يا جماعة ، مريم كانت أبرار ... لكن دا ما المهم ، و من هنا نبدأ

Quote: 1- انت بتقول ان كلمة ( محايدة ) دي يمكن التلاعب بها طيب و ماذا عن العلمانية ؟ ليه بتشرحها لو كانت واضحة و لا تحمل اكثر من تفسير؟ و هنا نسألك مرة اخرى لماذا تلجأ الى شرح مطول لكلمة العلمانية كاعتراف منك بان مجرد ورود المصطلح ليس كافيا بينما لا تعير اهتماماً للشرح المختصر في جملة واحدة لمصطلح الدولة المحايدة ( تجاه قيم و حقوق مواطنيها)؟ 2- قلت العلمانية معناها فصل المؤسسات الدينية عن مؤسسات الدولة. حتقول شنو لو جاء عمر البشير و قال ليك الان هذه المؤسسات مفصولة عن بعض و قال ليك هل سمعت بوزارة اسمها و زارة الشؤون الدينية و الطاقة؟ او وزارة الأوقاف و الاتصالات؟ او هيئة الإفتاء و المواصلات ؟ 3- حتقول شنو لو جاك واحد علماني ملتزم جداً وقال ليك لازم نمنع الحجاب في المؤسسات العامة في السودان ( زي فرنسا و تركيا) بحجة انه بيخالف العلمانية ، علماً بان الطرحة و التوب السوداني يصنف حجاب 4- حتقول شنو لو جا واحد و قال ليك وفقاً للعلمانية لازم نمنع تعدد الزوجات بالقانون و ليس بالتوعية ؟ 5- انت قلت اذا لم تكن الدولة علمانية فهي بالضرورة دينية، عليه ، هل تعتقد ان الحزب الشيوعي -الذي لا يستخدم كلمة العلمانية في منشوراته الرسمية - سوف يقيم دولة دينية اذا استلم الحكم في السودان؟ اذا جاوبت بنعم فسوف أقول لك مرة اخرى انك سطحي و اذا جاوبت بلا فسوف أقول لك انك تناقض منطقك و حجتك 6- هل قرأت عن تعريف مصطلح العلمانية في اول ظهور للمصطلح ؟ هل مر بك ان التعريف يقول ان هدف العلمانية هو ازاحة الدين عن حياة الناس؟