|
|
 يا ود البوش ياخ إنت ود الذين أحبهم
|
لا أدرى كيف إستطاع هذا الفتى أن يحيل حياتى القاسية فى وسط الصحراء إلى جنات وأنهار وعسل ، هذه هى (السودانوية) الحقيقية حيث وقف العالم بأسره باحثاً متمحصاً آثارها وعلاتها وأسبابها ، وما الذى يورد السودانيين فى مجتمعاتهم هذا المورد الجميل ، وكيف تنداح كل الفوارق والفواصل ليعيش السودانى مع أخيه السودانى فى أريحية (وبساطِ أحمدى) حتى ليحسب من يشاهدهم أنهم يعرفون بعضهم البعض منذ عشرات السنين ، وهم لم يلتقوا إلا قبيل هنيهة فى عالم أزمانهم النقية ويحسبونها كمائة عام أو تزيد ، فيا الله على الشعب السودانى الجميل المتكاتف المترابط المتوحد المتفهم المتأهب لعناق بعضه البعض ، فيأخذون بعضهم بالأحضان فى لقاح لرابطة المحبة والأخوة فى الحِلة أو فى الحارة أو فى الحواشات أو مكان الخنا ، أو حتى المساجد والخلاوى والمسيد والقبب ، والورش والمصانع والصقيع الذى لا يشبه صقيع الآخرين فصقيعنا صى وصقيعنا وادى وصقيعنا خلا ،
يا ود البوش ، إن شاء الله تكون بطلت أكل أم فتفت؟ والله لا أدرى إن كان يأكلها أم لا لكنه فسح لى المجال لأقول فيه ما لم يقله مالك فى الخمر فما بال السودانيين يحبون بعضهم بذاك الجمال البهى ، وكيف وهم ينعم الله عليهم بهذه النعم ، ويختلفون فى الحكومة ، بئست هذى الحكومة ، فشعبنا قوى وشعبنا حصيف وشعبنا حريف وشعبنا يا شعبنا ما خاب يوماً أو إنهزم ، لكنه صبور لكنه خطير لكنه يحدد المصير رغم زعمكم بأن منقو زمبيرى قد انفصل ، فهل دخلتموا يا سادتى فى داخل القلوب ، وهل أمنتم المارد الجبار فى كل القفار ، يكفى هذا الشعب الأبى مدرسة أكتوبر المشرقة فى تاريخ الشعوب والأمم
شايفك يا بوش حايم بى غادى مع ناس ظرفاء فى الفيس والله كلكم ظريف وكلكم حريف وإنت إنت بالذات ود الذين أحبهم
طبعاً أخونا (أساسى) يفكر الآن فى سبب (تكسير الثلج) ويتهمنى بأننى أجيده وأحبُك الخيوط ،
بنفس هذه الأريحية ، كنا على موعد مع الأصول السودانية الطيبة بدعوة كريمة من أخى العزيز عبداللطيف بكرى وقد أذهلنى حقاً بمفاجآت سودانية لا تخطر على قلب بشر ، فانتعشت روحى وعاد لى النبض من جديد ، أحمدك يارب أن صيرتنى سودانى حتى أقتحم البيوت إقتحاما وكلها بيوتى مثل ما فعلت فى بيت الحبيب مصدّق وحرمه حليمة وبحضور نفر كريم من ضمنهم نورين وأحمد الشايقى وأبناء أصحاب الدار التى كانت فى تلكم اللحظة دار بوش ودار عبداللطيف ودار أدروب وأوشيك وأبّكر وخليفة كانت أيضاً دار تماضر وحليمة ومريم وعفاف كانت دار السودان كل السودان من حلفا لى نمولى بالصلاة على النبى ،
عرفت يا بوش إنت ليه ود الذين أحبهم ، لأنك تعرف قيمة السودان ولأنك تعرف قيمة الإنسان وكل سوادنى يفعل هذا ، لله دركم يا سودانيين كل يوم أنا فى دهشة جديدة لأنكم مدهشين
ويا رياض الخير حبيتك لوجه الله عشان فيك ناس عبداللطيف وبوش وحليمة وزيهم كتير ، إذن أنا وأنتمو بخير.
|
|
  
|
|
|
|
|
| العنوان |
الكاتب |
Date |
| يا ود البوش ياخ إنت ود الذين أحبهم | يازولyazoalيازول | 03-18-14, 05:28 PM |
| Re: يا ود البوش ياخ إنت ود الذين أحبهم | عبدالله ود البوش | 03-19-14, 06:20 AM |
 Re: يا ود البوش ياخ إنت ود الذين أحبهم | HAIDER ALZAIN | 03-19-14, 06:39 AM |
| Re: يا ود البوش ياخ إنت ود الذين أحبهم | عبدالله ود البوش | 03-19-14, 06:55 AM |
 Re: يا ود البوش ياخ إنت ود الذين أحبهم | HAIDER ALZAIN | 03-19-14, 07:11 AM |
 Re: يا ود البوش ياخ إنت ود الذين أحبهم | يازولyazoalيازول | 03-19-14, 06:40 AM |
| Re: يا ود البوش ياخ إنت ود الذين أحبهم | يازولyazoalيازول | 03-19-14, 06:44 AM |
| Re: يا ود البوش ياخ إنت ود الذين أحبهم | عبدالله ود البوش | 03-19-14, 07:04 AM |
| Re: يا ود البوش ياخ إنت ود الذين أحبهم | يازولyazoalيازول | 03-19-14, 07:14 AM |
| Re: يا ود البوش ياخ إنت ود الذين أحبهم | أيمن دياب | 03-19-14, 11:30 AM |
| Re: يا ود البوش ياخ إنت ود الذين أحبهم | يازولyazoalيازول | 03-19-14, 12:25 PM |
| Re: يا ود البوش ياخ إنت ود الذين أحبهم | جعفر محي الدين | 03-19-14, 12:39 PM |
| Re: يا ود البوش ياخ إنت ود الذين أحبهم | يازولyazoalيازول | 03-19-14, 12:57 PM |
|
| |
يازولyazoalيازول
فيس بوك
تويتر
انستقرام
يوتيوب
بنتيريست