|
Re: سطو مصلح ...!!! (Re: nour tawir)
|
طبعا يانور اخوك لما الثوره قامت حطمت ليهو بعض احلامو ... ومن احلامى انى أجيب لى لابتوب اخت فيهو شغل interior designing وبالمره (تور) معاى واقندل وارتاح شويه من المنافسه الشرسه وتعب الركب لقيت لى لابتوب سعرو حلو وحأجيبو بكره والفايده البتجى من وراهو انو اتابع المنبر وانا فى مواقع العمل المختلفه واخت فيهو صور شغلناالبنعملو عشان الزباين يتفرجو عليهو وكمان لأنى ماشى اسكندريه الإسبوع ده وعندى شغل فيها وحاكون بعيد من الديسك توب ده اها لمن حصلت الثوره قعدنا بدون شغل لى مده من الزمن ومواردنا الماديه بقت مابتسمح إلا بى الصرف فى اضيق الحدود جانى خبر انو اللابتوبات فى اسكندريه بى تراب القروش ... قلت ليهم كيف الكلام ده قالوا لى والله فى حراميه كسروا اكبر معرض ومخزن بتاع كمبيوتر فى اسكندريه وعارضين بضاعتهم على عينك ياتاجر واللابتوب البى ألف دولار عارضنو بى خمسمية جنيه شوشو بقى يوسوس لى اركب القطر وامشى جيب ليك واجد ياخ مافوكا حاجه والله اصلو الدنيا مهديه وجايطه والفرصه جاتك لحدت عندك .... ياشوشو انت جادى ..ياخ خلينا نوفر بالحلال ونجيب واجد ياملهم انت عوير حتلم خمسه والا سته ألف من وين ؟؟؟ وكيف ؟؟؟ عشان تجيب ليك بيها لابتوب ..!!! اها بعد ماتجيب لاب توب وتقعد مفلس والله حق الفول يبقى فقى تلتله احسن ليك تلهط الفرصه دى... قلت ليهو اقول ليك حاجه قال لى تقول لى شنو وتقول لى منو ؟؟؟ قلت ليهو اعوذ بالله من الشيطان الرجيم ... لقيتو اختفى من مشهد الحلم الجميل وصبرتا اها بكره اللابتوب ده بى تمن اتنين وسوسة شيطان 500+500 .......... ألف مبروك لى اللابتوب المينى المعفـــن الجديد نور تاور مرحب يابتنا
|
|
|
|
|
|
|
العنوان |
الكاتب |
Date |
سطو مصلح ...!!! | ملهم كردفان | 03-20-14, 02:52 PM |
Re: سطو مصلح ...!!! | ملهم كردفان | 03-20-14, 03:34 PM |
Re: سطو مصلح ...!!! | ملهم كردفان | 03-20-14, 08:46 PM |
Re: سطو مصلح ...!!! | ملهم كردفان | 03-20-14, 10:08 PM |
Re: سطو مصلح ...!!! | nour tawir | 03-22-14, 00:54 AM |
Re: سطو مصلح ...!!! | ملهم كردفان | 03-22-14, 02:12 AM |
Re: سطو مصلح ...!!! | الفاتح ميرغني | 03-22-14, 06:47 AM |
Re: سطو مصلح ...!!! | ملهم كردفان | 03-25-14, 02:46 AM |
Re: سطو مصلح ...!!! | othman mohmmadien | 03-25-14, 10:07 AM |
Re: سطو مصلح ...!!! | ملهم كردفان | 03-25-14, 10:39 AM |
|
|
|