فك الارتباط بين الشيوعيه و الشيوعيين في السودان !!

Quote: - اها لو جينا بانتخابات - بعيد عنك و اضغاث احلام و كده - الان اكيد لن نفعل اى شئ غير الاحتكام لاصوات الشعب , قد نختار عناصر ضعيفة , قد تحدث تجاوزات او فساد هنا و هناك , لن تكون القاعدة بل الاستثناء لكنها قد تحدث و حدثت في بعض المواقع في السنوات الفاتت. الكلام ده مهم لازالة الصورة الملائكية عند بعض الشيوعيين و بعض الناس القراب منهم عن روحهم . انا ذاتى شفت و عاشرت و صادقت ناس من اجمل و انبل البشر في سياق انتمائي للحزب الشيوعى , بعضهم هجر الحزب و السياسة نهائي , لكنهم ظلو جميلين و نبلاء و لا زالو اصدقائي , و شفت و عايشت ناس الفرق بينهم و الكيزان فرق الانتماء او التسمية بس, ديل كانو استثناء و اقلية و بتكشفهم المحكات و زنقات الدنيا و غالبآ بتخارجو , العاوز اقولو: البشر النضيف و سوى و عنده حد معقول من الاستقلالية و التفكير النقدى و مليان بقيم جيدة و يسعى لجعل الحياة اكثر جمالآ و عدالة و سلام سيظل كذلك ايآ كان موقعه , طبعآ سوء الحظ ممكن يرمى ناس كويسة في درب عجيب و تكون الغمة الايدولوجية عالية .. ممكن يروحو فيها , يعنى كيزان ما قبل الانقاذ ليسو بالضرورة اشخاص "اشرار و سيئين و فاسدين" بطبيعتهم , و حتى منتصف التسعينات كان هناك بعض "الاخيار" في وسطهم , الان لا اشك مطلقآ ان الكوادر الوسيطة و العليا القيادية قصتها بايظة تب , اما القواعد ده كلام تانى . يعنى اخونا "المسكين" ستالين ده ما بالضرورة كعب في رقبتو دى , لكن لقي "نظم و لوائح و قوانين" بتمهد و تساعد بل تقنن لما فعله هو وغيره برضو دى قصة دايرة كلام كتير .