|
ما تسيبوا ليهم المكان ده ، أقعدو فيهو و دافعو عن نفسكم و أُسركم و قناعاتكم
|
القعاد هنا و المشي منو راي و خيار شخصي لكل واحد مننا لكن نسوي شنو أهو دي أمراضنا كسودانيين زينا و زي غيرنا نسنسة و قوالات فارغة و محاولة كسر العين و و محاولات إبتزاز بي أسرنا و زوجاتنا و بناتنا و تلفيق الأكاذيب ، عنصرية و استعلاء عرقي فارغ أقعدوا هنا و دافعوا عن نفسكم ، و مافي حاجة اسمها إنت كبير و ترفع عن الفارغة و الكلام ده ما بشبهك و الأسطوانات الجوفاء دي قليل الأدب و الأخلاق ما بيعرف القيم دي . العنصري برضو ما بيعرفا و البيرى إنو عرقياً أحسن من الباقين برضو ما بيعرف سمو الأخلاق و الترفع . كلنا بنعرف نفسنا كويس و بنعرف زوجاتنا و أسرنا و أهلنا عشان كده ما تسيبو ليهم المكان ده بكل أسف ده الحاصل عشان كده الرد عليهم بيكون من جنس أقوالهم و أفعالهم المشي ما بيفيد ، في ناس مريضة بتفتكر إنهم بي كده إنتصروا عليكم الراي بيُناقش بالراي و الفكرة بالفكرة و برضو قلة الأدب بي القانون أو زيها ، قلة الأدب أقعدوا و ساعدو في تعريتهم و عزلهم و تأديبهم إن كانوا لم يتربوو يتأدبو .
|
|
|
|
|
|