أمريكا تضيّق خناق العقوبات علي النظام بملاحقة البنوك و الشركات الأوربية بغرامات باهظة لخرقها الحظر

Quote: أسمع الآذان خمس مرات في اليوم حتى و لو لم أصلى ... و دى نعمة ما ممكن أبدلها حتى لو بقيت رئيس أمريكا ... تانى شى خلينا نبعد زى ما قلت من الشخصنة ... و من كلامك يبدو إنك من واحد من الأقاليم التلاتة المذكورة يعنى دارفور و جبال النوبة و النيل الأزرق و دى البتسميها إنت و الأرزقية بتاعين الأسافير الهامش و دا طبعاً كلام لا أساس له من الصحة أبداً أبداً ..... لأنها كلها فيها من الخيرات الكتيرة اللى ما ممكن تخلى سكانها يجوعوا أو يعطشوا .... أراضى خصبة و أمطار متوفرة و سعية كتيرة ما شاء الله من جميع أنواع الأنعام .. يعنى المواطن فيها يملك قوتو بى نفسو .... و أنا من مواطني شــرق الجزيرة ما عندى أرض زراعية لا على النيل لا بلدات ... و زيى كتيييييييييييير جداً ... كمان ما عندنا سعية و لا جدادة واحدة في بيتنا ما في .... مشيت اشتغلت في الخرطوم عشان أعيش الأســرة .... المعاناة بقت تزيد و تزيد من زمن النميرى الله يرحمو لغاية زمن الصادق ... هاجرت من البلد شهر 2 سنة 89 و ما أزال أجر الكارو و الحمل العليها لغاية الآن .... مضافاً إليه أسرتى الصغيرة و رغم كل الحمل التقيل دا ما أزال أعرف انو رزقى و رزق من أعول هو من الله و لا دخل لحاكم أو حكومة به مهما كانت عادلة أو ظالمة .... و زيى كتيييييييييييييير ..... ما تسميه إنت ناس الهامش اليوم هم أغنى أهل السودان و لو داير تعدهم بالقبيلة بعدهم ليك أو بالأفراد بعدهم ليك ... الليلة الفاشر و كادقلى و نيالا و الجنينة بالنسبة لرفاعة بلدى أنا ... زى لندن للخرطوم بنايات و شوارع و مستشفيات و مدارس و أسواق .... أقول ليك كمان بدون مبالغة معسكرات النازحين أحسن من رفاعة ... و رفاعة طبعا هي عاصمة البطانة ..