|
Re: البوليس تارس الحلة ،،العجائز في المركز،،الجامع ذاتو قفلوه.... (Re: عبدالعزيز عثمان)
|
الله يقطع الزهايمر ويومو ،وكترة المشغولية وشقاوتا... اها عشان امرق اهلي من زرتم وافككم من شيلة العواميد ليهم،،،هاكم تلخيص القصة.... اصلا الحكاية حصلت بعد احداث يوليو،،البلد مليانة دم وبارود،سجون ومطاردات،،والنميري كان سمو فائر،،البلد واقفة فوق رجل واحدة،وعساكر الشرطة خائفين وضباطن اخوف .... كان ان وفد لحلتنا قبل زمن من الحادثة رجل غريب ،احتضنته القرية وكان يقوم بكل الاعمال بهمة ونشاط جعل الناس يلتفتون لهمته ويمازحونه بسرعته اعجابا... الزول شكلو شفقان علي الغني،،اصلو ما برتاح،في صيف يرمي الطير من السماء نص النهار كان يحفر في بئر لشخص... مرق منها محموم،،ودوه الاستبالية اراد الله ان يصاب بالصمم نتيجة حمي السحائي-شفاه الله فهو حي يرزق . خرج من المستشفي حانقا ،وناغما،استولي عليه غضب اعمي ان ناس الحلة وخاصة عواجيز الجامع هم من لطشوه عين-سحروه-نسبة لانهم كانو يمازحونه فهو يسكن خلوة الجامع مع اغراب اخرين. تشاء الارادة ان يقتتل الاغراب،،تترك جثة،،ويهرب الاخرين... جاءت الشرطة في حمي يوم الاعدامات السياسية والاعتقالات ،متوترة ومرتجفة،،،وجدت صاحبنا الاصم الذي اشار لها انه راي كل شئ... من قتل،،،اجاب اشارة بان المصلين وناس الحلة هم من قتل هذا وضرب الاخرين الذين هربو... وصار يقودهم من شخص لشخص ببهلوانية وشيطنة حاذقة،،،والشرطة في خوفها تلملم وتشحن من غير ما تفكير.... ولم يهتم احد ،فلقد كانت اياما خارج العقل والمشكلة ان عيالنا المتعلمين في شرطة وجيش كانوا ايامها من المغضوب عليهم وبعض اهالينا في البندر كانو نفسهم مزعزعين... لم يفك اللغز الا سكرة في احد اندايات الشرق حيث اجتمع الندامي -من قتلوا الشخص-اختلفو في قسمة الغنيمة تعاركو وحضر المعركة والحجة احد عساكر المباحث... في القسم اعترفو خمستهم بالقتل فوق قمار ،،، ضحك الرجل الاصم واشر بانه لم يكن يقصد انه راي القتل ولكنه كان يقصد انه يؤشر لمن يمكن ان يكون راها،،،ثم اردف للمتحري يستاهلو-دي اشر بيها كيف-ذلك انهم سحروه... ولم يسجل شئ ضده،بعد اربعين ليلة عاد خالي عتمان يؤذن في الفجاج،دورت البيارة،عاد باب الله لفرنه،وعادت الحياة.. في الجو دقو دلاليكهم ،ضرب خالي الباهي قرنه،،،وكان صاحبنا الذي صم من اكثر المنبسطين... واعفو لينا ،،تراكم علينا الشغل-دوامين-وليس في الافق متسع،،فخيرا في غيرا..
|
|
|
|
|
|
|
العنوان |
الكاتب |
Date |
البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 04:52 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 05:03 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 05:35 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 06:09 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 08:27 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-05-14, 08:49 AM |
Re: البوليس تارس الحلة ،،العجائز في المركز،،الجامع ذاتو قفلوه.... | بدرالدين بابكر مصطفى | 04-05-14, 09:51 AM |
Re: البوليس تارس الحلة ،،العجائز في المركز،،الجامع ذاتو قفلوه.... | سيف اليزل برعي البدوي | 04-06-14, 02:37 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-06-14, 03:02 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-06-14, 12:33 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-06-14, 05:23 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-07-14, 05:48 AM |
Re: البوليس تارس الحلة ،،العجائز في المركز،،الجامع ذاتو قفلوه.... | بدرالدين بابكر مصطفى | 04-07-14, 08:47 AM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-07-14, 12:00 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالحفيظ ابوسن | 04-07-14, 12:13 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-07-14, 11:07 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-08-14, 12:35 PM |
Re: البوليس تارس الحلة ،،العجائز في المركز،،الجامع ذاتو قفلوه.... | Yasir Elsharif | 04-11-14, 12:59 PM |
Re: البوليس تارس الحلة ،،العجائز في المركز،،الجامع ذاتو قفلوه.... | عبدالعزيز عثمان | 04-11-14, 01:21 PM |
|
|
|