|
|
 Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ (Re: أشرف الرحال)
|
النجم الاول وفارس النزال
ودي اهداء للزول البسن في سكاكينو حبيبنا ود دياب
Quote: وإن طـــــــــــــــــــال السفر | محمد عبدالماجد
================ أبومهــــــــاب ==============
نحن ملياراتنا بنجيبها من (الدخل) وانتوا بتجيبوها من (النفط)
الاثنين 10 مارس 2014
< اتاريهو (الجو) اتصلح...(براهو كدا ..منو وليه).
< فجأة كدا ..بدأت (تصب).
< الطقس بقى زي (اعاين ليه واضحك وامشي واجيه راجع).
< ونشرب ليك في الشاي والقهوة.
< ونحن (الفرح) يقالد فينا زي (وقت سيرتك يجيبوها).
< والبلح.
< البلح براهو حايم يوزع في نفسو للناس ..زي كأنو شاعر بالانتصار.
< وعم علي ...(يقهقه) من الضحك ..زي ارسال التلفزيون وقت يقطع.
< وعباس ود التومة يجيك داخل بي (صينية) العشاء.
< اها..عشاكم شنو الليلة؟ ..اوعك تكون جايب ليك طبيخ (البطاطس) الرجعناه في الغداء.
< التجاني ود الخيرابي ..طلع (فرحان) من مكتب المدير ..قال صدقو ليه بي الحافز.
< ينفخ في جضمو زي (مرتبة الاسفنج).
< يضحك متل (المروحة) العاوزة ليها (شحم).
< اتاريهو الهلال غالب.
< نتقسم في (الضل)..ونوزع في (الفرح)..ونقفل الشارع الفوق بالضحكات.
كان تعتذر
كان تعترف
ما فيها شيء
ما زينا..
وزيك نكون ..نغلط ..بتغلط اعترف
فاكرنا ..ناس من غير حواس
او مفتكر ..انك خلاص فوق البشر
< في زول مرة قلب ليه طلب كبدة في صحن عدس...(شفتوا طلعتكم كيف من الموضوع).
< وفتحت ليكم سيرة جديدة.
< والله ما تعرف العدس ، وقت تقلب فيه طلب كبدة.
< الشيء دا ..زي قون كاريكا.
< تقعد تتلخبط فيه كدا.
< تتحير فيه.
< لا تعرفو جابو مهند الطاهر ..ولا تعرفو جابو مدثر كاريكا.
< هدف زي (المدرسة المختلطة).
< ديل ناس الهلال ..الالفة بيناتهم كبيرة ..والعشرة والملاح بقت تظهر في (اهدافهم).
< بعد ما الهلال سجل هدفو الاول ..طلعنا في قوز الرملة.
< عندنا (قوز رملة) في الحلة.
< قعدنا فيه نتغالط.
< شيء نقول الهدف دا جابوا مدثر كاريكا.
< وشيء نقول لا جابوا مهند الطاهر.
< تصوروا في ناس قالوا جابوا (الخندقاوي).
< الخندقاوي الطالع الايامات دي اكتر من (ازمة الغاز).
< خلينا المباراة ..وشرعنا ليك في الغلاط.
< بعدين (اللخبطة) دي عملها تحويل (الطبق).
< بقينا ما بنعرف الزول السجل الهدف.
< لخبطة شديدة.
< ناس يقولوا مهند الطاهر.
< وناس يقولوا مدثر كاريكا.
< عشان (الغلاط) دا ..نصرالدين النابي سحب ليك مهند الطاهر ..ومثدر كاريكا.
< عشان نروق شوية من (الغلاط) البنعمل فيه دا.
< في جماعة مننا (متحججين) مشاكل.
< من يسمعوا ليهم طرف (غلاط) كدا ..بتصدروا ليك الموضوع ..وبستلموا ليك الحكاية.
< يبقوا اسيادها.
< وقت الغلاط زاد ..والدم وصل الركب ..في (روسي) قاعد مطرف ..قال نحن عشان نحل الازمة دي ..لازم نمشي (ابوجا).
< في جماعة قالوا السماء قريب ..نحن ابوجا ما بنمشي.
< نمشي (نيفاشا).
< الجماعة التانية زعلوا ليك من الموضوع.
< قالوا كيف نمشي (نيفاشا).
< قلنا ليهم يا جماعة الموضوع دا ما بستاهل.
< ما في داعي للحاجات دي.
< المفاوضات دي ما محتاجة للكلام دا.
< مهند الطاهر ...ومدثر كاريكا واحد...كلهم ولادنا.
< اهل الرأي..قالوا نمشي (اديس ابابا).
< واحد من الجماعة قال يقوم يطلع ليكم كمان (عرمان) هناك يندمكم على (اهدافكم).
