اتمنى ان يكون وجودي بينكم اضافة

Quote: عشان من هسى نكون واضحين: - أؤمن بان سعادة البشرية في الاشتراكية و لا حل لمعاناة الانسانية الا بالاشتراكية - كنت انفصالي و مازلت على موقفي لكن أدعو الي التكامل الاقتصادي بين جنوب السودان و السودان بما فيه توحيد العملة. - غير متحمس تجاه الحريات الأربع ، لانها لا معنى لها من الناحية العملية. قوانين العمل و الاستثمار في اي من الدولتين كفيلة بتنظيم احوال الناس، في حال طبقت بشكل سليم. - من الأفضل لدولة الجنوب ان تقيم علاقات استراتيجية مع دول الخليج مثل السعودية و الامارات و الكويت و ذلك في مجالات الزراعة و البنية التحتية . - و ان تجعل علاقتها بإسرائيل في أدنى مستوياتها. تلك الدولة لن تفيد الجنوب بشيء.

Quote: - كنت انفصالي و مازلت .

يا سلالالالالام يا سلام على الوضوح.. وطبعًا ما مُمكِن الرهط يِرْموك بِـ"العُنْصُرِية" بس مُمكِن الشتارا والقِرايا بِالإضْنين تسبِب ليك عُسر قِراءة.. مِتِك شتارة تراجي الكتبت:

Quote: فنحن الشمالين دول الخليج شايفنا عبيد…انتو عايزين تتلصقوا فيها ليه؟!

ــــــــــــــــــــــــــــــــــ

Quote: وليه نطيت لاسرائيل و اساسا هي ما متغير حقيقي

Quote: بعتقد محاولة بيعك لنا فكرة رفضك لاسرائيل هو محاوله و اضحه لتسويق استلابك ايا كان ثقافي ديني!!

Quote: اسرائيل دي اخير لك تنساها و تركز في مشاكلك كسوداني جنوبي!

Quote: مالك انت كجنوبي لتورث صراع المنطقه العربيه كله ببؤسه وتعقيداته؟!!

ــــــــــــــــــــــــــــــــــ

Quote: وانما من باب اولي انك توضح رايك بشجاعه في العلاقات الافريقيه المحيطه بك و التي هي حاليا لاعب اساسي في الصراع في الجنوب؟!

Quote: انك توضح رايك بشجاعه !

طبعًا إنت عارِف يا عبدالله دينق إنو الفهم قِـسَـمْ وكِده.. ولو ما عارِف حقو تعرِف مِن هسِع، حقو تعرِف إنو تراجي دي جات جاريا لِعمودك ده وعاضه طرف توبا ومالصا سِفِنْجاتا هِنااااك ولِسان حالا بِقول: [ها هو آخر قد وصل]

على كُل حال أغلب الأعضاء هِنا بصنِفو تراجي وبشاشا وكام واحِد كِده تحت بند "العكاشِيون" نسبة إلى المِصري/ تَوْفيق عكاشة صاحِب قناة الفراعين


ـــــــــــــــــــــــــــــــــــ
سؤال:
إنت عبدالله دينق نِيال عِنْدك بيهو علاقة؟






إقامة طَيِبة إن شاءالله

(عدل بواسطة عزام حسن فرح on 03-14-2014, 11:02 AM)
(عدل بواسطة عزام حسن فرح on 03-14-2014, 11:04 AM)