أدعم قوات المارينز السودانية "الدعم السريع" للحفاظ على الأمن والسلم في الوطن

Quote: قوات الدعم السريع قوات حكومية 100% وتتحرك وفق قواعد ولوائح القوات النظامية كون فيها نفر أساء للزي والمهنة لا يتعدى كون حالة فردية يسأل عنها ويعاقب فاعلها وهذا يسري على كل القوات النظامية في العالم حال حدوث انفراطات فردية وقد تم معالجة الأمر داخلياً في قيادة قوات الدعم السريع استجابة لطلب الوالي الذي ليس له أي سلطات على تحرك وتمركز القوات النظامية انتهى

مش يا هو دا حميدتي قاعد في مكتب، هو دا جيش ولا تجارة

الفلم دا شغّال من ليه أكتر من عشرة سنين، يا دوبك عرفتهن وحميدتي زمان لمن ما أدوهو قروشو اتمرد وجنن ناس الحكومة جن، وبعد داك جاتو المقاولة بتاعة أفريقيا الوسطين وكان ما عارف أعرف، السبب الخلى المذابح تحصل ضد المسلمين هناك هو حميدتي ومرتزقته، لأنه هم الكانوا القوام الأساسي بتاع مليشيات السليكا، وبدوا يكتلوا المسيحيين، وبعد ما الرئيس استقال شردوا جو السودان وخلوا المسلمين هناك قاعدين في النقعة للمليشيات المسيحية.

عشان كدا يا فرانكلي خليك في المنايتك دي، وحميدتي عرف كويس إنه "كاودا" دي ما بيخشها لو انطبقت السما على الأرضن وناس الحكومة ابو يدوهو القروش بتاعته، وهو هسع خلاص تاني جنوب كردفان دي لو كتبوها ليهو روشتة ما يخشها.


الجيش فرتكوهو وجابو حميدتي عشان يصلوا العيد قبل سنتين في كاودا، هسع لا بقى في جيش لا بقي في حميدتي، عشان كدا قالوا يتموا الباقي (إعلام) ساكت.

وزولك يا هوندا محكر في الخرطوم، وقال نضفنا دارفور وكردفان.

طبعاً إنت داير تغش نفسك، اسمع الكلام دا وصدقوا

ويا هو ديك الحركة الشعبية قاعدة في كاودا، خلي حميدتي دا وقوات دعمه السريع دي يجوا معتبين بهناك ساكت.

ويا هوندا كلامه لمن سالوهو عن "كاودا"

Quote: وبالنسبة لكاودا؟ - كاودا ما مشينا عليها شغلتنا الجبال الغربية فقط. * والحديث عن إنكم بالقرب من كاودا؟ - ده كلام ساي كما قلت لك مهمتنا الجبال الغربية والمسافة بينها وكاودا كبيرة جدا قدامنا الأبيض أو الحدود وما حبينا ندخله.

يعني كلامك البتجوا تقولوه دا بلسان حميدتي ذات نفسه قال إنه (كلام ساي)

جاي هسع تغش منو يا فرانكلي، تغش نفسك ولا تغش القراء؟


خليهو قاعد في خرطومو دي لحدي ما يدوهو قروشو، وكان ما ادوهو قروشو، حيرجع زي ما عمل في سنة 2003 ويتمرد تاني ويلحق (موسى هلال)، وبرضه في مرتزقة كتار حيقوموا بنفس الدور.


قوات الدعم السريع والجيش واي قوات تانية مقبرتا "كاودا" البشير عارف ومحمد عطا عارف وحميدتي عارف

البقنع لينا كمال فرانكلي بتاع ألمانيا دا شنو؟