< يطلع ليكم الهدف جابو (بلة جابر).
< عرمان بعملها.
< اخر رأي..الناس اتفقوا عليه.. قالوا نمشى (الدوحة) نعمل مفاوضات هناك.
< ناس الدوحة ديل (اخوانا)..وفي الحاجات الزي دي ما عندنا غير (الاخوان).
< نحن نمشي الدوحة ..نشوف الهدف جابو مهند الطاهر وإلّا جابو مدثر كاريكا..
< يا جماعة دي ما قضية.
< دي ما مشكلة.
< الهدف يجيبو مهند الطاهر وإلّا يجيبو مدثر كاريكا ..المهم انو الهدف ما جابو (عبداللطيف بويا).
< نحن عارفين ومتأكدين في جماعة بتحسسوا من اهداف (بويا).
< عصام الحضري ...قالوا ليك لي هسع بشكي من (القضروف) من هدف بويا.
< وقالوا ليك (باسكال) ذاتو قدموه من الدفاع للوسط.
< بسبب الهدف (المدفوق) دا.
< هدف زي (خريطة) السودان زمان قبل الانفصال.
< غايتو هسع هدف بويا دا لو عادوه ح يلقوا البلد بقت ضيقة عليه.
< المهم نحن قاعدين نتغالط كدا..زي (البنتسوك)...محمد احمد بشه جاب ليك هدفو.
< فكينا ليك الموضوع ..وخلينا الهدف الاول ..واتلحنا ليك هدف محمد احمد بشه زي العاوزين منو (قروش).
< قاعدين (متلحين) للهدف كدا ..ومتشعلقين زي كأنو في ازمة مواصلات.
< قالوا لينا دخل المباراة 600 مليون جنيه...مليار إلّا شوية.
< دخل المباراة قريب المليار.
< ما شاءالله ..وتبارك الله ...(دي غير الناس البدخلو ملح).
< وغير اصحاب البطاقات الاكرامية..ومنو كدا ما عارف.
< ناس الاتحاد ديل طبعا اي واحد عندو قريبو ..بمنحو ليك بطاقة اكرامية.
< تلقاه قاعد في المقصورة ..والدكتور كمال شداد..بجلالة قدره يكون قاعد في البيت.
< عليكم الله ما بتخلجوا.
< ما قاعدين تتعقدوا.
< هسع عاوزين كمال شداد ..يحول ليكم (الطبق).
< والله انتوا (طبق) صديق علي صالح كتير عليكم.
< عاوزين كمال شداد يحول (طبقو)...بالغتو فيها دي.
< معقولة دخل المباراة اكثر من نصف مليار جنيه.
< مليار إلا شوية.
< جمهور الهلال دفع في (90) دقيقة 600 مليون.
< قريب المليار جنيه في السخانة دي.
< في يا جماعة حب اكتر من كدا.
< في عظمة اكتر من دي.
< نحن غايتو (ملياراتنا) بنجيبها من (الدخل).
< بنجيبها من (شباك) التذاكر.
< بنجيبها عديل كدا ..عينك ..عينك.
< وناس المريخ المليارات يجبوها من (النفط).
< النفط او (رسوم عبور النفط).
< يعني في كل الاحوال انتوا (ملياراتكم) طالعة ..طالعة.
< عشان ما تعبانين فيها.
< عشان المليارات دي ما تعبانين فيها ..بشيلوها ناس بايرن ميونخ ..وناس عصام الحضري ..وناس وارغو ذاتو.
< المليارات دي لو دفعها جمهوركم ..ما كان بترموها كدا.
< ليكم حق.
< عشان كدا.
< عشان كدا شنو؟.
< عشان كدا ..البلد دي كل انديتها المشاركة في البطولات الافريقية طلعت.
< كلها ..عدا الهلال.
< المريخ طلع من دور الـ (68).
< خلاص يا الهلالاب زدتوا الحكاية ..عاوزين تعملوا دور الـ (64) دور الـ (68).
< عاوزين تزيدوها (4) مرة واحدة.
< يعني يا مريخاب انتوا فارقة معاكم.
< 64 فرقها شنو من 68.
< يعني الاربعة الزيادة دي ح تعقدكم.
< والله لو اتعقدتوا ذاتو كويس.
< بقيتوا تحسوا كمان.
< طالعين لي من (التمهيدي) وعاملين لي فيها عندكم (احساس).
< انتوا لو عندكم شوية احساس ..كان مشيتوا انضميتوا ليكم لي فريق كورة (طايرة)..وقت انتوا بطيروا كدا.
< فريقكم دا ..فريق (طايرة)..ما فريق كورة قدم.
< اي بطولة او منافسة ..انتوا (طايرين) لي منها.
< الاهلي عطبرة (طار).
