقاكـى لـى هليتـى ألقـا سحابـه حاجبـاك ولا مـا طليـتـى *** وحاتك يا الحنينه حرفى منـى إتفلـت قـال دايـر مُحيـك يـا أم مسيرتـاً تـلـت شعرى الكان مطاوعنى وبقولبو متلت أصبـح ساهـى فراجـى وزنتـو إختلـت **** زعلـك قـاسـى مــا بـقـدر عليـهـو بــراى وفر بسماكى برق الفى السِماك دوداى عينى عليـك تهتِـف قاطعـه لـى الوكـاى نويحـى عليـك طبيعـى مغـلِـب الـهـداى *** مــا عـــاش الـبـزعِـل مـلـكـة التكـرنـجـه وليكى على تجازينى وتذيـدى السِنجـه زيك مافى وكتيـن عومتـى جـوه الكِنجـه بهدلتـى البنـات يــا بنـيـه تـيـه والغنـجـه *** زولــك ليـهـو كــم يـــوم لا أكـــل لا نـــام وكل ما يـوم بشـوف لسـه الغريـق قِـدام لـهـجــك مـنــقــه حـلـقـانــك 8 جـــــرام مـا وصلـن كَـتِـف ديـسـك نــزل مــا قــام *** لومك لى يميـن يـا الراقيـه ديمـه أفخربـو وأخبربـو الجميـع ناسـنـا البُـعـاد والقِـربـو حُمـتـه الدنـيـا جــت الإنقـلـيـز والـصِـربـو معدوم زيـك أأ السمحـه أم حروفـاً طِربـو فرد عليه كاتب هذه السطور وقال الهمباته انحنا نركب وفي سروجنا علامه ولـي الوكـر الصعيـب ندخـل نهـار هدامـه ويا الهبانـي لـو عصيـت عليـك ام شامـه بكـره نجيبـه ليـك لـو احتمـت بـي اوبامـا ** اب عرضيـن دخـل ميـدانـه فــي التحـريـر الـقــاد الـجـمـال فـــي مـوكــب التـغـيـيـر وكــت يـرحــل مـبــارك وشـلــة التـدمـيـر فرد الهباني بهذه الابيات:- الرايقه أم رشوم يا شيخنا واجب إكرامه دايرين عافيته وشايقنـى حالـى كلامـه مفـدوعـه ومضـمـره مـافــى زولاً لامـــه تمشى القيد حرن والخطوه فى كجامه
ردت عليه حبيبته بهذه الابيات:- يا هبانى ما قاصدة البعاد يالغالى لكن ظرفى قاسى وكلو من اشغالى بقيت ناسياها روحى وما قطعتا وصالى تعيش هبانى انت واشكى ليك احوالى *** دايما سائل عنى مابتقصرو ما بتغيب زى النسمه هابه علينا مسك وطيب يالا تعالا عاود تانى ابقى قريب باقة ورد حب وشوق تجيك وتصيب =======================
فى ضل النيم قعدته ولى البريد مستنى راجى ظهورو لى شوفتو القليب متمنى مــراتــاً أدوبـــــى ومـــــره أشــاشـــى وأغــنـــى بدور بدرك يهِل بى عيد ميلادك أهنـى *** رسالـتـك جــات بـعـد مـــا شـقـشـق الـبـيـاح وأصـبـح شـوقـه فــى داخــل الـبــدن نـتــاح يــا شـيـخـى أبـشـنـب يـــا جـمـلـة الـصُــلاح تجمعـو شمـلـى بالجاهـلـه أم عبـيـراً فــاح *** فى ضل النيم قعدته ولى البريد مستنى راجى ظهورو لى شوفتو القليب متمنى مــراتــاً أدوبـــــى ومـــــره أشــاشـــى وأغــنـــى بدور بدرك يهِل بى عيد ميلادك أهنـى *** رسالـتـك جــات بـعـد مـــا شـقـشـق الـبـيـاح وأصـبـح شـوقـه فــى داخــل الـبــدن نـتــاح يــا شـيـخـى أبـشـنـب يـــا جـمـلـة الـصُــلاح تجمعـو شمـلـى بالجاهـلـه أم عبـيـراً فــاح ====== تمت هذه المجادعة بين الشاعر هباني وكاتب البوست المكنى ب "جيلاني"
