|
Re: اخر المنتجات المذهلة ،،للاستغناء عن الاكل تماما،،صحة تامة،،ورخصة. (Re: عبدالعزيز عثمان)
|
عبدالعزيز عثمان سلام، الناس ديلك بتاعين شهرة ونحنا بتاعين غتاتات بس، أي حاجة يعملوها يوصولوها السي إن إن قبل ما يطلعوها للجيران، عشان كده أي حاجة تظهر عندهم بنشوفا جديدة لنج. هسي الكسرة بالموية بتاعتنا دي هينة؟ تركيبة خطيرة، ودايرة مهارات في المقادير و الخمج، ووجبة غذائية تحتوي على كل الفيتامينات، يعني مثلا ناسنا يجهزو الآتي بكميات كبيرة: كسرة (خميرة أو فطيرة) من مختلف أنواع العيوش، ماء، ملح ، شمار، طماطم، ليمون،شطة، عجور،فلفل أخضر، جزر، فجل، دكوة، بصل أخضر، بنجر. وبقانون الإحتمالات (5 مكونات لكل خلطة) يقدروا يطلعوا عشرات الخلطات والمذاقات للكسرة بالموية. وبعدين يشروها في السرير يويمين بلياليهن لمن تنشف تب و يعبوها في علب ويبيعوها في السوق العالمي تحت مسمى عالمي ملفت للانظار، و بواسطة فقهاء الاغذية، يمكن استخراج فوائد لها أكثر من فوائد الأندومي والهوت دوغ! ههههههههههه تحياتي وتقديري
|
|
|
|
|
|