|
Re: شوف لينا القروش دى مشت وين ياوالى الجزيرة الجديد !!!! (Re: Jamal Mustafa)
|
سيدي المحترم كباشي... اسمح لي هذه المرة ان اخالفك... عن نفسي فوالله لقد التصقت بالمشروع دون السابعة... اتيرب خلف سلوكة ابي... ثم يافعا خلف جرايته وصبيا سمح بملودي ثم استوي عودي وانا ممسكا بكدنكتي وشابا ازرع مع ابي طماطمه وجزره وبنجره وفلفليته عدا عن قطن وذرة وقمح ولقد كان والله ياتي لحقلنا الخبراء مندهشين من روعة المشهد اقسم بالله كان ابي وسط المشروع في تجاربه يزينها بالبنفسج وعباد الشمس ثم بعد ذلك صرت موظفا بغيط مشروع الجزيرة اعرفه مكتبا وتفتشيا وترعا ونمرا حتي اذ انا في غربتي هذي الطويلة اما خارج الوطن او مزارعا بارضي.... نعم بيعت البيوت واليات الهندسة الزراعية السكك الحديدية والفبارك خرب نظام الري والادارة والبحوث لكن بقيت الارض وهي كانت المستهدفة وبقي الانسان بتراكم خبراته تعرف ياكباشي عندنا اتنين مليون ومائة خمسون الف فدان وتاني تلتمية الف فدان مرتاحة وسنعيد صياغة كل ذلك هاهي الارض،،،والماء ليس بعيد نصلح الري والادارة نعيد الابحاث والبحوث ويجي عيالنا الذين كسبو العلم والتجربه ونبنيه تاني باروع مايكون هو اصلو اول كان ارض وفكرة هسع ارض وفكرة وخرطة وتجربة ياكباشي نعم ستقوم الجزيرة ويقع اللصوص الكذبة ويذهب الذبد جفاء ويمكث في الارض ماينفع ..
|
|
|
|
|
|
|
العنوان |
الكاتب |
Date |
شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 07:49 AM |
Re: شوف لينا القروش دى مشت وين ياوالى الجزيرة الجديد !!!! | عبدالعزيز عثمان | 05-05-14, 08:12 AM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 08:39 AM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 10:34 AM |
Re: شوف لينا القروش دى مشت وين ياوالى الجزيرة الجديد !!!! | cantona_1 | 05-05-14, 10:54 AM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 11:27 AM |
Re: شوف لينا القروش دى مشت وين ياوالى الجزيرة الجديد !!!! | عبدالعزيز عثمان | 05-05-14, 11:56 AM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 01:24 PM |
Re: شوف لينا القروش دى مشت وين ياوالى الجزيرة الجديد !!!! | Siddig Elghali | 05-05-14, 01:30 PM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-05-14, 02:08 PM |
Re: شوف لينا القروش دى مشت وين ياوالى الجزيرة الجديد !!!! | cantona_1 | 05-05-14, 02:52 PM |
Re: شوف لينا القروش دى مشت وين ياوالى الجزيرة الجديد !!!! | Jamal Mustafa | 05-07-14, 09:31 AM |
|
|
|