يحي المسيحي .... تأملات في المساله الشيعيه ....!!!!

Quote: في الموضوع ده بالذات : أنا شايف القران و المنطق البسيط براهو بيكفي !! يا الزوول يا حبيبنا البجي يقول لي الصحابه كلهم إرتدو بعد وفاتو صلي الله عليه و سلم ، بقول ليه ربنا سبحانه و تعالي قال : (والسابقون الأولون من المهاجرين والأنصار والذين اتبعوهم بإحسان رضي الله عنهم ورضوا عنه وأعد لهم جنات تجري تحتها الأنهار خالدين فيها أبدا ذلك الفوز العظيم ) الجنات التي تجري تحتها الأنهار خالدين فيها دي نسوي فيها شنو ؟ هو قال أعدها لهم : نقول ليه لا : الناس دي ارتدت أعد ليهم في جهنم ؟!!! عشان كده مافي طريقه إنو الصحابه ديل يكونو إرتدو إلا بواحد من اتنين : - يا إما السابقون الأولون من المهاجرين والأنصار ديل ما الصحابه و في الحاله دي يجو اخوانا الشيعه يقولو لينا ديل منو ! - يا إما ربنا سبحانه و تعالي بغير كلامو ، تعالي الله عن هذا علو كبيرا . غير كده مافي حل و أنا هنا ما بتكلم عن أيه واحده : الأيات متواتره عن فضلهم و مكانتهم و عن ما أعد الله لهم .

طبعاً الكلام الفوق ده أنا مقتنع بيهو مية المية ...(لكن البيقنع الديك شنو؟)
الكلام بيحتوي على سؤال ... ويحتوي على اجابة السؤال كمان
مش كده وبس ...اجابة قاطعة لا تحتمل اي خيارات سوى ما أوردته من خيارين
خلينا ننتظر أخوانا البيتأهبو للهجوم ديل (عمار والأزهري ومتوكل)
شوف يا أمين يا أخوي
أنا مؤمن أنو 97% من الناس البيتولدوا سنة وشيعة ومسيحين وهندوس ...الخ ما ناقشين حاجة كتيرة عن دينهم والمتدينين منهم لا يكلفوا نفسهم عناء اسئلة مثل لماذا
وكذلك أظن أن كل الذين يغيرون دينهم أو مذهبهم ( استبعد منهم ذوي الأغراض المادية والدنيوية)
يحملون أفكاراً جيدة ويملكون قلوب شجاعة وباختصار كده لهم حجتهم القدرو يقنعوا بيها نفسهم لينسلخوا عن مجتمعهم وربما أهلهم ويواجهو بيها الناس
لا أعرف عن الأخوة هؤلاء شيئاً ، ولكن لقلة الشيعة في السودان أظن بهم ذلك
لذا ليس أقل من أن نسمع رأيهم ولا شنو
.....

Quote: هنا أنا مختلف معاك يا الحبيب : لانو دي كلها ramifications للخلاف الأساسي بتاع السنه و الشيعه ده !! الناس دي بتقول إنو الصحابه إرتدو و السنه دي كلها كتبها الصحابه و خليك من السنه : القران ده الجمعو منو و وصلو لينا منو ؟ الصحابه ديل كان إردتو معناتها القران ده ذاتو محرف : نضمن كيف المرتدين ديل ما زادو ايات و لا نقصو ايات ؟ دي القضيه الدايره نقاش وحوار مع الشيعه الباقي كلو تفاصيل متجذره من الكلام ده .

الظاهر عليك اليومين ديل مشغول (حصلت البوست في الصفحة التالتة)
يا خوي نحن كلامنا واحد
لما طالبتهم بأحاديثهم فأنا هنا –ولعلمي أن لا أحد منا عاصر تلك الفترة- أطالبهم بمصادرهم التي استقوا منها أفكارهم المخالفة للسنة
بالطبع لا توجد وثائق أو كتب مكتوبة بأقلام الصحابة أو تسجيلات لهم
كل الموجود هو كتب كتبت بعد فترة طويلة جداً بأيدى أناس لم يشاهدوا الرسول صلى الله عليه وسلم وربما أحداً من الصحابة
أخضعت كتابة هذه الكتب لضوابط شرعية صارمة نعرفها كأهل السنة وتفرعت عنها علوم صارمة أيضاً كعلم الجرح والتعديل.
اطمأن السنة لهذه الضوابط التي طبقها الإمام البخاري ثم الإمام مسلم ثم مسند الأمام أحمد والترمذي والامام مالك ...الخ
أظن أن لتأريخ جمع القرآن وتأريخ تدوين الأحاديث دورها في عدم التشكيك بالقرآن *
و عكسه التشكيك بالسنة (أعني الحديث)
فالمعروف أن القرآن جمع في عهد سيدنا عثمان بن عفان الذي سبق عهد سيدنا علي ومعظم الصحابة الذين لم يصنفوا ضمن المرتدين ، وأقرار هؤلاء الصحابة (العدول عند الشيعة) للقرآن بالصيغة العثمانية وعدم نقضهم له يضع القرآن في دائرة المتفق عليه عكس الأحاديث التي جمعت بعد الفتنة وكان قد تم تصنيف الصحابة (already) لمن هم مرتدين ومن هم غير ذلك وبالتالي إنكار ما شهدوا به عن الرسول أو تصديقه.
وهذا هو سبب تركيزي على مصادر الشيعة المعترف بها

......
*هناك بعض الشيعة من يؤمنون أن القرآن الكريم قد جرى تحريفه وإخفاء بعض الآيات وهناك بعض الشيعة ممن يحسبون على الشيعة من لا يعترف به جملة وتفصيلاً ولهم كتبهم الخاصة. (وهذا واحد من أسباب سؤالي عن تصنيف الأخ يحي الشيعي)

...