< والاهلي شندي ذاتو (طار).
< الاندية كلها (طارت).
< إلّا الهلال.
< والله يا صلاح مليشيا ..انت عندك نظرة بعيدة ...من زمان بتكتب (إلا الهلال).
< اها الحكاية دي السنة دي الاندية السودانية طبقت لينا النظرية دي.
< طلعوا كلهم.
< انتوا عارفين المريخ والاهلي عطبرة والاهلي شندي بذكروني بي شنو؟.
< بذكروني ليك بي وقت الزيارة ساعة ينتهي في (المستشفى).
< الغفير يجي حايم في العنابر ..يدخل ليك زقاق ..زقاق ..ويطرد ليك في الناس.
< معليش يا جماعة ..الزيارة وقتها انتهى.
< الحكاية دي هسع بقت على المريخ والاهلي عطبرة والاهلي شندي.
< المريخ والاهلي عطبرة طلعوهم ليك من (التمهيدي).
< يعني قبل ما يدخلوا (العنبر).
< عنبر شنو؟.
< قبل ما يدخلوا (حوش) المستشفى ذاتو.
< والاهلي شندي لحقوا ليك في (الصالة)..قبل ما يدخل (العنبر) طلعوه ليك من دور الـ (32).
< معقولة ..البلد دي نمثلها برانا.
< نشرفها برانا.
< عاملين لينا ازعاج الفاضي.
< ناس يطلعوا من دور الـ (64) مفروض (سكر) ما تصرفوا ليهم.
< رغيف ما في ليهم.
< البطلعوا من دور الـ (64) ديل ..(باصات الوالي) المكيفة دي مفروض ما يركبوها.
< لو في عدل.
< لو في انصاف...(كهربة) مفروض ما يوصلوها ليكم.
< تطلعوا من دور الـ (64) وتشاركونا في حاجاتنا دي.
< انا ما عارف ..لكن تاني ما اشوف لي (مريخابي) في شارع النيل.
< حدكم شارع الهوا.
< موش طلعتوا من دور الـ (64).
< من (التمهيدي).
< ناس التمهيدي في (روسيا) بسحبوا منهم (الجنسية).
< ديل عندهم (7) اجانب ..وبطلعوا من دور الـ (64).
< ديل بلعبوا.
< ديل في (النفط) عندهم حصة.
< ديل في البرلمان عندهم (الوالي).
< في باصات الولاية ..خصصوا ليهم (باصين).
< بعد الحاجات دي كلها يطلعوا ليكم من دور الـ (64).
< بقينا برانا.
< نسافر بالطيارة.
< او بالبحر.
< ح نمثل السودان ..اتقدمنا في البطولة الافريقية ..وما بنقيف تاني مع (النابي) دا.
< مفروض تعملوا لينا (سفارة).
< مفروض طوالي تعينوا عمر بخيت (سفير).
< عبداللطيف بويا ..كفاه (قنصل).
< والشغيل عشان جانا من ناس المريخ (لسانهم طويل) ح نعملوا ملحق اعلامي.
< يا جماعة نحن بنمثل البلد.
< برانا كدا.
< المريخاب تلقاهم زعلوا من كلامي دا.
< تلقاهم قالوا انتوا يا هلالاب ما براكم.
< المريخاب بكونوا قالوا نحن بمثلنا (نايل).
< نايل اخير من الحاجات البتعملوا فيها دي يا مريخاب.
< يعني بدل معسكرات (شهر) في قطر.
< وبدل ما تقعدوا تلعبوا لي مع بايرن ميونخ وزينت الروسي وريد بول النمساوي...احسن تقبلوا على (نايل).
< عاملين ليكم مجلس ادارة في الفاضي.
< وقطاع رياضي.
< وعبدالصمد ..كل يوم يقدم استقالتو ويسحبها.
< وجرايد.
< وجمال الوالي.
< و12 مليار.
< تعبانين في الفاضي ساكت.
< حلوا الحاجات دي ...وشجعوا (نايل).
< على الاقل (نايل) بمثل السودان ..ووصل مراحل متقدمة في (احلى صوت).
< عمل الحاجات دي بدون صرف.
< وبدون مجلس ادارة.
< وبدون بارين ميونخ.
< وبدون (باصات) ذاتو.
< هسع في داعي تجيبوا ليكم مدرب عمره (77) سنة وانتوا طلعتوا من دور الـ (64).
< يعني الموسم القادم عاوزين تطلعوا لينا من دور الـ (77).
< انتوا عاجبكم الكلام البتعملوا فيه دا.
< حالكم دا مقتنعين بيه.
< ملحوظة : حالتكم دي الخرطوم الوطني ما بقبل بيها.
هوامش
< حكم المباراة امس كان قاسيا على الهلال.
< بكري المدينة كان نجم المباراة الاول.
< كذلك تألق بصورة كبيرة جمعة جينارو.
< اما عمر بخيت فقد كان نعم القائد.
< نصرالدين النابي كان رجل المباراة.
< جمهور الهلال اعاد لنا الهلال من جديد.
< رجعت روعة الهلال ..وفرحت الهلال ..وحلاوة الهلال.
< كل هذه الاسرار عند جمهور الهلال.
< مجلس الهلال يجب ان يمدد له حتى يحصد زرعه.
< يتسحق المجلس التقدير والثناء.
< ويستحق القطاع الرياضي في الهلال الاحترام.
< الهلال سوف يلعب يوم الخميس امام الرابطة في كوستي.
< نحذر من نشوة الفرح.
< ونحذر من التفريط في نقاط الممتاز.
< ما عاوزين نفرط في نقطة السنة دي.
< الاهلي المصري كان على بعد (خطوات) من الخروج من البطولة الافريقية.
< يا شوبير ..يا بتاع الفصاحة انت والكرفتة الحمراء ...خروج الاهلي من البطولة الافريقية مسألة وقت.
< مسألة وقت ليس إلّا.
< الهلال بقليل من الجهد ..والمسؤولية يمكن ان يمضي بعيدا في البطولة الافريقية.
< وهو الافضل حاليا.
< فقط رتبوا منذ الان لتسجيلات يونيو.
< يونيو باقى ليه اقل من ثلاث شهور.
< شوفوا نواقص الفريق ..واكملوها.
< الهلال في كل الاحوال سوف يكون في البطولات الافريقية ..الابطال او الكونفدرالية.
< وان شاء الله الهلال يذهب بعيدا في البطولة الافريقية للابطال.
< بشه عملها.
< وهل يتأخر بشه عندما يكون الرهان عليه.
< بكرة يوم اخر.
< ....
< عاجل : كروجر عرفها ..اتخارج من بدري ...(اتوفيستر) شيلوا من الجواز عشان ما يهرب.
= |
مودتي
الرحــــال
|
|
 
|
|
|
|
|
| العنوان |
الكاتب |
Date |
| سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظيم | أشرف الرحال | 03-09-14, 02:02 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 02:10 PM |
| Re: سيد البلد في اشرس نزال للعبور لــ 16 في منافسة الابطال | haroon diyab | 03-09-14, 02:12 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 02:19 PM |
| Re: سيد البلد في اشرس نزال للعبور لــ 16 في منافسة الابطال | عبدالكريم الاحمر | 03-09-14, 02:15 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 02:23 PM |
| Re: سيد البلد في اشرس نزال للعبور لــ 16 في منافسة الابطال | haroon diyab | 03-09-14, 02:25 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 05:24 PM |
| Re: سيد البلد في اشرس نزال للعبور لــ 16 في منافسة الابطال | Hafiz Bakhit | 03-09-14, 05:30 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 07:33 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 07:35 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:03 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:08 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:13 PM |
| Re: سيد البلد في اشرس نزال للعبور لــ 16 في منافسة الابطال | Mohamed Foto7li | 03-09-14, 08:22 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:34 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:22 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:31 PM |
| Re: سيد البلد في اشرس نزال للعبور لــ 16 في منافسة الابطال | الصادق صديق سلمان | 03-09-14, 08:29 PM |
| Re: سيد البلد في اشرس نزال للعبور لــ 16 في منافسة الابطال | abas | 03-09-14, 08:35 PM |
| Re: سيد البلد في اشرس نزال للعبور لــ 16 في منافسة الابطال | سفيان عثمان قرضيه | 03-09-14, 08:37 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 09:02 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:57 PM |
| Re: سيد البلد في اشرس نزال للعبور لــ 16 في منافسة الابطال | أشرف الرحال | 03-09-14, 08:39 PM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | يوسف محمود | 03-09-14, 08:38 PM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-09-14, 09:12 PM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-09-14, 09:19 PM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-09-14, 09:24 PM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | مرتضي عبد الجليل | 03-10-14, 01:20 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | الفاتح شلبي | 03-10-14, 08:18 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-10-14, 08:32 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-10-14, 08:36 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | ياسر منصور عثمان | 03-10-14, 09:36 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-10-14, 09:49 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-10-14, 09:56 AM |
 Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | حمزاوي | 03-10-14, 10:02 AM |
| Re: سيد البلد لدوري الـ16 في البطولة الافريقية للابطال.. من غيرك يا هلال يمنح الفرح لهذا الشعب العظ | أشرف الرحال | 03-10-14, 10:43 AM |
|
| |
أشرف الرحال
فيس بوك
تويتر
انستقرام
يوتيوب
بنتيريست