الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 Re: قاموس المفردات العامية فى كتابات محمد الحسن سالم حميد (Re: ماريل)
|
(طعم الدروس)
من اول النصوص الذى تعرف عبرها المستمع الى الشعر وقد كتبها فى المرحلة الثانوية عندما اضطرته الظروف ان يسافر بعيدا عن اهله فى نورى ويذهب للدراسة فى مدينة عطبرة
تغنى بها الفنان الراحل (ياسين عبد العظيم) واختارها بعد ان لمس شاعرية فذة فى الصبى اليافع (حميد) ومن ثم امتد التعاون الفنى بينهما
(النص)
(شن طعم الدروس)
وريني شن طعم الدروس مادام بكانا مشى قطر
وكيف ذاتا ترتاح النفوس تقبل قرايتاً فى سفر
يايمه حان الإمتحان من وقتو بس فاضل شهر
ما اظنى من جور الزمان انجح واجيب ليكم نمر
كيف ذاتى يا نبع الحنان انجح من آلام السهر
عمرك سمعتيلك ######## خاض المعارك وانتصر
*********************
زينوبة كل ما افتح كتاب القاك فى أول سطر
القى الجداول والصحاب القى الجناين والتمر
فى الحصة عقلى أنا قام سدر يمه المدرس لو فكر
كان بلقى قاعد فوق ككر فى الدونكا لسع ما فطر
يسمع كليمة يا عشاي وأغلى الحكم عند الضجر
أنا قلبى كلو عليك جناى وقلب جناى على حجر
والله موش لو كان نهر لو كالنى بي سيطان بقر
مادام عقيل الجن سدر ما اظنو من عندك حضر
**************************
بذاتو ابوى تلقاهو قام فاتح كتابو مع الفجر
يقرأ ويرتل فى كلام ما بفهمو الناس الكُتُر
زينوبة كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر
والله لو ما منجبر ما كان بفارقك بى شبر
********************
زينوبة دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر
***********************************
بكانا:البكان هو المكان وهو ابدال دراج فى اللهجة العامية ابدال الميم باء
سَدر:غاب او مشى
كَكر:مقعد مصنوع من الخشب عبارة عن رجلان وجلسة خشبية متعارضة عليهما وهو يصنع خصيصا للعواسة
الدونكا:هى المطبخ او التُكُل
كالنى:الكيل هو العطاء وهنا تستخدم بمعنى الضرب الشديد يقال(فلان كال لى فلان اى ضربه ضرب شديد)
الناس الُكُتر:الاخرين
الكِتِر:نوع من الاشجار الشوكية تتميز اشواكه بالقسوة والقوة
|
|
 
|
|
|
|
|
| العنوان |
الكاتب |
Date |
| قاموس المفردات العامية فى كتابات محمد الحسن سالم حميد | ماريل | 03-30-14, 10:13 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 10:38 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 10:43 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 10:45 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 11:13 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 11:31 AM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 11:49 AM |
| Re: قاموس المفردات العامية فى كتابات محمد الحسن سالم حميد | Osama Mohammed | 03-30-14, 12:46 PM |
| Re: قاموس المفردات العامية فى كتابات محمد الحسن سالم حميد | ماريل | 03-30-14, 01:03 PM |
| Re: قاموس المفردات العامية فى كتابات محمد الحسن سالم حميد | osman righeem | 03-30-14, 01:32 PM |
| Re: قاموس المفردات العامية فى كتابات محمد الحسن سالم حميد | عثمان دغيس | 04-03-14, 09:03 AM |
| Re: قاموس المفردات العامية فى كتابات محمد الحسن سالم حميد | علي عبدالوهاب عثمان | 04-03-14, 10:25 AM |
| Re: قاموس المفردات العامية فى كتابات محمد الحسن سالم حميد | ياسر بيناوي | 04-03-14, 11:06 AM |
|
| |
فيس بوك
تويتر
انستقرام
يوتيوب
بنتيريست