سمعته كلامه ما بحتاج نعقِـب نشـرح واضح قوله سود عينيها سهمها بجـرح بكره الجمعه بى هيبـة لُقاهـا بنفـرح بنسمع قوله نجمع لى حِسابنـا ونطـرح *** علي الجرح القديم فتقة الجديد اتقرح عقب دايرنا يا الهباني نجمع ونطرح بحسب جنى اب عرضين وبهمك سرح؟ وبحسب للنسب قبل الدكاكر تردح *** وان فرق الحساب أصل المحبه فـروق بتفرق دا وتَجمـع داك وتانـى تـروق على المُهره المحفله بى الفهـم والـزوق بكره بخت على الاماتو شارفـات فـوق *** ان فرق الحساب جبر الكسر ملحوق شهود حساب علي بيناتنا ما بو الشوق وكان ورروروك معاك ايد الرجال بتحوق كمان جيش الزبير لو الكلام رندوق *** بجيها عَصر قبل شيخ العرب ما يخُـت على أبسدراً وسيع مخلوفتـو تبلـع زُت بجيب فزعاً رجال فى الحاره تبلع سُـت دونك ما بَصُد لو كان حييـت أو مُـت *** الكركون بتسمع صوت سلاحن روت علي رسن اب سدر وكتين مهيره تخت دموع الغربه في سهر الليالي تلوت هناك يا الهباني بنشوف الرجال بتنوط *** نجلس نرتشف كاسات غرامـك بِكـرى نتجـازب حديسنـا نرتبـو وتفتكـرى قانون الغرام وفصولو كات من فِكـرى حاشية متنو شرحها ليك انتى أحتكـرى *** البكري هيلي وهيل جناي البكري ما داير شرح خلو السيوف التكري انا يا مهيره لو دهب المعز في حكري محال انساكي او صورتك تقادر فكري *** بنودو صريحه يا شيخنا بتصُب فى ريدنا ندرس منو مـن تبينـا مربـوط قيدنـا بى سلسل غرام الجاهله نـاوى يزيدنـا عشة ريد وفرحة عيـد نربـى وليدنـا *** ما قايل السيوف تنسل بكره بنجلس القاضى ان حضـر بفتينـا وبسمع حُجـة البينـه البيـردو علينـا واسع صدرو شيخنا وفيهو مـا بلاوينـا واكـان قلتـه لا ماكـان قبيـل تدينـا ***
============== بعد غياب طال كتب هباني من المدينة المنوره الي اسمايل في فرجينيا بالولايات المتحدة الامريكية ---------------------------------------- ناديناك وبناديكى لما الدنيا تصبح فانيه يا زينة البنات روضه وقطوفك دانيه اتواكلنا اللحم فى كل دقيقه وثانيه نتوقع حضورك وتظل مكانتك خاليه *** غيابك مننا أتعبنا كسر الخاطر وأتقسا الحرف جفت حلوق وحناجر اندلق المداد جفت وراهو محابر عشان الرجعه بالروح العزيزه نخاطر *** عشمنا تعودى تملى النافذه حب وحنان وتقبلى اعتزارنا تسامحى لى الغلطان ما بنسمح تغادرى النافذه مهما كان أرجعى نور تنورى تهدى لى العميان *** سحابه تعدى والمُصران بشاكل أخوهو كيف نرضا الخِلاف بين الولد وأبوهو هيلكم تظهروا الُود والخلاف أخفوهو وحدوا صفكم راجعوا الغلط صفوهو *** فراقك ما بنطيقو جمُر تحتنا مولع نحن نعمر النافذه ونصين ما نشلع نحتوى لى الخلاف لى فتوقو ما بنوسع نرجع من خطانا ولى بناتنا ندلع *** شن قولكم جميع وافقو الكلام ما نلوك وان حصل الخلاف موجود أبونا وأبوك هداك شيخ العرب داخرنو لى المربوك رأيو سديد مطرز بالحكم محبوك =============== كتب هذه القصيده احد شعراء النافذة المخضرمين شقيقي "كرنكه" صاحب القصيدة المشهوره بين طه الضرير و ود ضحوية علي الاب توب والذي قابل الشاعر هباني في مكه اثناء الحج يا هلا بالهبـــاني أمس بالليل تكلمت مع الهباني هاتفياً... وبشرني بالعودة القريبة... وبارك الله في الإبن أمنَّا الذي أعطانا الخيط ... وقد عرفت من الهباني أنه لم يطلع على ما كان على صفحات النافذة في الفترة التي أتى عليها المسح في معركة الهكر.... وأستميحكم عذراً في أن أكرر بعض ما كتبته للهباني ولكن تم مسحه أثناء المعركة: يا الهباني عووووووك غيبتك طالت وصَبُرنا قلَّ بالحيل..... سمعنا أنك شَرَقْتَ للقضارف ولأماكن أخرى .... وإن شاء الله عافية.... وإليك هذه الأبيات مع تحيات النافذاب
*****
البَرِقْ الشَّلَعْ قِبْلي وسَلامو رُطَانَة جَابْ أخبار حبيب في قلوبنا ليهو مَكانة في السَكَنَابْ وفي القهوة الرَبَطْ دُخَّانَا غَطَسْ هباني... قال.. إن شالله بَس يَطْرَانا **** زُولْكُمْ تَاهْ خَلاص عَجَبُو الهَوِيدْ والصَّيْ ورُوحُو إتْلَبْكَتْ فُوق الخَدَارْ والفَيّْ عَجَبَنْو البُكَارْ نَاحْلاتْ ضَمِيرهِن حَيّ مَعِيزْ دِكَّةِ الكُجَرْ البِطُبْقُو الكَيّ *** قُتْلُو دَبَايِوَا يَا بَرْقْ العِشا البِتْكَافَتْ وما تَنْغَشَّ عَينْ فِي زُولنا مَهْمَا شَافَتْ هُو قَلْبُو رَهِيفْ صَحِيحْ لاكِنو مِا بِتْهَافَتْ وما بِنْسَانَا هباني السِنِينْ إنْ طَافِتْ *** أرْجَعْ يَا بَرِق بِسَلامْنا للأرْبَابْ وقُول ليهو الشِعِرْ حَرْدَانْ وقَافْلْ الباب نَواحِي النَّافذة صَيّ بَعْدَكْ قَفَرْ ويَبَابْ والكَعْ يا الاصِمْ ما تَقْطَعْ النافذاب *** قُول ليهو العَربْ رَاجْياكْ وطَالْ مَحْرَاها وبَارْكَاتْ الجُمَالْ عِافَتْ عَلُوقََا وَرَاهَا قَافْيَاتْ الشِعِرْ الكَانْ زَمَانْ بِبْرَاها حَرَنَنْ تَبْ وبَعْدَك مَافِي زول جَرَّاها ======== كتب شعراء النافذة في حسناء وسموها الجاهله كتب هباني ورد عليه جيلاني بهذه الابيات --------------------------------------------
دربك ماشي وين واحشني فوقك ديه يا الكاسينا بي الابداع وبي الأخلاق وحسن النيه نار كورسيك مسخنه في النوافذ حيه كيف تنساه لو بشار جلالة قدره جاكه عشيه -- وينك يا اب حجل يا اب طلتاً عفويه ليك عشرتنا هانت وتبعته رطانيه فارس دار جعل ما فوقك المحريه!! تنسى منابع التاريخ ودق التور وقصة ريه -- تنسى المك نمر تنسى السيوف مسقيه اهو عيون ناس سلام زيك تجيبون ميه وهاكم مني قول يا معشر الشكريه والكاينه التكون باقي العمر عاريه -- قمت براي عصر قاصد مرادي بنيه بركت اب سدر عن بابه في القطيه جات بالفركه لافحه القرمصيص متنيه ذي ورتابه قامت من قصيبتاً نيه -- دخلنا الليل سوى والريله حنت ليه ما جادت كتير دست شعوره الحيه يا جنات سلام عنبك لمس ايديه سهر الليل معاك والله شايفه شويه -- بي شمس الصباح هدر اب سدر بكريه عقلي الطار سلام ملكة سبا الحبشيه نسيت القبله وين وتلالك الشرقيه والشئ العجيب ايضا نسيته وضويه ======== الـجـرح المـغـور فتـقـو دلـكـو جليـسـك شعـا ونخجلـت جبنباتـو سببـو حديسـك قدر ما نقول ننـم قـط مـا بنقـرب ميسـك سلطـان الغـرام انـت ان لعنتـه ابليـسـك *** كيـف واركتـه نظراتـه وسهـام عينيهـا؟ وهـل وريتـه بالسـر الكتمـتـو عليـهـا ؟ بسال ياخى مـا حاسديـن وحـات خديهـا بركـه الشفتـهـا وجــددت عـهـدك بيـهـا *** حسـاب جـاب خبـر داسنـو مـن الـبـارح قـال وصلـت دبـى سـت اللحـاظ الجـارح قال ضابط المطار واقف مسهى وسـارح قال جـلا الالـه خالـق الاراضـى وطـارح *** مبسوط شيخنا أصبح من صباح عسوله ترد الـروح تغريـد وفـى الكـلام ممهولـه تنقاد النفـوس لـى الرايقـه تسمـع قولـه جيـداً جيتـى واقفيـن والـزمـل محمـولـه *** أبعرضيـن ايـوح دلاعتـو وصلـت خُـفـو كضـم الجِـره اتواكـل وانـش بـى عُرفـو قدر مـا شافلـو تبـاب فوقـه كاتـل ظرفـو طــارى مـكـارم الــزول البحـيـر ظُـرفـو *** راخيـلـو الـرسـن دومـاتـو مـنـو تــرش جاهـا مخـوى لحـاق لـى بلومـة الـعـش مفاسح كوعو من سدرو ومحاجمو تبش خبر شيخ العرب وكتين سمع بو طـرش *** طارى قبيل وكت كان فى الظعينه بشيله اقـدل بيهـا بشويـش مـا بـخـب راتيـلـه شبيهـة التوتلـت شـوش عنـالـو نتيـلـه تستاهـل اقــوم شـيـخ الـعـرب امشيـلـه *** أبعرضيـن كفـاك وصـف البنيـه عرفـتـو ونم شيخ العرب فـى الرايقـه مـا حققتـو جميله وحشمه من النم عرفتـه وصفتـو لحاظ عينيها يجرح بالوصف مـا شفتـو *** أمــس المغـيـرب بـعـد الـنـوافـل زُرنـــا خيـر النـاس شفيـع الأمـه يمحـا وزرنـا اجنبنـا المصايـب وتنجمـع بــو أسـرنـا ننسا خلافنا ويصبح ديمه ضـاوى بدُرَنـا *** قدرو جهدو شيخ جيلانـى عينـو عليهـو نشاركوالفرحه والزول الشليـق نهديهـو شايـل همنـا وشـوق الـدُغـس عينيـهـو يـا سـنـارك اتـوصـا ان سِـهـر لوليـهـو
وسنواصل
مداخلات مع الهمباتى جيلاني والهمباتي بوكو ملامح والزبير باشا سواح والهمباتية عسوله وساره ------------------------------------- يـــا بـوكــو شـكــرا فـــي زيــارتــك لـيـنــا يـا البـكـاي عرفـتـك مــا قـصـدت الشيـنـه الـحـال بعجـبـك وكـــت انـشـطـب طـاريـنـا الجاتنا فوق البوست اكيد عافتنا واتعافينا قبال شاكوش الزبير من ساره يبقى علينا حــال الدنـيـا تـرفــع وبـكــره تـقــدر بـيـنـا مـع سـواح بقيـت فــي الخـنـدق انضميـنـا رجـال القاعـده الهمباتـه لا كلينـا لا ملينـا والمسدار ما بقيـف ارض البطانـه حنينـه احلـى عيـون هنـاك تكـتـل بــدون سكيـنـه ليها حفايا نمشي نرمي سيوفنا بين ايدينـا سـنـارك انتـظـر مــا لـسـا بـــدري علـيـنـا والايـــام دول مـــا بـيــن جمـيـلـه وشـيـنـا لـوسـواح فـهـم قـصــد الـعـسـل خاصـيـنـا لي ملامح يقول .!!!!!! بـي نسبـك اتعزينـا واحـسـن يستقـيـل قـبـال يـجــي يواسـيـنـا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة