|
Re: أعراب الكويت، هل يريدون تصدير مشاكلهم الينـا... (Re: محمد على طه الملك)
|
محمد على، سلام..
تتكلم عن منو يا اخى العزيز.. ناس الحكومة ديل إنطبعوا على الفســاد، فلا يمكن ان يعملوا عملا صالحـا.. تنمية شنو وميناء شنو.. ديل لما يجى واحد خليجى داير يستثمر بيضبحوا خروف من الفرح.. ويقعدوا يمعطوا فيهو لحد ما يهرب بباقى قريشاتو إن فضل فيهن شئ.. خليك من الأجنبى، اعرف واحد وفر من مرتبه سنين، وبعدين نزل البلد وقال داير يعمل مركز ثقافى ومسجد.. بس شوف اللمة.. عدموه التعريفـة وما عمل اى شئ.. لما سألته قال هم اصلا لا يصدقون انك تعمل لوجه الله.. يمشوا طوالى إنو واحد خليجى فاعل خير أداك القروش دى، وإنت أكلت نصها وداير تغش الخليجى بالنص التانى انك عملت بيه شئ.. من كثرة فسادهم وافسادهم، معانى زى تطوع ومصلحـة عامة وخدمة النشئ.. كلها دى فى قاموسهم مافى.. لا تهمهم الميناء ولا الزراعة ولا اى شئ.. ســــوء يمشى على رجلين ولا يمكن إصلاحـه. واحد خليجى رحبوا بيه وادوه الاف الأفدنة.. وبعد شوية الإبتزاز المتواصل.. زكل مرة يطلعوا ليه مشكلة عليه حلها وتكلف زى 20 الف دولار وكدا.. عارف الزول دا وين هسى؟ فى إثيوبيـا.. عمل مزارع كبيرة جداً والحكومة أدته كل ما يحتاج له.. وبنى قرى كاملة للمزارعين الإثيوبيين واسرهم، ومدارس لأطفالهم.. شفت كيف.. لأن حكومـة إثيوبيا غير فاسـدة..
لا تصدق أى كلمة ولا تثق فى هـذه العصابـة.
|
|
|
|
|
|
|
|
|