إلى عبد الرزاق الطالب لا تزج بالفلاتة عموما فى صراعك مع من تصارع فى هذا المنبر !!

Quote: موضوع البوست..و هو قائم على بوست اخر..تقريبا انتهى..و النقطة الداير اوصلها ليك ..حكم الواقع اثبتها بطريقة دون ان نعلم.. ان دينق و كوستاوي قاعدين يمارسوا عنصرية و تحقير تجاه فئة محددة من اعضاء المنبر(و كان ممكن تسألنا عن شواهد ، و كنا جبناها ليك)..و البعض قاعد يصفق ليهم و يطرب لترهاتهم التي يبذلونها هنا في هذا المنبر..و قلنا ده ما سلوك افراد و انما المسئولية ترجع لتيار كامل هو تيار اليسار السوداني الحنكوش الذي قنع من الصراع بمجرد تفريخ مثل هذه الأرجوزات.. Entertainers بالنسبة لمجهودك في مناهضة العنصرية .. فهو جهد مقدر و ما غايب عنا يا صديقي ، و نحن برضك قاعدين نقرا المنبر و نتابع..لكن هذا الجهد ممكن يتنسف بموقف صغير ، قد لا تدري انت عنه او قد لا تشعر بيهو.. وهذا الموقف يبدو انك قاعد تختار عنصرية البعض و تترك عنصرية الأخرين..و في هذا المقام يا احمد انت قاعد تتغاضي عن سلوك دينق و كستاوي العنصري تجاه فئة محددة من عضوية البورد.. طبعا دينق ، رندوق اليسار الحنكوش قاعد يغشو يصفق ليهو..و يطرب لحركاتو..عشان كده التيار ده قاعد يصهين من هفوات دينق العنصرية و بيسكت عنها باعتبار ان الرجل سادي ليهم فرقة المحامشة و المناتلة (و ليتها مناتلة و محامشة ضد غول خصم فكري مثل الجبهة الإسلامية)..و ده دور الأرجوز يا دينق.. و اهو يا صديقي.. اول ما نحاول نرجع لحكاية الحساب واحد بواحد..و نقول نجيب الشواهد.. البوستات بقدرة قادر بتختفي..و في اعتقادي ده ما علاج.. لأنو نفس الناس ديل في الربع الجاي ح يرجعوا تاني يسوا ليهم سبة جديدة و ح تلاقي بريمة و عبد الرازق و كباشي الصافي و كبر .. هم عماد النقة..باقي ليك في افلاس فكري و اخلاقي و سياسي اكتر من كده؟.. يتبع.. كبر