فك الارتباط بين الشيوعيه و الشيوعيين في السودان !!

Quote: السؤال ما تعسفي يا طارق ، و ما مرتبط بالإنتخابات الحسي و بس . إنتو ناس نازلين إنتخابات معناتها وافقتو علي الاحتكام ليها ، بعداك تجي بمنو و البرلمان يكون شكلو كيف ده كلام تاني ،ده من ناحيه . من ناحيه تانيه ممكن المثال الضربتو لدكتور بله بتاع إنقلاب مجموعه شيوعيه أو صديقه و من ثم إحلال الكوادر الشيوعيه للحكم و ممكن تكون في طرق تانيه خالص لم تخطر علي البال لوصول الشيوعيين للحكم . السؤال عن ضماناتكم لينا شنو يا طارق إنو ما تعملو فينا زي ما الكيزان عملو لينا و التاريخ بيقول إنتو زي الكيزان لمن تحكمو ، رغم قناعتي (الشخصيه جدا ) إنو الشيوعيين العرفتهم استحاله يكونو أي حاجه قريبه للكيزان !! Quote: دايرنا يا امين نتغالط ساي للونسة مافي مانع لكن كدي غير لينا العنوان العنوان ده يا طارق لفض الاشتباك النفسي العندي ده ما أكتر : أجمل من عرفت هم الشيوعيين ، لكن التاريخ القريب و البعيد بيقول إنو الشيوعيين بيجو بالدبابات و بيحمكو بالحديد و النار مافي فرق بينهم و بين الكيزان و ما لاقي إستثناء ذاتو !